The Comprehensive Aramaic Lexicon

05:01 [ai]	ܩܪܝ ܢܐ ܐܢ ܐܝܬ ܕܥܿܢܐ ܠܟ܂ ܘܠܘܬ ܡܿܢ ܡܢ ܩܕܝܫ̈ܐ ܬܬܦܢܐ܂
05:02 [ai]	ܡܛܠ ܕܠܣܟܠܐ ܩܛܠ ܪܘܓܙܐ܂ ܘܠܣܟܠܐ ܩܛܠܐ ܩܢܐܬܐ܂
05:03 [ai]	ܐܢܐ ܚܙܝܬ ܪܫܝܥܐ ܕܡܨܠܚ܂ ܘܐܒܕܐ ܕܝܪܗ ܡܢ ܫܠܝ܂
05:04 [ai]	ܢܬܪܚܩܘܢ ܒܢ̈ܘܗܝ ܡܢ ܦܘܪܩܢܐ܂ ܘܢܬܡܟܟܘܢ ܒܬܪܥܐ ܘܠܝܬ ܕܦܪܩ ܠܗܘܢ܂
05:05 [ai]	ܕܚܿܨܕ ܟܦܢܐ ܢܐܟܘܠ܂ ܘܠܨܗܝܐ ܢܬܢܣܟܘܢ܂ ܘܢܓܪܣ ܨܗܝܐ ܩܢܝܢܗܘܢ/ܩܢܝܢܝܗܘܢ#3#/܂
05:06 [ai]	ܡܛܠ ܕܠܐ ܢܿܦܩ ܡܢ ܥܦܪܐ ܫܘܩܪܐ܂ ܐܦܠܐ ܡܢ ܐܕܡܬܐ ܨܿܡܚ ܥܘܠܐ܂
05:07 [ai]	ܡܛܠ ܕܒܪܢܫܐ ܠܥܡܠܐ ܗܘ/#3#/ ܐܬܝܠܕ܂ ܘܒܢ̈ܝ ܥܘܦܐ ܢܪܝܡܘܢ ܓܦܐ܂
05:08 [ai]	ܒܪܡ ܐܢܐ ܐܥܩܒ ܥܠ ܐܠܗܐ܂ ܘܠܘܬ ܐܠܗܐ ܐܣܝܡ ܡܠܬܝ܂
05:09 [ai]	ܕܥܒܕ ܪ̈ܘܪܒܬܐ ܕܠܐ ܣܟ܂ ܘܬܕܡܪ̈ܬܐ ܕܠܐ ܡܢܝ̈ܢ܂
05:10 [ai]	ܕܝܿܗܒ ܡܛܪܐ ܥܠ ܐ̈ܦܝ ܐܪܥܐ܂ ܘܡܫܕܪ ܡ̈ܝܐ ܥܠ ܐ̈ܦܝ ܫ̈ܘܩܐ܂
05:11 [ai]	ܠܡܣܡ ܫ̈ܦܠܐ/ܫܦܠܐ#3#/ ܒܪܘܡܐ܂ ܘܡܟܝ̈ܟܐ ܢܬܥܫܢܘܢ ܒܦܘܪܩܢܐ܂
05:12 [ai]	ܡܒܛܠ ܡܚ̈ܫܒܬܐ ܕܚܟܝ̈ܡܐ܂ ܕܠܐ ܢܥܒ̈ܕܢ ܐ̈ܝܕܝܗܘܢ ܠܚܟܡܐ܂
05:13 [ai]	ܐܿܚܕ ܚ̈ܟܝܡܐ ܒܚܟܡܬܗܘܢ܂ ܘܬܪܥܝܬܐ ܕܨܢܘ̈ܥܬܢܐ/ܕܨܘܢܥܬܢܐ#2#/ ܡܒܛܠ܂
05:14 [ai]	ܒܐܝܡܡܐ ܢܓܫܓܫܘܢ ܐܝܟ ܕܒܚܫܘܟܐ܂ ܘܐܝܟ ܕܒܠܠܝܐ ܢܡܘܫܘܢ ܒܛܗܪܐ܂
05:15 [ai]	ܦܪܩ ܡܢ ܚܪܒܐ ܡܢ/#3#/ ܦܘܡܗܘܢ܂ ܘܡܢ ܐܝܕܐ ܕܥܫܝܢܐ ܠܡܣ̈ܟܢܐ/ܠܡܣܟܢܐ#3#/
05:16 [ai]	ܘܢܗܘܐ/ܘܢܚܘܐ#3#/ ܠܡܣܟܢܐ ܣܒܪܐ܂ ܘܥܘܿܠܐ ܢܣܟܘܪ ܦܘܡܗ܂
05:17 [ai]	ܛܘܒܘܗܝ ܠܓܒܪܐ ܕܢܟܣܝܘܗܝ ܐܠܗܐ܂ ܘܡܪܕܘܬܗ ܕܚܣܝܢܐ ܠܐ ܢܣܠܐ܂
05:18 [ai]	ܡܛܠ ܕܗܘ ܬܒܪ ܘܥܿܨܒ܂ ܘܡܿܚܐ ܘܐ̈ܝܕܘܗܝ ܡܐܣ̈ܝܢ܂
05:19 [ai]	ܒܫܬ ܥܩ̈ܢ ܢܦܪܩܟ܂ ܘܒܕܫܒܥ ܠܐ ܢܩܪܘܒ ܠܟ ܒܝܫܐ܂
05:20 [ai]	ܒܟܦܢܐ ܢܦܪܩܟ ܡܢ ܡܘܬܐ܂ ܘܒܩܪܒܐ ܡܢ ܐ̈ܝܕܝ ܚܪܒܐ܂
05:21 [ai]	ܡܢ ܫܒܛܐ ܕܠܫܢܐ ܬܣܬܬܪ܂ ܘܠܐ ܬܕܚܠ ܡܢ ܬܒܪܐ ܟܕ ܢܐܬܐ܂
05:22 [ai]	ܥܠ ܒܙܬܐ ܘܥܠ ܟܦܢܐ ܬܓܚܟ܂ ܘܡܢ ܚܝܘܬܐ ܕܒܪܐ/ܕܕܒܪܐ#3#/ ܠܐ ܬܕܚܠ܂
05:23 [ai]	ܡܛܠ ܕܥܡ ܟܐ̈ܦܐ ܕܕܒܪܐ ܩܝܡܟ܂ ܘܚܝܘܬܐ ܕܒܪܐ/ܕܕܒܪܐ#3#/ ܐܫܬܠܡܬ ܠܟ܂
05:24 [ai]	ܘܬܕܥ ܕܫܠܡ ܗܘ ܡܫܟܢܟ܂ ܘܬܗܦܘܟ ܠܕܝܪܟ ܘܠܐ ܬܚܛܐ܂
05:25 [ai]	ܘܬܕܥ ܕܣܓܝ ܙܪܥܟ܂ ܘܝܠܕܟ ܐܝܟ ܥܣܒܐ ܕܐܪܥܐ܂
05:26 [ai]	ܘܬܥܘܠ ܢܝܚܐܝܬ ܠܩܒܪܐ܂ ܐܝܟ ܡܣܩ ܓܕܝܫܐ ܒܙܒܢܗ܂
05:27 [ai]	ܗܕܐ ‍<‍ܗܘ#3#‍>‍ ܒܨܝܢ ܘܗܟܢܐ ܗܘ ܫܡܥܢܗܿ܂ ܘܐܢܬ ܕܥ ܠܟ܀܀܂

next chapter