← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62028: P Job

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


08:01 [ai]ܘܥܢܐ ܒܠܕܕ ܫܘܚܝܐ ܘܐܡܪ܂
08:02 [ai]ܥܕܡܐ ܠܐܡܬܝ ܬܡܠܠ ܗܠܝܢ܂ ܘܪܘܚܐ ܪܡܬܐ ܡܠܐ ܦܘܡܟ܂
08:03 [ai]ܕܠܡܐ ܐܠܗܐ ܡܥܘܠ ܕܝܢܐ܂ ܐܘ ܚܣܝܢܐ ܡܥܘܠ ܙܕܩܐ܂
08:04 [ai]ܐܢ ܒ̈ܢܝܟ ܚܛܘ ܠܗ܂ ܫܕܪ ܐܢܘܢ ܒܚ̈ܛܗܝܗܘܢ܂
08:05 [ai]ܘܐܢ ܐܢܬ ܒܥܝ ܡܢ ܐܠܗܐ܂ ܘܠܚܣܝܢܐ ܬܬܟܫܦ܂
08:06 [ai]ܐܢ ܙܟܝ ܐܢܬ ܘܬܪܝܨ܂ ܗܫܐ ܢܬܬܥܝܪ ܥܠܝܟ܂ ܘܢܫܠܡ ܕܝܪܐ ܕܙܕܩܟ܂
08:07 [ai]ܘܬܗܘܐ ܩܕܡܝܬܟ ܙܥܘܪܝܐ ܘܐܚܪܝܬܟ ܢܣܓܐ ܛܒ܂
08:08 [ai]ܫܿܐܠ ܢܐ ܥܠ ܕܪ̈ܐ ܩܕܡ̈ܝܐ܂ ܘܐܬܒܝܢ/ܘܐܬܒܕܩ#3#/ ܒܒܘܕܩܐ ܕܐ̈ܒܗܝܗܘܢ܂
08:09 [ai]ܕܐܬܡܠܝ ܓܝܪ ܚܢܢ ܠܐ ܝܕܥܝܢܢ܂ ܘܐܝܟ ܛܠܠܐ ܐܢܘܢ ܝܘ̈ܡܝܢ ܥܠ ܐܪܥܐ܂
08:10 [ai]ܘܗܐ/ܗܐ#3#/ ܗܢܘܢ ܢܠܦܘܢܟ ܘܢܐܡܪܘܢ ܠܟ܂ ܘܡܢ ܠܒܗܘܢ ܢܦܩܘܢ ܡ̈ܠܐ܂
08:11 [ai]ܕܠܡܐ ܣܿܓܐ ܐܓܡܐ ܒܐܬܪܐ ܨܗܝܐ܂ ܐܘ ܝܿܥܐ ܐܪܒܢܐ ܐܝܟܐ ܕܠܝܬ ܡ̈ܝܐ܂
08:12 [ai]ܕܥܕ ܗܘ ܒܐܒܗ ܠܐ ܡܬܩܛܦ܂ ܘܩܕܡ ܟܘܠ ܥܡܝܪ ܝܿܒܫ܂
08:13 [ai]ܗܟܢܐ \ܐܢܝ̈ܢ ܐܘܪ̈ܚܬܗ /ܐܘܪ̈ܚܬܗ ܐܢܝ̈ܢ#3#/ ܕܟܠ ܡܿܢ ܕܛܿܥܐ ܠܐܠܗܐ܂ ܘܣܒܪܗ ܕܚܢܦܐ ܢܐܒܕ܂
08:14 [ai]ܘܢܬܦܣܩ ܬܘܟܠܢܗ܂ ܘܒܝܬܐ ܕܓܘܓܝ ܒܝܬܗ܂
08:15 [ai]ܢܬܬܟܠ/ܘܢܬܬܟܠ#3#/ ܥܠ ܒܝܬܗ ܘܠܐ ܢܩܘܡ܂ ܘܢܚܡܣܢ ܘܠܐ ܢܬܩܝܡ܂
08:16 [ai]ܐܝܟ ܪܛܒܐ ܗܘ ܩܕܡ ܫܡܫܐ܂
08:17 [ai]ܘܥܠ ܓܠܠܝ̈ܢ ܫܪ̈ܫܘܗܝ ܢܣܡܟܘܢ܂ ܘܒܝܬܐ ܕܟܐ̈ܦܐ ܢܚܙܐ܂
08:18 [ai]ܐܢ ܢܥܩܪܝܘܗܝ ܡܢ ܐܬܪܗ܂ ܘܢܕܓܿܠ ܒܗ ܘܢܐܡܪ ܠܗ܂ ܕܠܐ ܚܙܝܬܟ܂
08:19 [ai]ܗܐ ܗܘܝܘ ܒܨܐ ܟܠܗܝܢ ܐܘܪ̈ܚܬܐ܂ ܘܡܢ ܥܦܪܐ ܐܚܪܢܐ ܢܨܡܚ܂
08:20 [ai]ܠܐ ܡܣܠܐ ܐܠܗܐ ܠܬܡ̈ܝܡܐ܂ ܘܠܐ ܐܿܚܕ ܒܐܝܕܐ ܕܡܒ̈ܐܫܢܐ܂
08:21 [ai]ܥܕܡܐ ܕܢܬܡܠܐ ܦܘܡܟ ܓܘܚܟܐ ܘܣ̈ܦܘܬܟ ܬܫܒܘܚܬܐ܂
08:22 [ai]ܣܢܐ̈ܝܟ ܢܠܒܫܘܢ ܒܗܬܬܐ܂ ܘܡܫܟܢܐ ܕܪ̈ܫܝܥܐ ܠܝܬܘܗܝ܀

next chapter