← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62028: P Job

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


09:01 [ai]ܘܥܢܐ ܐܝܘܒ ܘܐܡܪ܂
09:02 [ai]ܫܪܝܪܐܝܬ ܝܿܕܥ ܐܢܐ ܕܗܟܢܐ ܗܘ܂ ܘܠܐ ܙܿܟܐ ܠܐܠܗܐ ܐܢܫܐ܂
09:03 [ai]ܐܢ ܢܨܒܐ ܓܝܪ ܠܡܕܢ ܥܡܗ܂ ܚܕܐ ܡܢ ܐܠܦ ܠܐ ܥܿܢܐ ܠܗ܂
09:04 [ai]ܚܟܝܡ ܠܒܐ ܗܘ ܘܥܫܝܢ ܚܝܠܐ܂ ܡܢܘ ܐܬܩܫܝ ܠܘܬܗ ܘܗܘܐ ܫܠܡ܂
09:05 [ai]ܗܿܘ ܕܡܫܢܐ ܛܘܪ̈ܝܢ ܠܐ ܝܿܕܥ܂ ܘܗܿܦܟ ܠܗܘܢ ܒܪܘܓܙܗ܂
09:06 [ai]ܗܿܘ ܕܐܙܝܥ ܐܪܥܐ ܡܢ ܫܪ̈ܫܝܗܿ ܘܥܡܘܪ̈ܝܗܿ ܪܥܠܝܢ܂
09:07 [ai]ܗܿܘ ܕܐܡܪ ܠܫܡܫܐ ܘܠܐ ܕܢܚ܂ ܘܒܐ̈ܦܝ ܟܘ̈ܟܒܐ ܚܬܡ܂
09:08 [ai]ܗܿܘ ܕܡܬܚ ܫܡܝܐ ܒܠܚܘܕܘܗܝ܂ ܘܕܪܟ ܥܠ ܬܘܩܦܗ ܕܝܡܐ܂
09:09 [ai]ܗܿܘ ܕܥܒܕ ܟܝܡܐ ܘܥܝܘܬܐ܂ ܘܓܢܒܪܐ ܘܐܚܕܪ ܠܬܝܡܢܐ܂
09:10 [ai]ܗܿܘ ܕܥܒܕ ܪ̈ܘܪܒܬܐ ܕܠܐ ܣܟ܂ ܘܬܩܝ̈ܦܬܐ ܕܠܐ ܡ̈ܢܝܢ܂
09:11 [ai]ܗܐ ܐܢ ܥܿܒܪ ܥܠܝ ܠܐ ܚܿܙܐ ܐܢܐ ܠܗ܂ ܘܐܢ ܡܬܟܪܟ ܚܕܪ̈ܝ ܠܐ ܡܬܒܝܢ ܐܢܐ ܠܗ܂
09:12 [ai]ܗܐ ܐܢ ܬܒܪ ܡܢܘ ܢܦܩܘܕ ܒܐܝܕܗ܂ ܘܡܢܘ ܢܐܡܪ ܠܗ ܡܢܐ ܥܿܒܕ ܐܢܬ܂
09:13 [ai]ܐܠܗܐ ܠܐ ܡܗܦܟ ܪܘܓܙܗ܂ ܘܬܚܘܬܘܗܝ ܢܬܡܟܟܘܢ ܡܥܕܪ̈ܝ/ܡܥܕܪ̈ܢܝ#3#/ ܣ̈ܓܝܐܐ܂
09:14 [ai]ܐܦ ܐܢܐ ܕܝܢ ܐܥܢܝܘܗܝ܂ ܘܐܣܕܘܪ ܡ̈ܠܝ ܩܕܡܘܗܝ܂
09:15 [ai]ܐܠܐ ܐܙܕܕܩܬ ܠܐ ܐܬܥܢܐ܂ ܘܠܕܝܿܢܝ ܐܬܟܫܦ܂
09:16 [ai]ܐܢ ܩܿܪܐ ܐܢܐ ܥܿܢܐ ܠܝ܂ ܠܐ ܡܗܝܡܢ ܐܢܐ ܥܕܡܐ ܕܫܿܡܥ ܩܠܝ܂
