← Back
The Comprehensive Aramaic Lexicon
← Return to the Text Browser
click on the file description for more information
62027: P Ps

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


103:001 [ai]ܒܪܟܝ ܢܦܫܝ ܠܡܪܝܐ܂ ܘܟܠܗܘܢ ܓܪ̈ܡܝ ܠܫܡܗ ܩܕܝܫܐ܂
103:002 [ai]ܒܪܟܝ ܢܦܫܝ ܠܡܪܝܐ܂ ܘܠܐ ܬܛܥܝܢ ܟܠܗܘܢ ܦܘܪ̈ܥܢܘܗܝ܂
103:003 [ai]ܕܫܒܩ ܠܟܝ ܟܠܗ ܥܘܠܟܝ܂ ܘܡܐܣܐ ‍<‍ܠܟܝ#3#‍>‍ ܟܠܗܘܢ ܟܐ̈ܒܝܟܝ܂
103:004 [ai]ܦܪܩ ܠܟܝ ܡܢ ܚܒܠܐ܂ ܡܣܡܟ ܠܟܝ ܒܛܝܒܘܬܐ ܘܒܪ̈ܚܡܐ܂
103:005 [ai]ܡܣܒܥ ܒܛܒ̈ܬܐ ܓܘܫܡܟܝ ܡܚܕܬ ܐܝܟ ܕܢܫܪܐ ܥܠܝܡܘܬܟܝ܂
103:006 [ai]ܥܒܕ ܙܕܝܩܘܬܐ ܡܪܝܐ܂ ܘܕܝܢܐ ܠܟܠܗܘܢ ܛܠܝܡ̈ܐ܂
103:007 [ai]ܡܚܘܐ ܐܘܪ̈ܚܬܗ ܠܡܘܫܐ܂ ܘܠܒ̈ܢܝ ܐܝܣܪܐܝܠ ܥܒ̈ܕܘܗܝ܂
103:008 [ai]ܡܪܚܡܢ ܗܘ ܘܡܪܚܦܢ ܡܪܝܐ܂ ܢܓܝܪܐ ܪܘܚܗ ܘܣܓܝܐܐ ܛܝܒܘܬܗ܂
103:009 [ai]ܡܛܠ ܕܠܐ ܐܠܡ ܠܥܠܡ܂ ܘܠܐ ܠܥܠܡ ܢܛܪ ܪܘܓܙܗ܂
103:010 [ai]ܡܛܠ ܕܠܐ ܗܘܐ ܐܝܟ ܚ̈ܛܗܝܢ ܥܒܕ ܠܢ܂ ܐܦܠܐ ܐܝܟ ܥܘܠܢ ܦܪܥܢ܂
103:011 [ai]ܡܛܠ ܕܐܝܟ ܕܪܡܝܢ ܫܡܝܐ ܡܢ ܐܪܥܐ܂ ܗܟܢ ܥܫܢܬ ܛܝܒܘܬܗ ܕܡܪܝܐ ܥܠ ܕܚ̈ܠܘܗܝ܂
103:012 [ai]ܘܐܝܟ ܕܪܚܝܩܐ ܡܕܢܚܐ ܡܢ ܡܥܪܒܐ܂ ܗܟܢ ܢܪܚܩ ܡܢܢ ܥܘܠܢ܂
103:013 [ai]ܘܐܝܟ ܕܡܪܚܡ ܐܒܐ ܥܠ ܒ̈ܢܝܐ܂ ܡܪܚܡ ܡܪܝܐ ܥܠ ܕܚ̈ܠܘܗܝ܂
103:014 [ai]ܡܛܠ ܕܗܘ ܝܕܥ ܓܒܝܠܬܢ܂ ܐܬܕܟܪ ܕܥܦܪܐ ܚܢܢ܂
103:015 [ai]ܒܪܢܫܐ ܐܝܟ ܥܡܝܪܐ ܝܘܡ̈ܘܗܝ܂ ܘܐܝܟ ܥܘܦܝܐ ܕܚܩܠܐ ܗܟܢ ܝܥܐ܂
103:016 [ai]ܕܡܐ ܕܢܫܒܬ ܒܗ ܪܘܚܐ ܠܝܬܘܗܝ܂ ܐܦܠܐ ܡܬܝܕܥܐ ܕܘܟܬܗ܂
103:017 [ai]ܛܝܒܘܬܗ ܕܡܪܝܐ ܡܢ ܥܠܡ ܗܝ܂ ܘܥܕܡܐ ܠܥܠܡ ܥܠ ܕܚ̈ܠܘܗܝ܂ ܘܙܕܝܩܘܬܗ ܠܒܢ̈ܝ ܒܢܝܗܘܢ܂
103:018 [ai]ܠܐܝܠܝܢ ܕܢܛܪܝܢ ܩܝܡܗ܂ ܘܡܬܕܟܪܝܢ ܦܘܩ̈ܕܢܘܗܝ ܘܥܒܕܝܢ ܠܗܘܢ܂
103:019 [ai]ܡܪܝܐ ܒܫܡܝܐ ܡܬܩܢ ܟܘܪܣܝܗ܂ ܘܡܠܟܘܬܗ ܒܟܠ ܫܠܝܛܐ܂
103:020 [ai]ܒܪܟܘ ܠܡܪܝܐ ܡܠܐ̈ܟܘܗܝ܂ ܕܡܨܝܢ ܒܚܝܠܐ ܘܥܒܕܝܢ ܦܘܩ̈ܕܢܘܗܝ/ܨܒܝܢܗ#3#/܂
103:021 [ai]ܒܪܟܘ ܠܡܪܝܐ ܟܠܗܘܢ ܚܝ̈ܠܘܬܗ܂ ܘܡܫ̈ܡܫܢܘܗܝ ܕܥܒܕܝܢ ܨܒܝܢܗ܂
103:022 [ai]ܒܪܟܘ ܠܡܪܝܐ ܟܘܠܗܘܢ ܥܒ̈ܕܘܗܝ܂ ܕܒܟܠܗܿ ܐܪܥܐ ܫܘܠܛܢܗ܂ ܒܪܟܝ ܢܦܫܝ ܠܡܪܝܐ܂

next chapter