The Comprehensive Aramaic Lexicon

044:002 [ai]	ܐܠܗܐ ܫܡܥܢܢ/ܫܡܥܢ ܚܢܢ#3#/ ܒܐ̈ܕܢܝܢ܂ ܐܦ ܐ̈ܒܗܝܢ ܐܫܬܥܝܘ ܠܢ܂ ܡܕܡ ܕܥܒܕܬ ܒܝ̈ܘܡܝܗܘܢ܂ ܒܝܘܡ̈ܬܐ ܩܕܡ̈ܝܐ܂
044:003 [ai]	ܐܝܕܟ ܐܘܒܕܬ ܠܥܡ̈ܡܐ ܘܢܨܒܬ ܐܢܘܢ/ܐܢܝܢ#3#/܂ ܘܐܒܐܫܬ ܠܡ̈ܠܟܘܬܐ ܘܫܪܪܬ ܐܢܘܢ܂
044:004 [ai]	ܡܛܠ ܕܠܐ ܗܘܐ ܒܚܪܒܗܘܢ ܝܪܬܘ ܐܪܥܐ܂ ܐܦ ܠܐ ܕܪܥܗܘܢ ܦܪܩ ܐܢܘܢ܂ ܐܠܐ ܝܡܝܢܟ ܘܕܪܥܟ܂ ܘܢܘܗܪܐ ܕܐ̈ܦܝܟ ܕܨܒܝܬ ܒܗܘܢ܂
044:005 [ai]	ܐܢܬ ܗܘ ܐܠܗܐ ܡܠܟܝ܂ ܕܦܩܕܬ ‍<‍ܡܢ ܩܕܡ#3#‍>‍ ܥܠ ܦܘܪܩܢܗ ܕܝܥܩܘܒ܂
044:006 [ai]	ܒܟ/ܘܒܟ ܗܘ#3#/ ܢܕܩܪ ܠܒ̈ܥܠܕܒܒܝܢ܂ \ܘܡܛܠ ܫܡܟ /ܘܒܫܡܟ#3#/ ܢܕܘܫ ܠܣܢܐ̈ܝܢ܂
044:007 [ai]	ܡܛܠ ܕܠܐ ܗܘܐ ܥܠ ܩܫ̈ܬܬܢ ܬܟܝܠܝܢܢ܂ ܐܦ ܠܐ ܥܠ ܙܝܢܢ ܕܢܦܪܩܢ܂
044:008 [ai]	ܐܢܬ ܗܘ ܦܪܩܬܢ ܡܢ ܣܢܐ̈ܝܢ܂ ܘܐܒܗܬܬ ‍<‍ܗܫܐ#3#‍>‍ ܠܒ̈ܥܠܕܒܒܝܢ܂
044:009 [ai]	ܫܒܚܢܟ ܐܠܗܐ ܟܘܠܗ ܝܘܡܐ܂ ܘܠܫܡܟ ܠܥܠܡ ܢܘܕܐ܂
044:010 [ai]	ܗܫܐ ܛܥܝܬܢ ܘܐܒܗܬܬܢ܂ ܘܠܐ ܢܦܩ ܐܢܬ ܒܚܝܠܢ܂
044:011 [ai]	ܐܠܐ ܐܗܦܟܬܢ ܠܒܣܬܪܢ ܘܒܙܘܢ ܒ̈ܥܠܕܒܒܝܢ܂
044:012 [ai]	ܝܗܒܬܢ ܐܝܟ ܥܢܐ ܠܡܐܟܘܠܬܐ܂ ܘܒܕܪܬܢ ܒܝܬ ܥܡ̈ܡܐ܂
044:013 [ai]	ܙܒܢܬ ܠܥܡܟ ܕܠܐ ܕܡ̈ܝܐ܂ ܘܠܐ ܐܣܓܝܬ ܚܘܠܦܗܘܢ܂
