The Comprehensive Aramaic Lexicon

03:01 [ai]	ܘܡܢ ܒܬܪܟܢ/ܒܬܪܟܝܢ#2#/ ܦܬܚ ܐܝܘܒ ܦܘܡܗ܂ ܘܠܛ ܝܘܡܐ ܕܐܬܝܠܕ ܒܗ܂
03:02 [ai]	ܥܢܐ ܐܝܘܒ ܘܐܡܪ܂
03:03 [ai]	ܢܐܒܕ ܝܘܡܐ ܕܐܬܝܠܕܬ ܒܗ܂ ܘܠܠܝܐ ܕܐܬܐܡܪ ܒܗ ܕܐܬܒܛܢ ܓܒܪܐ܂
03:04 [ai]	ܝܘܡܐ ܗܿܘ ܢܗܘܐ ܚܫܘܟ܂ ܘܠܐ ܢܬܒܥܝܘܗܝ ܐܠܗܐ ܡܢ ܠܥܠ܂ ܘܠܐ ܢܕܢܚ ܥܠܘܗܝ ܢܘܗܪܐ܂
03:05 [ai]	ܢܟܣܝܘܗܝ ܚܫܘܟܐ ܘܛ̈ܠܠܝ ܡܘܬܐ܂ ܬܪܟܢ ܥܠܘܗܝ ܥܢܢܐ܂ ܢܒܥܬܘܢܗ ܡܪ̈ܝܪܝ ܝܘܡܐ܂
03:06 [ai]	ܠܠܝܐ ܗܿܘ ܢܟܣܝܘܗܝ ܥܡܛܢܐ܂ ܝܘܡܐ ܗܿܘ ܠܐ ܢܬܚܫܒ ܒܡܢܝܢܐ ܕܝܘܡ̈ܬܐ ܕܫܢܬܐ܂ ܘܒܡܢܝܢܐ ܕܝܪ̈ܚܐ ܠܐ ܢܥܘܠ܂
03:07 [ai]	ܠܠܝܐ ܗܿܘ ܢܗܘܐ ܡܓܙܝ܂ ܘܠܐ ܬܥܘܠ ܒܗ ܬܫܒܘܚܬܐ܂
03:08 [ai]	ܢܠܘܛܘܢܗ ܠܝ̈ܛܝ ܝܘܡܐ܂ ܐܝܠܝܢ ܕܥܬܝܕܝܢ ܠܡܥܝܪܘܬܗ ܠܠܘܝܬܢ܂
03:09 [ai]	ܢܚܫܟܘܢ ܟܘܟ̈ܒܝ ܫܦܪܗ܂ ܢܣܟܘܢ ܠܢܘܗܪܐ ܘܠܐ ܢܗܘܐ ܠܗ܂ ܘܠܐ ܢܚܙܐ/ܢܬܚܙܐ#2#/ ܒܙ̈ܠܝܩܝ ܫܦܪܗ܂
03:10 [ai]	ܥܠ ܕܠܐ ܐܚܕ ܬܪ̈ܥܝ ‍<‍ܒܐ̈ܦܝ#3#‍>‍ ܡܪܒܥܗܿ ܕܐܡܝ܂ ܘܣܿܬܪ ܥܡܠܐ ܡܢ ܥܝ̈ܢܝ܂
03:11 [ai]	ܠܡܢܐ ܠܐ ܡܝܬܬ ܡܢ ܡܪܒܥܐ܂ ܘܡܢ ܒܛܢܐ ܠܡܢܐ ܢܦܩܬ܂ ܣܦܬ ܕܝܢ܂
03:12 [ai]	ܠܡܢܐ ܪܒܝܢܝ ܒܘܪ̈ܟܐ܂ ܘܡܢ ܬ̈ܕܝܐ ܠܡܢܐ ܝܢܩܬ܂
03:13 [ai]	ܟܒܪ ܕܝܢ ܗܫܐ ܫܟܝܒ ܗܘܝܬ ܘܫܠܐ܂ ܘܕܡܝܟ/ܘܕܡܟ#1##2#/ ܗܘܝܬ ܘܢܝܚ܂
03:14 [ai]	ܥܡ ܡ̈ܠܟܐ ܘܫ̈ܠܝܛܢܐ ܕܐܪܥܐ ܕܒܢܝܢ ܠܗܘܢ ܚܪ̈ܒܬܐ܂
03:15 [ai]	ܐܘ ܥܡ ܫ̈ܠܝܛܢܐ ܕܕܗܒܐ ܐܝܬ ܠܗܘܢ܂ ܘܡܠܝܢ ܒܬ̈ܝܗܘܢ ܟܣܦܐ܂
03:16 [ai]	ܐܘ ܐܝܟ/ܥܡ#3#/ ܝܚ̈ܛܐ ܛܡܝܪ̈ܐ ܐܝܟܘ ܠܐ ܗܘܝܬ܂ ܘܐܝܟ ܥܘܼ̈ܠܐ ܕܠܐ ܚܙܘ ܢܘܗܪܐ܂
03:17 [ai]	ܕܬܡܢ ܥܿܘ̈ܠܐ ܫܠܝܘ ܡܢ ܕܠܡܪܓܙܘ܂ ܘܬܡܢ ܡܬܬܢܝܚܝܢ/ܡܬܢܝܚܝܢ#2#/ ܐܝܠܝܢ ܕܠܐܝܢ ܒܚܝ̈ܝܗܘܢ܂
03:18 [ai]	ܘܐܟܚܕܐ ܐܣܝܪ̈ܐ ܫܠܝܢ܂ ܘܠܐ ܫܡܥܝܢ ܩܠܐ ܕܡܫܥܒܕܢܐ܂
03:19 [ai]	ܙܥܘܪܐ ܘܪܒܐ ܬܡܢ ܗܘ܂ ܘܥܒܕܐ ܕܡܬܚܪܪ ܡܢ ܡܪܗ܂
03:20 [ai]	ܠܡܢܐ ܡܬܝܗܒ ܢܘܗܪܐ ܠܥܡ̈ܠܐ ܘܚ̈ܝܐ ܠܡܪ̈ܝܪܝ ܢܦܫܐ܂
03:21 [ai]	ܕܡܣܟܝܢ ܠܡܘܬܐ ܘܠܝܬ܂ ܘܒܥܝܢ ܠܗ ܐܝܟ ܕܠܣܝܡܬܐ܂
03:22 [ai]	ܕܚܕܝܢ ܘܡܬܟܢܫܝܢ ܘܕܝܨܝܢ܂ ܟܕ ܡܫܟܚܝܢ ܩܒܪܐ
03:23 [ai]	ܠܓܒܪܐ ܕܐܘܪܚܗ ܡܣܬܪܐ܂ ܘܡܓܢ ܐܠܗܐ ܥܠܘܗܝ܂
03:24 [ai]	ܡܛܠ ܕܡܢ ܩܕܡ ܠܚܡܝ ܬܢܚܬܝ ܥܠܬ܂ ܘܐܫܬܦܥ ܐܝܟ ܡ̈ܝܐ ܢܗܡ̈ܬܝ܂
03:25 [ai]	ܡܛܠ ܕܕܚܠܬܐ ܕܕܚܠܬ ܐܬܬ ܥܠܝ܂ ܘܡܢ ܡܕܡ ܕܙܐܿܥ ܗܘܝܬ ܡܛܝܢܝ܂
03:26 [ai]	ܠܐ ܫܠܝܬ ܘܠܐ ܫܟܬܬ܂ ܘܠܐ ܢܚܬ ܘܐܬܐ ܪܘܓܙܐ܀

next chapter