← Back
The Comprehensive Aramaic Lexicon
← Return to the Text Browser
click on the file description for more information
62027: P Ps

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


031:002 [ai]ܒܟ ܡܪܝܐ ܣܒܪܬ ܠܐ ܐܒܗܬ ܠܥܠܡ܂ ܒܙܕܝܩܘܬܟ ܦܠܛܝܢܝ܂
031:003 [ai]ܨܠܝ ܠܘܬܝ ܐܕܢܟ ܘܒܥܓܠ ܥܢܝܢܝ܂ ܗܘܝ ܠܝ ܐܠܗܐ ܡܥܕܪܢܐ ܘܒܝܬ ܓܘܣܐ ܘܦܪܘܩܝܢܝ܂
031:004 [ai]ܡܛܠ ܕܥܘܫܢܝ ܘܒܝܬ ܓܘܣܝ ܐܢܬ ܗܘ܂ ܡܛܠ ܫܡܟ ܡܪܝܐ ܒܝܐܝܢܝ܂
031:005 [ai]ܘܐܦܩܝܢܝ ܡܢ ܡܨܝܕܬܐ ܗܕܐ ܕܛܡܪܘ ܠܝ܂ ܡܛܠ ܕܐܢܬ ܗܘ ܡܣܝܥܢܝ܂
031:006 [ai]ܘܠܟ ܐܛܪܬ ܪܘܚܝ܂ ܘܦܪܩܬܢܝ ܡܪܝܐ ܐܠܗܐ ܕܩܘܫܬܐ܂
031:007 [ai]ܣܢܝܬ ܠܐܝܠܝܢ ܕܢܛܪܝܢ ܕܚ̈ܠܬܐ ܣܪ̈ܝܩܬܐ܂ ܘܐܢܐ ܒܟ ܡܪܝܐ ܣܒܪܬ܂
031:008 [ai]ܐܕܘܨ ܘܐܚܕܐ ܒܛܝܒܘܬܟ܂ ܕܚܙܝܬ ܒܡܘܟܟܝ ܘܝܕܥܬ ܒܐܘܠܨܢܗܿ ܕܢܦܫܝ܂
031:009 [ai]ܘܠܐ ܐܫܠܡܬܢܝ ܒܐܝܕܐ ܕܒ̈ܥܠܕܒܒܝ܂ ܐܩܝܡܬ ܒܐܪܘܚܬܐ ܪ̈ܓܠܝ܂
031:010 [ai]ܪܚܡ ܥܠܝ ܡܪܝܐ ܡܛܠ ܕܥܩܬ ܠܝ܂ ܐܬܕܠܚܬ ܥܝܢܝ ܒܪܘܓܙܐ ܢܦܫܝ ܘܟܪܣܝ܂
031:011 [ai]ܡܛܠ ܕܓܡܪܘ ܚܝ̈ܝ ܒܕܐܘܘܢܐ ܘܫܢܝ̈ ܒܬ̈ܢܚܬܐ܂ ܐܬܟܪܗ ܚܝܠܝ ܒܡܣܟܢܘܬܐ܂ ܘܐܬܕܠܚܘ ܓܪ̈ܡܝ܂
031:012 [ai]ܡܢ ܟܘܠܗܘܢ ܒ̈ܥܠܕܒܒܝ܂ ܘܗܘܝܬ ܚܣܕܐ ܠܫ̈ܒܒܝ܂ ܘܕܚܠܬܐ ܠܐܝܠܝܢ ܕܝܕܥܝܢ ܠܝ܂ ܘܐܝܠܝܢ ܕܚܙܝܢ ܗܘܘ ܠܝ ܒܫܘܩܐ ܢܕܝܢ ܗܘܘ ܡܢܝ܂
031:013 [ai]ܐܬܛܥܝܬ ܐܝܟ ܡܝܬܐ ܡܢ ܠܒܐ܂ ܘܗܘܝܬ ܐܝܟ ܡܐܢܐ ܐܒܝܕܐ܂
031:014 [ai]ܡܛܠ ܕܫܡܥܬ ܪܢܝܐ ܕܣ̈ܓܝܐܐ܂ ܟܕ ܐܬܡܠܟܘ ܥܠܝ ܐܝܟ ܚܕܐ ܘܐܬܚܫܒܘ ܕܢܣܒܘܢ ܠܢܦܫܝ܂
031:015 [ai]ܐܢܐ ܕܝܢ ܥܠܝܟ ܡܪܝܐ ܐܬܬܟܠܬ܂ ܘܐܡܪܬ ܕܐܠܗܝ ܐܢܬ ܡܪܝܐ܂
031:016 [ai]ܘܒܐ̈ܝܕܝܟ ܐܢܘܢ ܙܒܢ̈ܐ܂ ܦܪܘܩܝܢܝ ܡܢ ܒ̈ܥܠܕܒܒܝ ܘܡܢ ܐܝܠܝܢ ܕܪܕܦܝܢ ܠܝ܂
031:017 [ai]ܐܢܗܪ ܐ̈ܦܝܟ ܥܠ ܥܒܕܟ ܘܦܪܘܩܝܢܝ ܒܛܝܒܘܬܟ܂
031:018 [ai]ܡܪܝܐ ܠܐ ܐܒܗܬ ܕܩܪܝܬܟ܂ ܢܒܗܬܘܢ ܪ̈ܫܝܥܐ ܘܢܚܬܘܢ ܠܫܝܘܠ܂
031:019 [ai]ܘܢܣܬܟܪ̈ܢ ܣ̈ܦܘܬܗܘܢ ܕܥܘ̈ܠܐ܂ ܕܡܡܠܠܝܢ ܥܠ ܙܕܝܩܐ ܫܘܩܪܐ ܘܫܛܝܘܬܐ܂
031:020 [ai]ܡܐ ܣܓܝܐܐ ܛܝܒܘܬܟ ܕܢܛܪ ܐܢܬ ܠܕܚ̈ܠܝܟ ܠܕܡܣܒܪܝܢ ܒܟ ܩܕܡ ܒܢܝܢܫ̈ܐ܂
031:021 [ai]ܬܟܣܐ ܐܢܘܢ ܒܣܬܪܗ ܕܦܪܨܘܦܟ܂ ܡܢ ܕܠܘܚܝܐ ܕܒܢܝܢܫ̈ܐ܂ ܬܟܣܐ ܐܢܘܢ ܒܛܠܠܟ ܡܢ ܚܪܝܢܐ܂
031:022 [ai]ܒܪܝܟ ܗܘ ܡܪܝܐ ܕܓܒܐ ܠܗ ܓܒ̈ܝܐ ܒܩܪܝܬܐ ܥܫܝܢܬܐ܂
031:023 [ai]ܐܢܐ ܐܡܪܬ ܒܡܣܪܗܒܘܬܝ ܕܐܒܕܬ ܡܢ ܩܕܡ ܥܝܢ̈ܝܟ܂ ܘܫܡܥܬ ܩܠܐ ܕܒܥܘܬܝ ܟܕ ܩܪܝܬܟ܂
031:024 [ai]ܪܚܡܘ/ܐܪܚܡܘ#3#/ ܠܡܪܝܐ ܙܕܝܩ̈ܘܗܝ܂ ܘܠܡܗܝ̈ܡܢܐ ܢܛܪ ܡܪܝܐ܂ ܘܦܪܥ ܠܥܘ̈ܠܐ ‍<‍ܐܝܟ#3#‍>‍ ܥܒ̈ܕܝܗܘܢ܂
031:025 [ai]ܐܬܚܝܠܘ ܘܢܬܥܫܢ ܠܒܟܘܢ܂ ܟܠ ܕܡܣܒܪܝܢ ܒܡܪܝܐ܂

next chapter