← Back
The Comprehensive Aramaic Lexicon
← Return to the Text Browser
click on the file description for more information
62027: P Ps

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


010:001 [ai]ܠܡܢܐ ܡܪܝܐ ܩܡܬ ܒܪܘܚܩܐ܂ ܘܐܗܡܝܬ ܚܝܪܟ ܒܙܒܢ̈ܐ ܕܐܘܠܨܢܐ܂
010:002 [ai]ܒܫܘܒܗܪܗ ܕܪܫܝܥܐ ܝܩܕ ܡܣܟܢܐ܂ ܢܬܬܚܕܘܢ ܒܬܪܥܝܬܐ ܗܝ ܕܐܬܚܫܒܘ܂
010:003 [ai]ܡܛܠ ܕܡܫܬܒܗܪ ܪܫܝܥܐ ܒܪ̈ܓܝܓܬܐ ܕܢܦܫܗ܂ ܥܘܠܐ ܡܬܒܪܟ ܘܪܓܙ ܡܪܝܐ܂
010:004 [ai]ܘܪܫܝܥܐ ܒܪܡܘܬܗ ܠܐ ܡܥܩܒ܂ ܘܠܝܬ ܐܠܗܐ ܒܟܘܠܗܝܢ ܬܪ̈ܥܝܬܗ܂
010:005 [ai]ܘܫܪ̈ܝܢ ܐܘܪ̈ܚܬܗ ܒܟܠܙܒܢ܂ ܘܡܥܠܝ ܕܝܢܟ ܡܢ ܠܩܘܒܠܗ܂ ܘܠܟܠܗܘܢ ܒ̈ܥܠܕܒܒܘܗܝ ܫܐܛ܂
010:006 [ai]ܐܡܪ ܒܠܒܗ ܕܠܐ ܐܙܘܥ ܠܕܪܕܪܝܢ܂ ܪܢܐ ܒܒܝܫܬܐ
010:007 [ai]ܘܠܘܛܬܐ ܡܠܐ ܦܘܡܗ܂ ܬܘܟܐ ܘܢܟܠܐ ܬܚܝܬ ܠܫܢܗ ܥܘܠܐ ܘܥܬܐ܂
010:008 [ai]ܝܬܒ ܒܟܡܐܢܐ ܒܕܝܪܐ܂ ܘܒܛܘܫܝܐ ܩܛܠ ܠܙܕܝܩܐ܂ ܥܝܢ̈ܘܗܝ ܠܒܝܫܐ ܕܝܩ̈ܢ܂
010:009 [ai]ܘܟܡܢ ܠܡܚܛܦ ܠܡܣܟܢܐ ܒܢܓܕܐ ܕܡܨܝܕܬܗ܂
010:010 [ai]ܗܘ ܢܬܡܟܟ ܘܢܦܠ܂ ܘܒܓܪ̈ܡܘܗܝ ܟܘܪܗܢܐ ܘܟܐܒ̈ܐ܂
010:011 [ai]ܐܡܪ ܒܠܒܗ ܕܛܥܐ ܐܠܗܐ܂ ܘܐܦܢܝ ܐ̈ܦܘܗܝ ܘܠܐ ܚܙܐ ܠܥܠܡ܂
010:012 [ai]ܩܘܡ ܡܪܝܐ ܐܠܗܝ ܘܐܪܝܡ ܐܝܕܟ܂ ܘܠܐ ܬܛܥܝܘܗܝ ܠܒܝܫܐ܂
010:013 [ai]ܠܡܢܐ/ܥܠ ܡܢܐ#3#/ ܐܪܓܙ ܚܛܝܐ ܠܐܠܗܐ܂ ܘܐܡܪ ܒܠܒܗ ܕܠܐ ܬܒܥ܂
010:014 [ai]ܚܙܐ ܐܢܬ ܕܐܝܬ ܥܘܠܐ ܘܪܘܓܙܐ/ܘܪܘܫܥܐ#3#/܂ ܘܚܐܪ ܐܢܬ ܕܢܫܬܠܡ/ܕܢܫܠܡ#3#/ ܒܐ̈ܝܕܝܟ܂ ܥܠܝܟ ܢܫܬܒܩ ܒܝܫܐ܂ ܘܕܝܬܡܐ ܐܢܬ ܗܘ ܥܕܘܪܗ܂
010:015 [ai]ܬܒܪ ܕܪܥܗ ܕܚܛܝܐ܂ ܘܕܒܝܿܫܐ/ܘܕܒܝܼܫܐ#3#/ ܬܬܒܥܐ/ܬܬܒܥܗ#3#/ ܚܛܝܬܗ ܘܠܐ ܬܫܬܟܚ܂
010:016 [ai]ܡܪܝܐ ܡܠܟܐ ܗܘ ܠܥܠܡ ܥܠܡܝܢ܂ ܐܒܕܘ ܥܡ̈ܡܐ ܡܢ ܐܪܥܗ܂
010:017 [ai]ܣܒܪܐ ܕܡܣ̈ܟܢܐ ܫܡܥ ܐܢܬ ܡܪܝܐ܂ ܘܛܘܝܒܐ ܕܠܒܗܘܢ ܬܨܘܬ ܐܕܢܟ܂
010:018 [ai]ܠܡܕܢ ܠܝ̈ܬܡܐ ܘܠܒܝܫ̈ܐ܂ ܕܠܐ ܢܘܣܦ ܬܘܒ ܠܡܘܒܕܘ ܒܢܝܢܫ̈ܐ ܡܢ ܐܪܥܐ܂

next chapter