← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62028: P Job

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


07:01 [ai]ܗܐ ܙܒܢܐ ܗܘ ܠܐܢܫܐ ܥܠ ܐܪܥܐ܂ ܘܐܝܟ ܝܘܡ̈ܝ ܐܓܝܪܐ ܐܢܘܢ ܝܘܡ̈ܘܗܝ܂
07:02 [ai]ܘܐܝܟ ܥܒܕܐ ܕܡܣܟܐ ܠܛܠܠܐ܂ ܘܐܝܟ ܐܓܝܪܐ ܕܡܣܟܐ ܠܡܫܠܡܘ ܦܥܠܗ܂
07:03 [ai]ܗܟܢܐ ܝܪܬܬ ܠܝ ܝܪ̈ܚܐ ܣܪ̈ܝܩܐ܂ ܘܠܝܠܘܬ̈ܐ ܕܥܡܠܐ ܠܐ ܐܬܡܢܝܘ ܠܝ܂
07:04 [ai]ܐܢ ܫܟܒܬ ܘܐܡܪܬ ܐܡܬܝ ܐܩܘܡ܂ ܘܡܿܫܚ ܐܢܐ ܠܪܡܫܐ ܘܫܿܟܒ ܐܢܐ ܘܢܿܐܕ ܐܢܐ ܠܫܦܪܐ܂
07:05 [ai]ܠܒܫ ܒܣܪܝ ܪܡܬܐ/ܥܦܪܐ#3#/ ܘܓܘܫܡܝ ܥܦܪܐ/ܪܡܬܐ#3#/܂ ܡܫܟܝ ܩܦܘܕ/ܩܦܕ#2#/ ܘܐܬܡܣܝ܂
07:06 [ai]ܝܘܡ̈ܝ ܩܠܘ ܡܢ ܓܕܕ ܩ̈ܘܝܢ܂ ܘܣܦܘ ܒܕܠܝܬ ܣܒܪܐ܂
07:07 [ai]ܐܬܕܟܪ/ܐܬܕܟܪܘ#3#/ ܕܪܘܚܐ ܚܝܐ ܗܝ܂ \ܘܬܗܦܘܟ /ܘܠܐ ܬܗܦܘܟ#3#/ ܥܝܢܝ ܠܡܚܙܐ ܛܒܬܐ܂
07:08 [ai]ܠܐ ܬܚܕܐ ܠܝ ܥܝܢܐ ܕܚܙܝܐ ܠܝ/#3#/܂ ܘܥܝܢ̈ܝܟ ܒܝ ܘܠܝܬܝ܂
07:09 [ai]ܐܝܟ ܕܣܿܝܦܐ ܥܢܢܐ ܘܐܿܙܠܐ܂ ܗܟܢܐ ܡܿܢ ܕܢܿܚܬ ܠܫܝܘܠ ܠܐ ܣܿܠܩ܂
07:10 [ai]ܘܠܐ ܗܿܦܟ ܬܘܒ ܠܒܝܬܗ܂ ܘܠܐ ܡܫܬܘܕܥ ܬܘܒ ܠܐܬܪܗ܂
07:11 [ai]ܐܦ ܐܢܐ ܠܐ ܐܚܣܘܟ ܦܘܡܝ܂ ܐܡܠܠ ܒܥܩܬ ܪܘܚܝ܂ ܘܐܬܢܐ ܒܡܪܪܐ/ܒܡܪ̈ܪܐ#3#/ ܕܢܦܫܝ܂
07:12 [ai]ܝܡܐ ܐܢܐ ܐܘ ܬܢܝܢܐ ܕܡܩܝܡ ܐܢܬ ܥܠܝ ܢܛܘܪ̈ܐ܂
07:13 [ai]ܡܛܠ ܕܐܡܪܬ ܕܬܒܝܐܢܝ/ܕܬܒܝܢܝ#2#/܂ ܘܐܬܠܒܒ ܡܢ ܛܘܪܦܐ ܕܡܫܟܒܝ܂
07:14 [ai]ܘܗܐ/ܗܐ#3#/ ܐܙܝܥܬܢܝ ܒܚ̈ܠܡܝܢ܂ ܘܒܚ̈ܙܘܢܝܢ ܐܒܥܬܬܢܝ܂
07:15 [ai]ܘܒܚܪܬ ܢܦܫܝ ܡܢ ܐܒܕܢܐ ܘܓܪ̈ܡܝ ܡܢ ܡܘܬܐ܂
07:16 [ai]ܩܛܥܬ ܠܝ ܘܠܐ ܗܘܐ ܠܥܠܡ ܚܝ ܐܢܐ܂ ܦܪܘܩ ܡܢܝ ܡܛܠ ܕܗܒܠܐ ܐܢܘܢ ܝܘܡ̈ܝ܂
07:17 [ai]ܡܢܘ ܐܢܫܐ ܕܬܘܒܕܝܘܗܝ ܘܬܣܝܡ ܥܠܘܗܝ ܠܒܟ܂
07:18 [ai]ܘܬܦܩܘܕ ܒܨܦܪܐ ܘܒܙܒܢܐ ܬܒܚܪܝܘܗܝ܂
07:19 [ai]ܘܥܕܡܐ ܗܘ ܠܐܡܬܝ ܠܐ ܫܿܒܩ ܐܢܬ ܠܝ܂ ܠܐ ܬܪܦܝܢܝ ܥܕܡܐ ܕܐܒܠܥ ܪܘܩܝ܂
07:20 [ai]ܐܢ ܚܛܝܬ ܡܢܐ ܐܥܒܕ ܠܟ ܥܒܘܕܗ ܕܐܢܫܐ܂ ܠܡܢܐ ܣܡܬܢܝ ܕܐܦܓܥ ܒܟ܂ ܘܗܘܝܬ ܥܠܝ ܛܥܢܐ܂
07:21 [ai]ܘܥܕ ܟܡܐ ܠܐ ܬܫܒܘܩ ܠܚ̈ܘܒܝ ܘܬܥܒܪ ܚ̈ܛܗܝ܂ ܕܗܫܐ ܥܠ ܥܦܪܐ ܐܫܟܒ܂ ܘܬܒܥܝܢܝ ܘܠܝܬ ܐܢܐ܀

next chapter