← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62028: P Job

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


06:01 [ai]ܘܥܢܐ ܐܝܘܒ ܘܐܡܪ܂
06:02 [ai]ܠܘܝ ܕܝܢ ܡܬܬܩܠ ܪܘܓܙܝ܂ ܘܡܕܡ ܕܗܘܢܝ ܒܡܣܐܬܐ ܐܟܚܕܐ܂
06:03 [ai]ܡܛܘܠ ܕܗܫܐ ܡܢ ܚܠܐ ܕܝܡ̈ܡܐ ܥܫܢ܂ ܡܛܠ ܗܢܐ ܦܬ̈ܓܡܝ ܟܠܝܢ܂
06:04 [ai]ܡܛܠ ܕܓܐܪ̈ܘܗܝ ܕܚܣܝܢܐ ܒܒܣܪܝ܂ ܘܚܡܬܗܘܢ ܫܬܝܐ ܠܪܘܚܝ܂ ܘܒܥܬܬܗ ܕܐܠܗܐ ܣܪܕܬܢܝ܂
06:05 [ai]ܕܠܡܐ ܡܣܘܩ ܥܪܕܐ ܥܠ ܬܕܐܐ܂ ܐܘ ܓܥܐ ܬܘܪܐ ܥܠ ܚܡܝܡܐ܂
06:06 [ai]ܐܘ ܡܬܐܟܠ ܦܟܝܗܐ ܕܠܐ ܡܠܚܐ܂ ܐܘ ܐܝܬ ܛܥܡܐ ܒܪܝܪܗܿ ܕܚܠܡܬܐ܂
06:07 [ai]ܡܐܢܬ ܢܦܫܝ ܒܡܟܬܫܗܿ ܐܘ ܡܝܠܠ ܐܝܟ ܪܘܝܐ ܩܪܒܝ܂
06:08 [ai]ܡܢܘ ܢܬܠ ܠܝ ܕܬܐܬܐ ܫܐܠܬܝ܂ ܘܣܒܪܝ ܢܬܠ ܐܠܗܐ܂
06:09 [ai]ܘܢܬܛܦܝܣ ܐܠܗܐ ܘܢܕܟܝܢܝ܂ ܘܢܦܪܘܣ ܐܝܕܗ ‍<‍ܥܠܝ#3#‍>‍ ܘܢܫܡܠܝܢܝ܂
06:10 [ai]ܘܢܗܘܐ ܬܘܒ ܒܘܝܐܝ܂ ܘܐܫܬܡܠܐ ܬܘܒ ܒܚܝܠܐ ܕܠܐ ܚܘܣܢ܂ ܡܛܠ ܕܠܐ ܕܓܠܬ ܒܡܐܡܪܗ ܕܩܕܝܫܐ܂
06:11 [ai]ܘܟܡܐ/ܘܡܢܐ#3#/ ܗܘ ܚܝܠܝ ܕܐܣܝܒܪ܂ ܘܡܢܐ ܗܝ ܚܪܬܝ ܕܐܓܪ ܪܘܚܝ܂
06:12 [ai]ܐܠܘ ܐܝܟ ܚܝܠܐ ܗܘ ܕܟܐܦܐ ܚܝܠܝ܂ ܐܘ ܒܣܪܝ ܕܢܚܫܐ ܗܘ܂
06:13 [ai]ܗܐ ܠܝܬ ܥܘܕܪܢܗ ܒܝ܂ ܘܦܘܪܩܢܗ ܐܬܪܚܩ ܡܢܝ܂
06:14 [ai]ܕܟܠܐ ܫܠܡܐ ܡܢ ܚܒܪܗ܂ ܕܚܠܬܗ ܕܥܠܝܐ/ܕܐܠܗܐ#3#/ ܫܿܒܩ܂
06:15 [ai]ܐ̈ܚܝ ܕܓܠܘ ܐܝܟ ܦܨ̈ܝܕܐ܂ ܘܐܝܟ ܪ̈ܓܠܬܐ ܕܥܒܪ̈ܢ܂
