← Back
The Comprehensive Aramaic Lexicon
← Return to the Text Browser
click on the file description for more information
62027: P Ps

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


022:002 [ai]ܐܠܗܝ ܐܠܗܝ ܠܡܢܐ ܫܒܩܬܢܝ܂ ܘܐܪܚܩܬ ܡܢ ܦܘܪܩܢܝ ܒܡ̈ܠܐ ܕܣ̈ܟܠܘܬܝ܂
022:003 [ai]ܐܠܗܝ ܐܩܪܝܟ ܒܐܝܡܡܐ ܘܠܐ ܬܥܢܝܢܝ܂ ܘܒܠܠܝܐ ܘܠܐ ܬܟܬܪ ܠܝ܂
022:004 [ai]ܐܢܬ ܩܕܝܫ ܘܝܬܒ ܒܫܘܒܚܟ ܐܝܣܪܝܠ܂
022:005 [ai]ܒܟ ܣܒܪܘ ܐ̈ܒܗܝ ܣܒܪܘ ܒܟ ܘܦܨܝܬ ܐܢܘܢ܂
022:006 [ai]ܠܘܬܟ ܓܥܘ ܘܐܬܦܨܝܘ܂ ܒܟ ܣܒܪܘ ܘܠܐ ܒܗܬܘ܂
022:007 [ai]ܐܢܐ ܬܘܠܥܐ ܐܢܐ ܘܠܐ ܒܪܢܫܐ܂ ܚܣܕܐ ܕܒܢ̈ܝ ܐܢܫܐ ܘܣܘܠܢܗ ܕܥܡܐ܂
022:008 [ai]ܟܠ ܕܚܙܐܘܢܝ ܡܝܩܘ ܒܝ܂ ܐܦܛܪܘ ܒܣ̈ܦܘܬܗܘܢ ܘܐܢܝܕܘ ܒܪ̈ܝܫܝܗܘܢ܂
022:009 [ai]ܐܬܬܟܠ ܥܠ ܡܪܝܐ ܕܢܦܨܝܘܗܝ܂ ܘܢܦܠܛܝܘܗܝ ܐܢ ܨܒܐ ܒܗ܂
022:010 [ai]ܡܛܠ ܕܐܢܬ ܗܘ ܬܘܟܠܢܝ ܡܢ ܡܪܒܥܐ܂ ܘܣܒܪܝ ܥܠ/ܡܢ#3#/ ܬܕܝ̈ܗܿ ܕܐܡܝ܂
022:011 [ai]ܥܠܝܟ ܐܫܬܕܝܬ/ܐܬܐܫܕܬ#3#/ ܡܢ ܡܪܒܥܐ܂ ܘܡܢ ܟܪܣܗܿ ܕܐܡܝ ܐܠܗܝ ܐܢܬ܂
022:012 [ai]ܠܐ ܬܪܚܩ ܡܢܝ܂ ܡܛܠ ܕܐܘܠܨܢܐ ܩܪܒ ܘܠܝܬ ܕܡܥܕܪ܂
022:013 [ai]ܐܬܟܪܟܘܢܝ ܬܘܪ̈ܐ ܣ̈ܓܝܐܐ܂ ܘܐܪ̈ܘܢܐ ܕܒܝܫܢ ܚܕܪܘܢܝ܂
022:014 [ai]ܦܬܚܘ ܥܠܝ ܦܘܡܗܘܢ܂ ܐܝܟ ܐܪܝܐ ܕܢܗܡ ܘܚܛܦ܂
022:015 [ai]ܘܐܝܟ ܡ̈ܝܐ ܐܬܐܫܕܬ܂ ܘܐܬܒܕܪܘ ܟܠܗܘܢ ܓܪ̈ܡܝ ܘܗܘܐ ܠܒܝ ܐܝܟ ܫܥܘܬܐ܂ ܘܐܬܡܣܝܘ ܒܓܘ ܡ̈ܥܝ܂
022:016 [ai]ܘܝܒܫ ܐܝܟ ܚܨܦܐ ܕܦܚܪܐ ܚܝܠܝ܂ ܘܠܫܢܝ ܕܒܩ ܠܫܡ̈ܝ ܚܟܝ܂ \ܘܥܠ ܥܦܪܐ /ܘܠܥܦܪܐ#3#/ ܕܡܘܬܐ ܫܕܝܬܢܝ܂
