← Back
The Comprehensive Aramaic Lexicon
← Return to the Text Browser
click on the file description for more information
62027: P Ps

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


115:001 [ai]ܠܐ ܠܢ ܡܪܝܐ ܠܐ ܠܢ܂ ܐܠܐ ܠܫܡܟ ܗܒ ܐܝܩܪܐ܂ ܥܠ ܛܝܒܘܬܟ ܘܥܠ ܩܘܫܬܟ܂
115:002 [ai]ܕܠܐ ܢܐܡܪܘܢ ܥܡ̈ܡܐ ܐܝܟܘ ‍<‍ܗܘ#3#‍>‍ ܐܠܗܗܘܢ܂
115:003 [ai]ܐܠܗܢ ܒܫܡܝܐ ܗܘ ‍<‍ܘܒܐܪܥܐ#3#‍>‍܂ ܘܟܠ ܕܨܒܐ ܥܒܕ܂
115:004 [ai]ܦܬܟܪ̈ܐ ܕܥܡ̈ܡܐ ܣܐܡܐ ܘܕܗܒܐ܂ ܥܒܕ ܐ̈ܝܕܝܐ ܕܒܪܢܫܐ܂
115:005 [ai]ܦܘܡܐ ܐܝܬ ܠܗܘܢ ܘܠܐ ܡܡܠܠܝܢ܂ ܥܝ̈ܢܐ ܐܝܬ ܠܗܘܢ ܘܠܐ ܚܙܝܢ܂
115:006 [ai]ܐ̈ܕܢܐ ܐܝܬ ܠܗܘܢ ܘܠܐ ܫܡܥܝܢ܂ ܢܚܝܪ̈ܐ ܐܝܬ ܠܗܘܢ ܘܠܐ ܡܪܝܚܝܢ܂
115:007 [ai]ܘܒܐ̈ܝܕܝܗܘܢ ܠܐ ܡܝܫܝܢ܂ ܘܒܪ̈ܓܠܝܗܘܢ ܠܐ ܡܗܠܟܝܢ܂ ܘܠܐ ܡܡܠܠܝܢ ܒܓܝܓܪ̈ܬܗܘܢ܂
115:008 [ai]ܐܟܘܬܗܘܢ ܢܗܘܘܢ ܥܒܘ̈ܕܝܗܘܢ܂ ܘܟܠ ܕܬܟܝܠܝܢ ܥܠܝܗܘܢ܂
115:009 [ai]ܕܒܝܬ ܐܝܣܪܝܠ ܬܟܝܠܝܢ ܥܠ ܡܪܝܐ܂ ܗܘܝܘ ܥܕܘܪܗܘܢ ܘܡܣܝܥܢܗܘܢ܂
115:010 [ai]ܕܒܝܬ ܐܗܪܘܢ ܬܟܝܠܝܢ ܥܠ ܡܪܝܐ܂ ܗܘܝܘ ܥܕܘܪܗܘܢ ܘܡܣܝܥܢܗܘܢ܂
115:011 [ai]ܕܚ̈ܠܘܗܝ ܕܡܪܝܐ ܬܟܝܠܝܢ ܥܠ ܡܪܝܐ܂ ܗܘܝܘ ܥܕܘܪܗܘܢ ܘܡܣܝܥܢܗܘܢ܂
115:012 [ai]ܡܪܝܐ ܥܗܕܢ ܘܒܪܟܢ܂ ܢܒܪܟ ܠܕܒܝܬ ܐܝܣܪܝܠ܂ ܢܒܪܟ ܠܕܒܝܬ ܐܗܪܘܢ܂
115:013 [ai]ܢܒܪܟ ܡܪܝܐ ܠܕܚ̈ܠܘܗܝ܂ ܙܥܘܪ̈ܐ ܥܡ ܪ̈ܘܪܒܐ܂
115:014 [ai]ܢܘܣܦ ܥܠܝܟܘܢ ܡܪܝܐ܂ ܥܠܝܟܘܢ ܘܥܠ ܒܢܝܟܘܢ܂
115:015 [ai]ܒܪܝܟܝܢ ܐܢܬܘܢ ܠܡܪܝܐ܂ ‍<‍ܗܘ#3#‍>‍ ܕܥܒܕ ܫܡܝܐ ܘܐܪܥܐ܂
115:016 [ai]ܫܡ̈ܝ ܫܡܝܐ ܕܡܪܝܐ/ܠܡܪܝܐ#3#/܂ ܘܐܪܥܐ ܝܗܒܗܿ ܠܒܢ̈ܝ ܐܢܫܐ܂
115:017 [ai]ܠܐ ܡ̈ܝܬܐ ܢܫܒܚܘܢ ܠܡܪܝܐ܂ ܐܦ ܠܐ ܟܠ ܢܚ̈ܬܝ ܚܫܘܟܐ܂
115:018 [ai]ܚܢܢ ܕܝܢ ܢܒܪܟ ܠܡܪܝܐ܂ ܡܟܝܠ ܘܥܕܡܐ ܠܥܠܡ܂

next chapter