← Back
The Comprehensive Aramaic Lexicon
← Return to the Text Browser
click on the file description for more information
62027: P Ps

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


050:001 [ai]ܐܠܗ ܐ̈ܠܗܝܢ ܡܪܝܐ ܡܠܠ܂ ܘܩܪܗܿ ܠܐܪܥܐ ܡܢ ܡܕܢܚ̈ܘܗܝ ܕܫܡܫܐ܂ ܘܥܕܡܐ ܠܡܥܪ̈ܒܘܗܝ܂
050:002 [ai]ܡܢ ܨܗܝܘܢ ܟܠܝܠܐ ܡܫܒܚܐ ܐܠܗܐ ܚܘܝ܂
050:003 [ai]ܢܐܬܐ ܐܠܗܐ ܘܠܐ ܢܫܬܘܩ܂ ܘܢܘܪܐ ܬܐܟܘܠ ܩܕܡܘܗܝ܂ ܘܚܕܪܘܗܝ ܬܬܓܘܙܠ ܛܒ܂
050:004 [ai]ܢܩܪܐ ܠܫܡܝܐ ܡܢ ܠܥܠ܂ ܘܐܪܥܐ ܠܡܕܢ ܥܡܗ܂
050:005 [ai]ܐܬܟܢܫܘ ܠܘܬܗ ܓܒ̈ܘܗܝ܂ ܕܡܩܝܡܝܢ ܩܝܡܗ ܥܠ/ܥܡ#3#/ ܕܒܚܬܐ܂
050:006 [ai]ܢܚܘܘܢ ܫܡܝܐ ܙܕܝܩܘܬܗ܂ ܡܛܠ ܕܐܠܗܐ ܗܘ ܕܝܢܐ܂
050:007 [ai]ܫܡܥ ܥܡܝ ܘܐܡܪ ܠܟ܂ ܘܐܝܣܪܝܠ ܐܣܗܕܟ/ܐܣܗܕ ܒܟ#3#/܂ ܐܢܐ ܐܢܐ ܐܠܗܐ/ܡܪܝܐ#3#/ ܐܠܗܟ܂
050:008 [ai]ܠܐ ܥܠ ܕܒܚ̈ܝܟ ܐܟܣܟ܂ ܘܥ̈ܠܘܬܟ ܠܘܩܒܠܝ ܐܢܝܢ ܒܟܠܙܒܢ܂
050:009 [ai]ܠܐ ܐܣܒ ܡܢ ܒܝܬܟ ܬܘܪ̈ܐ܂ ܐܦ ܠܐ ܡܢ ܓܙܪܟ ܓܕܝ̈ܐ܂
050:010 [ai]ܡܛܠ ܕܕܝܠܝ ܗܝ ܟܠܗܿ ܚܝܘܬܐ ܕܕܒܪܐ܂ ܘܒܥܝܪܐ ܕܒܛܘܪ̈ܐ ܘܬܘܪ̈ܐ܂
050:011 [ai]ܝܕܥ ܐܢܐ ܟܘܠܗܿ ܦܪܚܬܐ ܕܫܡܝܐ܂ ܘܚܝܘܬܐ ܕܕܒܪܐ ܕܝܠܝ ܗܝ܂
050:012 [ai]ܐܢ ܟܦܢ ܐܢܐ ܠܐ ܐܡܪ ‍<‍ܐܢܐ#3#‍>‍ ܠܟ܂ ܡܛܠ ܕܕܝܠܝ ܗܝ ܬܒܝܠ ܒܡܠܐܗܿ܂
050:013 [ai]ܠܐ ܐܟܠ ܐܢܐ ܒܣܪܐ ܕܐܪ̈ܘܢܐ܂ ܘܕܡܐ ܕܓܕܝ̈ܐ ܠܐ ܫܬܐ ܐܢܐ܂
050:014 [ai]ܕܒܚ ܠܐܠܗܐ ܬܘܕܝܬܐ܂ ܘܫܠܡ ܠܡܪܝܡܐ/ܠܐܠܗܐ#3#/ ܢܕܪ̈ܝܟ܂
050:015 [ai]ܘܩܪܝܢܝ ܒܝܘܡܐ ܕܐܘܠܨܢܐ܂ ܐܥܫܢܟ ܘܬܫܒܚܢܝ/ܘܐܢܬ ܬܫܒܚܢܝ#3#/܂
050:016 [ai]ܠܚܛܝܐ ܐܡܪ ܠܗ ܐܠܗܐ܂ ܡܐ ܠܟ ܘܠܟܬ̈ܒܐ ܕܦܘܩ̈ܕܢܝ܂ ܕܫܩܠܬ ܩܝܡܝ ܒܦܘܡܟ܂
050:017 [ai]ܐܢܬ ܕܝܢ ܣܢܝܬ ܡܪܕܘܬܝ/ܡܪܘܬܝ#3#/܂ ܘܫܕܝܬ/ܘܐܫܕܝܬ#3#/ܘܫܪܝܬ#3#/ ܡ̈ܠܝ ܠܒܣܬܪܟ܂
050:018 [ai]ܐܢ ܚܙܐ ܗܘܝܬ ܓܢܒܐ ܪܗܛ ܗܘܝܬ ܥܡܗ܂ ܘܥܡ/ܘܐܝܟ#3#/ ܓܝܪܐ ܡܢܬܟ ܣܐܡ ܗܘܝܬ܂
050:019 [ai]ܦܘܡܟ ܡܡܠܠ ܗܘܐ ܒܝܫܬ̈ܐ܂ ܘܠܫܢܟ ܡܡܠܠ ‍<‍ܗܘܐ#3#‍>‍ ܢܟܠܐ܂
050:020 [ai]ܝܬܒ ܗܘܝܬ ܘܪܢܐ ܒܐܚܘܟ܂ ܘܒܒܪ ܐܡܟ ܡܡܝܩ ܗܘܝܬ܂
050:021 [ai]ܗܠܝܢ ܟܠܗܝܢ ܥܒܕܬ ܘܫܬܩܬ ܠܟ܂ ܣܒܪܬ ܥܘܠܐ ܕܐܟܘܬܟ ܐܗܘܐ܂ ܐܟܣܟ ܕܝܢ ܘܐܣܕܘܪ ܐܢܝܢ ܠܥܢܝ̈ܟ܂
050:022 [ai]ܐܣܬܟܠܘ ܒܗܕܐ ܐܝܠܝܢ ܕܛܥܝܢ ܠܐܠܗܐ܂ ܕܠܡܐ ܢܬܒܪܟܘܢ ܘܠܝܬ ܕܡܦܨܐ܂
050:023 [ai]ܐܝܢܐ ܕܕܒܚ ܬܘܕܝܬܐ ܗܘ ܢܫܒܚܢܝ܂ ܬܡܢ ܐܚܘܝܘܗܝ ܐܘܪܚܐ ܕܦܘܪܩܢܗ ܕܐܠܗܢ܂

next chapter