06:16 [ai]ܕܕܚܠܝܢ ܗܘܘ ܡܢ ܓܠܝܕܐ ܥܠܝܗܘܢ ܣܓܝ/ܗܘܐ#3#/ ܬܠܓܐ܂
06:17 [ai]ܘܒܫܥܬܐ ܕܕܢܿܚ ܒܗܘܢ ܦܫܪ̈ܝܢ܂ ܘܒܚܘܡܗܘܢ ܦܫܪ̈ܝܢ ܡܢ ܐܬܪܗܘܢ܂
06:18 [ai]ܢܬܥܪܩܠܘܢ ܫܒ̈ܝܠܐ ܕܐܘܪ̈ܚܬܗܘܢ܂ ܘܢܣܩܘܢ ܒܬܘܫܐ ܘܢܐܒܕܘܢ܂
06:19 [ai]ܕܚܪܘ/ܕܚܙܘ#3#/ ܠܐܘܪ̈ܚܬܐ ܕܬܝܡܢܐ܂ ܘܠܫܒܝ̈ܠܐ ܕܫܒܐ ܣܿܟܝܘ ܠܗܘܢ܂
06:20 [ai]ܒܗܬܘ ܒܡܕܡ ܕܐܬܬܟܠܘ܂ ܡܛܘ ܠܘܬܗ ܘܐܚܦܪܘ܂
06:21 [ai]ܘܐܦ ܐܢܬܘܢ ܗܘܝܬܘܢ ܥܠܝ ‍<‍ܛܥܢܐ#2#‍>‍܂ ܡܛܠ ܕܥܕܠܐ ܚܙܝܬܘܢ ܙܘܥܐ ܕܚܠܬܘܢ܂
06:22 [ai]ܐܠܘ ܓܝܪ ܐܡܪܬ ܠܟܘܢ ܗܒܘ ܠܝ܂ ܐܘ ܡܢ ܢܟܣ̈ܝܟܘܢ ܫܚܘܕܘ ܚܠܦܝ܂
06:23 [ai]ܘܦܠܛܘܢܝ ܡܢ ܐ̈ܝܕܝ ܡܥܝܩܢܝ/ܡܥܝ̈ܩܢܝ#3#/ ܐܘ ܡܢ ܐܝܕܐ ܕܚܣܝܢܐ ܦܨܐܘܢܝ܂
06:24 [ai]ܐܠܦܘܢܝ ܘܐܢܐ ܐܫܬܘܩ܂ ܘܡܢܐ ܛܥܝܬ ܒܝܢܘܢܝ܂
06:25 [ai]ܠܡܢܐ ܕܚܩܝܢ ܐܢܬܘܢ ܡܐܡܪ ܩܘܫܬܐ܂ ܘܡܿܢ ܕܡܟܘܢ ܘܡܿܟܣ ܡܢܟܘܢ܂
06:26 [ai]ܗܐ/ܘܗܐ#3#/ ܠܡܟܘܢܘ ܡ̈ܠܝܢ ܬܬܚܫܒܘܢ܂ ܘܥܠ ܪܘܚܝ/ܪܘܚ#3#/ ܡܠܬܝ ܬܬܒܝܢܘܢ܂
06:27 [ai]ܗܐ ܥܠ ܝܬܡܐ ܡܬܪ̈ܘܪܒܝܢ ܐܢܬܘܢ܂ ܘܡܟܪܝܢ ܐܢܬܘܢ ܠܪܚܡܟܘܢ܂
06:28 [ai]ܘܗܫܐ ܐܬܛܦܝܣܘ ܘܚܘܪܘ܂ ܘܩܕܡܝܟܘܢ ܐܡܠܠ ܘܠܐ ܐܟܕܒ܂
06:29 [ai]ܬܘܒܘ ܢܐ ܗܫܐ܂ ܘܠܐ ܬܗܘܘܢ ܐܝܟ ܥܿܘ̈ܠܐ܂ ܬܘܒܘ ܗܟܝܠ ܘܙܟܘ/ܘܣܟܘ#3#/܂
06:30 [ai]ܕܠܡܐ ܐܝܬ ܒܠܫܢܝ ܥܘܼܠܐ܂ ܐܘ ܦܘܡܝ ܠܐ ܡܡܠܠ ܩܘܫܬܐ܂

next chapter