← Back
The Comprehensive Aramaic Lexicon
← Return to the Text Browser
click on the file description for more information
62027: P Ps

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


102:002 [ai]ܡܪܝܐ ܫܡܥ ܨܠܘܬܝ܂ ܘܓܥܬܝ ܠܘܬܟ ܬܥܘܠ܂
102:003 [ai]ܠܐ ܬܗܦܟ ܐ̈ܦܝܟ ܡܢܝ ܒܝܘܡܐ ܕܐܘܠܨܢܝ܂ ܐܠܐ ܐܪܟܢ ܠܝ ܐܕܢܟ ܒܝܘܡܐ ܕܐܩܪܝܟ ܘܒܥܓܠ ܥܢܝܢܝ܂
102:004 [ai]ܡܛܠ ܕܓܡܪܘ ܒܬܢܢܐ/ܒܬܘܢܢܐ#3#/ ܝܘ̈ܡܝ܂ ܘܓܪ̈ܡܝ ܚܘܪܘ ܐܝܟ ܡܘܩ̈ܕܐ܂
102:005 [ai]ܚܡܐ ܠܒܝ ܐܝܟ ܥܣܒܐ ܘܝܒܫ ܡܛܠ ܕܛܥܝܬ ܡܐܟܘܠܬܗ ܕܠܚܡܝ܂
102:006 [ai]ܡܢ ܩܠܐ ܕܬܐ̈ܢܚܬܝ ܕܒܩ ܒܣܪܝ ܠܓܪ̈ܡܝ܂
102:007 [ai]ܘܐܬܕܡܝܬ ܠܩܩܐ ܕܒܡܕܒܪܐ܂ ܘܗܘܝܬ ܐܝܟ ܥܘܕܐ ܒܚܪܒܬܐ܂
102:008 [ai]ܣܪܕܬ ܘܗܘܝܬ ܒܠܚܘܕܝ܂ ܐܝܟ ܨܦܪܐ ܕܡܦܪܚܐ ܥܠ ܐܓܪ̈ܐ܂
102:009 [ai]ܟܠܗ ܝܘܡܐ ܚܣܕܘܢܝ ܒ̈ܥܠܕܒܒܝ܂ ܘܡܫܒܚ̈ܢܝ ܒܝ ܝܡܝܘ/ܐܪ̈ܡܝܘ#3#/܂
102:010 [ai]ܡܛܠ ܕܩܛܡܐ ܐܝܟ ܠܚܡܐ ܠܥܣܬ܂ ܘܡܫܬܝ ܒܒܟܬܐ ܡܙܓܬ܂
102:011 [ai]ܡܢ ܩܕܡ ܚܡܬܟ ܘܪܘܓܙܟ܂ ܕܐܪܝܡܬܢܝ ܘܫܕܝܬܢܝ܂
102:012 [ai]ܝܘܡ̈ܝ ܐܝܟ ܛܠܠܐ ܐܬܪܟܢܘ܂ ܘܐܢܐ ܝܒܫܬ ܐܝܟ ܥܣܒܐ܂
102:013 [ai]ܘܐܢܬ ܡܪܝܐ ܠܥܠܡ ܩܝܡ ܐܢܬ܂ ܘܕܘܟܪܢܟ ܠܕܪܕܪܝܢ܂
102:014 [ai]ܐܢܬ ܩܘܡ ܘܪܚܡ ܥܠ ܨܗܝܘܢ܂ ܡܛܠ ܕܡܛܐ ܙܒܢܐ ܠܡܪܚܡܘ ܥܠܝܗܿ܂
102:015 [ai]ܡܛܠ ܕܨܒܘ ܥܒ̈ܕܝܟ ܒܟܐ̈ܦܝܗܿ ܘܠܥܦܪܗܿ ܪܚܡܘ܂
102:016 [ai]ܢܕܚܠܘܢ ܥܡ̈ܡܐ ܠܫܡܟ ܡܪܝܐ܂ ܘܟܠܗܘܢ ܡ̈ܠܟܐ ܕܐܪܥܐ ܠܐܝܩܪܟ܂
102:017 [ai]ܡܛܠ ܕܒܢܐ ܡܪܝܐ ܠܨܗܝܘܢ܂ ܘܡܬܚܙܐ ܒܫܘܒܚܗ܂
102:018 [ai]ܘܡܬܦܢܐ ܥܠ ܨܠܘܬܐ ܕܡܣ̈ܟܢܐ܂ ܘܠܐ ܫܐܛ ܨܠܘܬܗܘܢ܂
102:019 [ai]ܬܬܟܬܒ ܗܕܐ ܠܕܪܐ ܐܚܪܝܐ/ܐܚܪܢܐ#3#/܂ ܥܡܐ ܕܡܬܒܪܐ ܢܫܒܚ ܠܡܪܝܐ܂
102:020 [ai]ܡܛܠ ܕܐܕܝܩ ܡܢ ܡܪܘܡܐ ܕܩܘܕܫܗ܂ ܡܪܝܐ ܡܢ ܫܡܝܐ ܠܐܪܥܐ/ܥܠ ܐܪܥܐ#3#/ ܐܕܝܩ܂
102:021 [ai]ܠܡܫܡܥ ܐܢܩܬܗ ܕܐܣܝܪܐ܂ ܘܠܡܫܪܐ ܒ̈ܢܝܐ ܡܢ ܡܘܬܐ܂
102:022 [ai]ܕܢܫܬܥܘܢ ܒܨܗܝܘܢ ܫܡܗ ܕܡܪܝܐ܂ ܘܬܫܒܚ̈ܬܗ ܒܐܘܪܫܠܡ܂
102:023 [ai]ܡܐ ܕܐܬܟܢܫܘ ܥܡ̈ܡܐ ܐܟܚܕܐ܂ ܘܡ̈ܠܟܘܬܐ ܠܡܦܠܚ/ܠܡܦܠܚܘ#3#/ ܠܡܪܝܐ܂
102:024 [ai]ܡܟܟܘ ܚܝܠܝ/ܚܝ̈ܝ#3#/ ܒܐܪܥܐ܂ ܘܒܨܝܪܘܬܐ ܕܝܘܡ̈ܝ܂
102:025 [ai]ܐܡܪ ܠܝ܂ ܠܐ ܬܣܩܢܝ ܒܦܠܓܘܬ/ܠܦܠܓܘܬ#3#/ ܝܘܡ̈ܝ܂ ܘܠܕܪܕܪܝܢ ܫܢܝ̈ܟ܂
102:026 [ai]ܡܢ ܠܩܘܕܡܝܢ ܐܪܥܐ ܬܩܢܬ܂ ܘܥܒܕ ܐ̈ܝܕܝܟ ܫܡܝܐ܂
102:027 [ai]ܗܢܘܢ ܥܒܪܝܢ ܘܐܢܬ ܩܝܡ ܐܢܬ܂ ܘܟܠܗܘܢ ܐܝܟ ܠܒܘܫܐ ܒܠܝܢ܂ ܘܐܝܟ ܡܪܛܘܛܐ ܡܬܚܠܦܝܢ܂
102:028 [ai]ܘܐܢܬ ܐܝܟ ܕܐܝܬܝܟ ܐܢܬ ܘܫ̈ܢܝܟ ܠܐ ܓܡܪ̈ܢ܂
102:029 [ai]ܘܒ̈ܢܝ ܥܒ̈ܕܝܟ ܢܫܪܘܢ ܒܐܪܥܐ܂ ܘܙܪܥܗܘܢ ܩܕܡܝܟ ܢܬܩܢ܂

next chapter