Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants
| 097:001 [ai] | ܡܪܝܐ ܐܡܠܟ ܬܕܘܨ ܐܪܥܐ܂ ܢܚ̈ܕܝܢ ܓܙܪ̈ܬܐ ܣ̈ܓܝܐܬܐ܂ |
| 097:002 [ai] | ܥܢ̈ܢܐ ܘܥܪ̈ܦܠܐ ܚܕܪ̈ܘܗܝ܂ ܒܙܕܝܩܘܬܐ ܘܒܕܝܢܐ ܡܬܩܢ ܟܘܪܣܝܗ܂ |
| 097:003 [ai] | ܢܘܪܐ ܬܐܟܘܠ ܩܕܡܘܗܝ܂ ܘܬܘܩܕ ܠܒ̈ܥܠܕܒܒܘܗܝ܂ |
| 097:004 [ai] | ܐܢܗܪܘ ܒܪ̈ܩܘܗܝ ܠܬܒܝܠ܂ ܚܙܬ ܘܐܬܕܠܚܬ ܐܪܥܐ܂ |
| 097:005 [ai] | ܘܛܘܪ̈ܐ ܐܝܟ ܫܥܘܬܐ ܐܬܦܫܪܘ܂ ܡܢ ܩܕܡ ܡܪܝܐ ܡܪܐ ܕܟܠܗܿ ܐܪܥܐ܂ |
| 097:006 [ai] | ܚܘܝܘ ܫܡܝܐ ܙܕܝܩܘܬܗ܂ ܘܚܙܘ ܟܠܗܘܢ ܥܡ̈ܡܐ ܐܝܩܪܗ܂ |
| 097:007 [ai] | ܢܒܗܬܘܢ ܟܠ ܕܥܒܕܝܢ ܦܬܟܪ̈ܐ܂ ܘܡܫܬܒܗܪܝܢ ܒ̈ܓܠܝܦܐ܂ ܣܓܘܕܘ ܠܗ ܟܘܠܗܘܢ ܡܠܐ̈ܟܘܗܝ܂ |
| 097:008 [ai] | ܬܫܡܥ ܘܬܚܕܐ ܨܗܝܘܢ܂ ܘܢܕܘ̈ܨܢ ܒܢ̈ܬ ܝܗܘܕܐ ܡܛܠ ܕܝܢ̈ܝܟ ܡܪܝܐ܂ |
| 097:009 [ai] | ܡܛܠ ܕܐܢܬ ܗܘ ܡܪܝܐ ܡܪܝܡܐ ܥܠ ܟܠܗܿ ܐܪܥܐ܂ ܘܛܒ ܐܬܬܪܝܡܬ ܥܠ ܟܠܗܘܢ ܐ̈ܠܗܐ܂ |
| 097:010 [ai] | ܪ̈ܚܡܘܗܝ ܕܡܪܝܐ ܣܢܝܢ ܠܒܝܫ̈ܬܐ܂ ܘܢܛܪ ܢܦܫ̈ܬܐ ܕܙܕܝܩ̈ܘܗܝ܂ ܘܡܢ ܐܝܕܐ ܕܪ̈ܫܝܥܐ ܢܦܨܐ ܐܢܘܢ܂ |
| 097:011 [ai] | ܢܘܗܪܐ ܕܕܢܚ ܠܙܕܝ̈ܩܐ܂ ܘܠܬܪ̈ܝܨܝ ܠܒܐ ܚܕܘܬܐ܂ |
| 097:012 [ai] | ܚܕܘ ܙܕܝܩ̈ܐ ܒܡܪܝܐ܂ ܘܐܘܕܘ ܠܕܘܟܪܢܐ ܕܩܘܕܫܗ܂ |