← Back
The Comprehensive Aramaic Lexicon
← Return to the Text Browser
click on the file description for more information
62027: P Ps

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


088:002 [ai]ܡܪܝܐ ܐܠܗܐ ܕܦܘܪܩܢܝ܂ ܒܐܝܡܡܐ ܓܥܝܬ ܘܒܠܠܝܐ ܩܕܡܝܟ܂
088:003 [ai]ܬܥܘܠ ܩܕܡܝܟ ܨܠܘܬܝ܂ ܘܐܪܟܢ ܐܕܢܟ ܠܒܥܘܬܝ܂
088:004 [ai]ܡܛܠ ܕܣܒܥܬ ܢܦܫܝ ܒܝܫ̈ܬܐ܂ ܘܚܝ̈ܝ ܠܫܝܘܠ ܡܛܝܘ܂
088:005 [ai]ܐܬܚܫܒܬ ܥܡ ܢܚ̈ܬܝ ܓܘܒܐ܂ ܘܗܘܝܬ ܐܝܟ ܓܒܪܐ ܕܠܝܬ ܠܗ ܐܝܠܐ/ܒܝܬ ܐܚܐ#3#/܂
088:006 [ai]ܒܝܬ ܡܝ̈ܬܐ ܒܪ ܚܐܪ̈ܐ܂ ܐܝܟ ܩ̈ܛܝܠܐ ܕܫܟܝܒܝܢ ܒܩܒܪ̈ܐ܂ ܐܝܠܝܢ ܕܬܘܒ ܠܐ ܐܬܕܟܪܬ ܐܢܘܢ܂ ܘܗܢܘܢ ܡܢ ܐܝ̈ܕܝܟ ܐܒܕܘ܂
088:007 [ai]ܐܚܬܬܢܝ ܠܓܘܒܐ ܬܚܬܝܐ܂ ܠܚܫܘܟܐ ܘܠܛ̈ܠܠܝ ܡܘܬܐ܂
088:008 [ai]ܘܥܠܝ ܣܡܟ ܪܘܓܙܟ܂ ܘܟܘܠܗܘܢ ܡܚܫ̈ܘܠܝܟ ܐܝܬܝܬ ܥܠܝ܂
088:009 [ai]ܐܪܚܩܬ ܡܢܝ ܝܕܥ̈ܝ ܘܥܒܕܬܢܝ ܠܗܘܢ ܛܡܐܐ܂ ܐܬܟܠܝܬ ܕܠܐ ܐܦܘܩ܂
088:010 [ai]ܘܥܝܢܝ ܕܒܬ ܡܢ ܡܘܟܟܝ܂ ܘܩܪܝܬܟ ܡܪܝܐ ܒܟܠܝܘܡ ܘܦܫܛܬ ܐܝ̈ܕܝ ܠܘܬܟ܂
088:011 [ai]ܗܐ ܠܡܝ̈ܬܐ ܥܒܕ ܐܢܬ ܬܕܡܪ̈ܬܐ܂ ܘܓܢܒܪ̈ܐ ܢܩܘܡܘܢ ܘܢܘܕܘܢ ܠܟ܂
088:012 [ai]ܘܢܫܬܥܘܢ ܕܒܩܒܪ̈ܐ ܛܝܒܘܬܟ܂ ܘܗܝܡܢܘܬܟ ܒܐܒܕܢܐ܂
088:013 [ai]ܬܬܝܕܥ ܒܚܫܘܟܐ ܬܕܡܘܪܬܟ܂ ܘܙܕܝܩܘܬܟ ܒܐܪܥܐ ܕܐܬܛܥܝܬ܂
088:014 [ai]ܘܐܢܐ ܠܘܬܟ ܡܪܝܐ ܓܥܝܬ܂ ܘܒܨܦܪܐ ܨܠܘܬܝ ܬܩܕܡ/ܬܩܘܡ#3#/ ܠܘܬܟ܂
088:015 [ai]ܠܐ ܬܛܥܐ ܠܢܦܫܝ ܡܪܝܐ܂ ܘܠܐ ܬܗܦܟ ܐ̈ܦܝܟ ܡܢܝ܂
088:016 [ai]ܒܝܫܐ ܐܢܐ ܘܠܐܝܐ ܡܢ ܛܠܝܘܬܝ܂ ܐܬܬܪܝܡܬ ܘܐܬܡܟܟܬ ܘܬܘܪܬ܂
088:017 [ai]ܘܥܠܝ ܥܒܪ ܪܘܓܙܟ܂ ܘܕܠܘܚܝܟ ܫܬܩܢܝ܂
088:018 [ai]ܐܬܟܪܟܘܢܝ ܐܝܟ ܡ̈ܝܐ ܟܘܠܗ ܝܘܡܐ܂ ܘܣܡܘ ܥܠܝ ܐܝܟ ܚܕܐ܂
088:019 [ai]ܐܪܚܩܬ ܡܢܝ ܪ̈ܚܡܝ ܘܚܒܪ̈ܝ܂ ܘܝܕܥ̈ܝ ܐܦܪܩܬ ܡܢܝ܂

next chapter