044:014 [ai]	ܥܒܕܬܢ ܚܣܕܐ ܠܫܒ̈ܒܝܢ܂ ܡܘܝܩܐ ܘܒܘܙܚܐ ܠܐܝܠܝܢ ܕܚܕܪܝܢ ܐܢܘܢ܂
044:015 [ai]	ܥܒܕܬܢ ܠܡܬܠܐ ܒܝܬ ܥܡ̈ܡܐ܂ ܘܢܝܕܐ ܕܪܝܫܐ ܒܐ̈ܡܘܬܐ܂
044:016 [ai]	ܘܟܠܗ ܝܘܡܐ ܒܗܬܬܝ ܩܕܡܝ ܗܝ܂ ܘܒܗܬܬܐ ܕܐ̈ܦܝ ܟܣܝܬܢܝ܂
044:017 [ai]	ܡܢ ܩܠܐ ܕܡܚܣܕ ܘܡܓܕܦ܂ ܘܡܢ ܩܕܡ ܒܥܠܕܒܒܐ ܕܡܬܢܩܡ܂
044:018 [ai]	ܗܠܝܢ ܟܠܗܝܢ ܓܕܫ ܠܢ ܘܠܐ ܛܥܝܢܟ܂ ܘܠܐ ܕܓܠܢܢ/ܕܓܠܢ ܐܢܚܢܢ#3#/ ܒܩܝܡܟ܂
044:019 [ai]	ܘܠܐ ܗܦܟܢ/ܐܗܦܟܢ#3#/ ܠܒܣܬܪܢ܂ ܘܠܐ ܐܗܦܟܢ ܫܒܝ̈ܠܝܢ ܡܢ ܐܘܪܚܟ܂
044:020 [ai]	ܡܛܠ ܕܡܟܟܬܢ ܒܐܬܪܐ ܬܢܝܢܐ܂ ܘܟܣܝܬܢ \ܒ̈ܛܠܠܝ ܡܘܬܐ /ܒ̈ܛܠܠܐ ܕܡܘܬܐ#3#/܂
044:021 [ai]	ܘܠܐ ܛܥܝܢ ܫܡܗ ܕܐܠܗܢ܂ ܘܠܐ ܦܫܛܢ ܐ̈ܝܕܝܢ ܠܘܬ ܐ̈ܠܗܐ ܢܘܟܪ̈ܝܐ܂
044:022 [ai]	ܐܠܗܐ ܗܘ ܒܨܐ ܠܗܿ ܠܗܕܐ܂ ܡܛܠ ܕܗܘ ܝܕܥ ܡܚܫ̈ܒܬܗ ܕܠܒܐ܂
044:023 [ai]	ܡܛܠܬܟ ܐܬܩܛܠܢ ܟܠ ܝܘܡ܂ ܘܐܬܚܫܒܢ ܐܝܟ ܥܢܐ/ܐܡܪ̈ܐ#3#/ ܠܢܟܣܬܐ܂
044:024 [ai]	ܐܬܬܥܝܪ ܘܠܐ ܬܕܡܟ ܡܪܝܐ܂ ܥܗܕܝܢ ܘܠܐ ܬܛܥܝܢ܂
044:025 [ai]	ܘܠܐ ܬܗܦܟ ܐ̈ܦܝܟ ܡܢܢ܂ ܘܠܐ ܬܛܥܐ ܡܘܟܟܢ ܘܐ̈ܘܠܨܢܝܢ܂
044:026 [ai]	ܡܛܠ ܕܡܟܬ ܥܠ ܥܦܪܐ ܢܦܫܢ܂ ܘܕܒܩܬ ܟܪܣܢ ܠܐܪܥܐ܂
044:027 [ai]	ܩܘܡ ‍<‍ܡܪܝܐ#3#‍>‍ ܥܕܪܝܢܝ ܘܦܪܘܩܝܢܝ ܡܛܠ ܪ̈ܚܡܝܟ܂

next chapter