09:17 [ai]ܕܒܟܠ ܡܢܬܐ ܕܪܫܝ ܒܬܘܩܦܐ ܡܚܢܝ܂ ܘܐܣܓܝ ܨ̈ܘܠܦܬܝ ܡܓܢ܂
09:18 [ai]ܘܠܐ ܫܒܩܢܝ ܕܬܬܢܝܚ ܪܘܚܝܿ ܡܛܠ ܕܐܣܒܥܢܝ ܡܪ̈ܪܐ ܘܐܪܘܝܢܝ ܓܕ̈ܕܐ܂
09:19 [ai]ܐܢ ܒܚܝܠܐ ܬܩܝܦ ܗܘ܂ ܘܐܢ ܠܕܝܢܼܐ ܡܢܘ ܢܐܪܥܝܘܗܝ܂
09:20 [ai]ܐܢ ܐܙܟܐ ܦܘܡܝ ܢܚܝܒܢܝ܂ ܬܡܝܡ ܐܢܐ ܘܡܥܩܡ ܠܝ܂
09:21 [ai]ܬܡܝܡ ܐܢܐ ܘܠܐ ܝܿܕܥ ܐܢܐ܂ ܢܦܫܝ ܐܣܠܝܬ ܚ̈ܝܝ܂
09:22 [ai]ܚܕܐ ܗܝ܂ ܡܛܠ ܗܢܐ ܐܡܪܬ܂ ܕܠܙܕܝܩ̈ܐ/ܠܙܕܝܩ̈ܐ#3#/ ܘܠܪ̈ܫܝܥܐ ܗܘܝܘ ܡܣܝܦ܂
09:23 [ai]ܐܢ ܫܒܛܗ ܡܢ ܫܠܝ ܩܛܠ܂ ܘܥܠ ܫܛܝܘܬ/ܫܝܛܘܬ#3#/ ܙܟܝ̈ܝܢ ܡܡܝܩ܂
09:24 [ai]ܐܪܥܐ ܝܗܒܗܿ ܒܐܝܕܗ ܕܪܫܝܥܐ܂ ܘܐ̈ܦܝܗܘܢ ܕܕܝܿܢܐ̈ ܡܚܦܝܢ܂ ܐܠܐ ܪܘܓܙܗ ܡܢܘ ܡܣܝܒܪ܂
09:25 [ai]ܝܘܡ̈ܝ ܩܠܘ ܡܢ ܕܪܗܛܐ܂ ܥܪܩܘ ܘܠܐ ܚܙܘ ܛܒܬܐ܂
09:26 [ai]ܥܒܪܘ ܥܡ ܐ̈ܠܦܐ ܣܓܝܐ̈ܬܐ ܕܒ̈ܥܠܕܒܒܐ܂ ܐܝܟ/ܘܐܝܟ#3#/ ܢܫܪܐ ܕܛܿܐܣ ܥܠ ܡܟܘܠܬܗ܂
09:27 [ai]ܥܡ ܡܪ̈ܪܝ ܛܥܝܬ ܫܘ̈ܥܝܬܝ܂ ܐܢ/ܘܐܢ#3#/ ܐܫܒܘܩ ܪܢܝܝ ܐܘ ܡ̈ܠܝ܂ ܡܬܬܥܝܩ/ܡܬܥܝܩ#2#/ ܐܢܐ܂
09:28 [ai]ܘܐܢ ܐܬܬܢܝܚ ܕܚܿܠ ܐܢܐ ܡܢ ܟܠ ܬܫܢܝܩ܂ ܡܛܠ ܕܝܿܕܥ ܐܢܐ ܕܠܐ ܡܙܟܐ ܐܢܬ ܠܝ܂
09:29 [ai]ܗܐ ܐܢ ܐܬܚܝܒ܂ ܠܡܢܐ ܐܝܟ ܗܒܠܐ ܡܣܝܦ ܐܢܬ ܠܝ܂
09:30 [ai]ܘܐܢ ܐܬܬܫܝܓ/ܐܬܫܝܓ#2#/ ܒܡ̈ܝܐ ܕܬܠܓܐ ܘܡܬܕܟܐ ܐܢܐ ܒܕܟܝܘܬܐ ܕܐ̈ܝܕܝ܂
09:31 [ai]ܗܝܕܝܢ ܒܓܘܡܨܐ ܬܛܒܥܢܝ܂ ܘܢܬܪܚܩ ܡܢܝ/ܡܢ#3#/ ܠܒܘܫܝ܂
09:32 [ai]ܡܛܘܠ ܕܠܐ ܗܘܐ ܓܒܪܐ ܕܐܟܘܬܝ ܕܐܬܠ/ܕܐܝܬ#3#/ ܠܗ ܦܬܓܡܐ܂ ܘܢܥܘܠ ܐܟܚܕܐ ܠܕܝܢܐ܂
09:33 [ai]ܐܫܬܘܦ ܕܝܢ ