← Back
The Comprehensive Aramaic Lexicon
← Return to the Text Browser
click on the file description for more information
62027: P Ps

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


035:001 [ai]ܕܘܢ ܡܪܝܐ ܕܝܢܝ ܘܐܬܟܬܫ ܥܡ ܐܝܠܝܢ ܕܡܬܟܬܫܝܢ ܥܡܝ܂
035:002 [ai]ܐܚܘܕ ܙܝܢܐ ܘܣܟܪܐ ܘܩܘܡ ܒܥܘܕܪܢܝ܂
035:003 [ai]ܫܡܘܛ ܣܦܣܝܪܐ ܘܐܒܪܩ ܠܘܩܒܠ ܪ̈ܕܘܦܝ܂ ܘܐܡܪ ܠܢܦܫܝ ܕܐܢܐ ܗܘ ܦܪܘܩܟܝ܂
035:004 [ai]ܢܒܗܬܘܢ ܘܢܚܦܪܘܢ ܐܝܠܝܢ ܕܒܥܝܢ ܠܢܦܫܝ܂ ܢܗܦܟܘܢ/ܢܬܗܦܟܘܢ#3#/ ܠܒܣܬܪܗܘܢ ܘܢܚܦܪܘܢ܂ ܐܝܠܝܢ ܕܐܬܚܫܒܘ ܥܠܝ ܒܝܫܬܐ܂
035:005 [ai]ܢܗܘܘܢ ܐܝܟ ܕܚܝܚܐ ܩܕܡ ܪܘܚܐ܂ ܘܡܠܐܟܗ ܕܡܪܝܐ ܢܪܕܘܦ ܐܢܘܢ܂
035:006 [ai]ܬܚܫܟ ܐܘܪܚܗܘܢ ܘܢܗ̈ܘܝܢ ܒܗܿ ܡܫܪ̈ܘܥܝܬܐ܂ ܘܡܠܐܟܗ ܕܐܠܗܐ ܢܪܕܘܦ ܐܢܘܢ܂
035:007 [ai]ܥܠ ܕܛܡܪܘ ܠܝ ܦܚ̈ܐ܂ ܘܡܨܝܕܬܐ ܦܪܣܘ ܠܢܦܫܝ/ܥܠ ܢܦܫܝ#3#/܂
035:008 [ai]ܬܐܬܐ ܥܠܝܗܘܢ ܒܝܫܬܐ ܡܢ ܫܠܝܐ܂ ܘܡܨܝܕܬܐ ܕܛܡܪܘ ܬܐܚܘܕ ܐܢܘܢ܂ ܘܓܘܡܨܐ ܕܚܦܪܘ ܢܦܠܘܢ ܒܗ܂
035:009 [ai]ܢܦܫܝ ܕܝܢ ܬܪܘܙ ܒܐܠܗܐ ܘܬܬܒܣܡ ܒܦܘܪܩܢܗ܂
035:010 [ai]ܘܟܠܗܘܢ ܓܪ̈ܡܝ ܢܐܡܪܘܢ܂ ܡܪܝܐ ܡܢܘ ܐܟܘܬܟ܂ ܕܡܦܨܐ ܐܢܬ ܠܒܝܫܐ ܡܢ ܒܥܠܕܒܒܗ܂ ܘܠܡܣܟܢܐ ܘܠܒܝܫܐ ܡܢ ܡܢ ܕܚܛܦ ܠܗ ܒܩܛܝܪܐ܂
035:011 [ai]ܩܡܘ ܣܗ̈ܕܐ ܕܥܘܠܐ܂ ܘܡܕܡ ܕܠܐ ܝܕܥ ܗܘܝܬ ܫܐܠܘܢܝ܂
035:012 [ai]ܦܪܥܘܢܝ ܒܝܫܬܐ ܚܠܦ ܛܒܬܐ܂ ܘܐܘܒܕܘ ܢܦܫܝ ܡܢ ܒܢ̈ܝ ܐܢܫܐ܂
035:013 [ai]ܘܐܢܐ ܒܟܪܝܗܘܬܗܘܢ ܠܒܫܬ ܣܩܐ܂ ܘܡܟܟܬ ܢܦܫܝ ܒܨܘܡܐ܂ ܘܨܠܘܬܝ ܠܥܘܒܝ ܗܦܟܬ܂
035:014 [ai]ܐܝܟ ܪܚܡܐ ܘܐܝܟ ܐܚܐ ܡܗܠܟ ܗܘܝܬ܂ ܘܐܝܟ ܗܘ ܕܝܬܒ ܒܐܒܠܐ ܐܬܕܘܝܬ܂
035:015 [ai]ܒܚܫܝ ܐܬܟܢܫܘ ܘܚܕܝܘ ܠܝ܂ ܐܬܟܢܫܘ ܥܠܝ ܢܘܓܪܐ ܘܠܐ ܝܕܥܬ܂
035:016 [ai]ܒܫܘܒܗܪܗܘܢ ܘܒܒܘܙܚܗܘܢ ܚܪܩܘ ܥܠܝ ܫ̈ܢܝܗܘܢ܂
035:017 [ai]ܡܪܝ ܟܕܘ ܚܙܝܬ܂ ܐܗܦܟ ܢܦܫܝ ܡܢ ܫܓܘܫܝܗܘܢ܂ ܘܡܢ ܐܪ̈ܝܘܬܐ ܝܚܝܕܘܬܝ܂
035:018 [ai]ܐܘܕܐ ܠܟ ܒܥܕܬܐ ܪܒܬܐ܂ ܘܒܥܡ̈ܡܐ ܣ̈ܓܝܐܐ ܐܙܡܪ ܠܟ܂
035:019 [ai]ܕܠܐ ܢܚܕܘܢ ܠܝ ܒ̈ܥܠܕܒܒܝ܂ ܘܫܩܪ̈ܐ ܕܣܢܝܢ ܠܝ ܡܓܢ܂ ܕܡܪܡܙܝܢ ܒܥܝܢ̈ܝܗܘܢ܂
035:020 [ai]ܘܫܠܡܐ ܠܐ ܐܡܪܝܢ܂ ܘܥܠ ܡܟܝܟܐ ܕܐܪܥܐ/ܒܐܪܥܐ#3#/ ܢܟܠܐ ܡܬܚܫܒܝܢ܂
035:021 [ai]ܦܬܚܘ ܥܠܝ ܦܘܡܗܘܢ ܘܐܡܪܘ܂ ܐܗܐ ܐܗܐ ܚܙܬ ܒܗ ܥܝܢܢ܂
035:022 [ai]ܚܙܝܬ ܐܠܗܐ ܘܠܐ ܬܫܬܘܩ܂ ܡܪܝ ܘܠܐ ܬܪܚܩ ܡܢܝ܂
035:023 [ai]‍<‍ܐܠܐ#3#‍>‍ ܐܬܬܥܝܪ ܠܕܝܢܝ ܐܠܗܝ ܘܡܪܝ ܘܚܙܝ ܥܘܠܒܢܝ܂
035:024 [ai]ܕܘܢܝܢܝ/ܕܘܢ ܠܝ#3#/ ܐܝܟ ܙܕܝܩܘܬܟ ܡܪܝܐ܂ ܕܠܐ ܢܚܕܘܢ ܠܝ܂
035:025 [ai]ܘܠܐ ܢܐܡܪܘܢ ܒܠܒܗܘܢ܂ ܕܐܬܬܢܝܚܬ ܢܦܫܢ ܘܛܒܥܢܝܗ܂
035:026 [ai]ܢܒܗܬܘܢ/ܘܢܦܗܘܢ#3#/ ܘܢܚܦܪܘܢ ܐܟܚܕܐ܂ ܐܝܠܝܢ ܕܨܒܝܢ ܠܒܝܫܬܝ܂ ܘܐܝܠܝܢ ܕܡܬܪܘܪܒܝܢ ܥܠܝ ܢܠܒܫܘܢ ܒܗܬܬܐ܂
035:027 [ai]ܢܫܒܚܘܢ ܘܢܚܕܘܢ܂ ܐܝܠܝܢ ܕܨܒܝܢ ܠܙܟܘܬܝ܂ ܘܢܐܡܪܘܢ ܒܟܠܙܒܢ ܕܪܒ ܗܘ ܡܪܝܐ܂ ܕܨܒܐ ܒܫܠܡܐ ܕܥܒܕܗ܂
035:028 [ai]ܠܫܢܝ ܢܘܕܐ ܒܙܕܝܩܘܬܟ ܘܟܠܗ ܝܘܡܐ ܒܬܫܒ̈ܚܬܟ܂

next chapter