022:017 [ai]ܡܛܠ ܕܚܕܪܘܢܝ ܟܠܒ̈ܐ܂ ܘܟܢܘܫܬܐ ܕܒܝܫ̈ܐ ܟܪܟܘܢܝ܂ ܒܙܥܘ ܐ̈ܝܕܝ ܘܪ̈ܓܠܝ܂
022:018 [ai]ܘܐܝܠܠܘ ܟܘܠܗܘܢ ܓܪ̈ܡܝ܂ ܗܢܘܢ ܚܪܘ ܘܚܙܘ ܒܝ܂
022:019 [ai]ܘܦܠܓܘ ܢܚ̈ܬܝ ܒܝܢܬܗܘܢ܂ ܘܥܠ ܠܒܘܫܝ ܐܪܡܝܘ ܦܣܐ/ܦܨܐ#3#/܂
022:020 [ai]ܘܐܢܬ ܡܪܝܐ ܠܐ ܬܪܚܩ ܡܢܝ܂܀ ܐܝܠ ܐܝܠ ܠܥܘܕܪܢܝ ܟܬܪ܂
022:021 [ai]ܘܦܨܗܿ ܡܢ ܚܪܒܐ ܠܢܦܫܝ܂ ܘܡܢ ܐܝܕܐ ܕܟܠܒ̈ܐ ܝܚܝܕܘܬܝ܂
022:022 [ai]ܦܪܘܩܝܢܝ ܡܢ ܦܘܡܗ ܕܐܪܝܐ ܘܡܢ ܩܪܢܐ ܪܡܬܐ ܡܘܟܟܝ܂
022:023 [ai]ܕܐܣܒܪ ܫܡܟ ܠܐ̈ܚܝ܂ ܘܒܓܘ ܟܢܘܫܬܐ ܐܫܒܚܟ܂
022:024 [ai]ܕܚ̈ܠܘܗܝ ܕܡܪܝܐ ܫܒܚܘܗܝ܂ ܘܟܠܗ ܙܪܥܗ ܕܝܥܩܘܒ ܐܘܩܪܘܗܝ܂ ܘܕܚܠܘ ܡܢܗ ܟܠܗ ܙܪܥܗ ܕܐܝܣܪܝܠ܂
022:025 [ai]ܡܛܠ ܕܠܐ ܫܛ ܘܠܐ ܐܣܠܝ ܓܥܬܗ ܕܡܣܟܢܐ܂ ܘܠܐ ܐܗܦܟ ܐ̈ܦܘܗܝ ܡܢܗ܂ ܟܕ ܓܥܐ ܠܘܬܗ ܫܡܥܗ/ܫܡܗ#3#/܂
022:026 [ai]ܡܢ ܩܕܡܝܟ ܗܝ ܬܫܒܘܚܬܝ ܒܥܕܬܐ ܪܒܬܐ܂ ܢܕܪ̈ܝ ܐܫܠܡ ܩܕܡ ܕܚ̈ܠܘܗܝ܂
022:027 [ai]ܢܐܟܠܘܢ ܡܣ̈ܟܢܐ ܘܢܣܒܥܘܢ܂ ܘܢܫܒܚܘܢ ܠܡܪܝܐ ܐܝܠܝܢ ܕܒܥܝܢ ܠܗ܂ ܘܢܚܐ ܠܒܗܘܢ ܠܥܠܡܝܢ܂
022:028 [ai]ܢܬܕܟܪܘܢ/ܘܢܬܟܠܘܢ#3#/ ܘܢܬܦܢܘܢ ܠܘܬ ܡܪܝܐ ܟܠܗܘܢ ܥܒܪ̈ܝܗܿ ܕܐܪܥܐ܂ ܘܩܕܡܘܗܝ ܢܣ̈ܓܕܢ ܟܠܗܝܢ ܫܪ̈ܒܬܐ ܕܥܡ̈ܡܐ܂
022:029 [ai]ܡܛܠ ܕܕܡܪܝܐ ܗܝ ܡܠܟܘܬܐ ܘܗܘܝܘ ܫܠܝܛ ܥܠ ܥܡ̈ܡܐ܂
022:030 [ai]ܢܐܟܠܘܢ ܘܢܣܓܕܘܢ ܩܕܡ ܡܪܝܐ ܟܠܗܘܢ ܟܦܢ̈ܝܗܿ ܕܐܪܥܐ܂ ܘܩܕܡܘܗܝ ܢܒܪܟܘܢ ܟܠ ܢܚ̈ܬܝ ܥܦܪܐܿ ܢܦܫܝ ܠܗ \ܗܘ ܚܝܐ /ܘܚܝܐ#3#/܂
022:031 [ai]ܙܪܥܐ ܕܢܦܠܚܝܘܗܝ ܢܣܒܪ ܕܪܗ ܠܡܪܝܐ/ܕܡܪܝܐ#3#/܂
022:032 [ai]ܢܐܬܘܢ ܘܢܚܘܘܢ ܙܕܝܩܘܬܗ܂ ܠܥܡܐ ܕܡܬܝܠܕ ܕܥܒܕ ܡܪܝܐ܂

next chapter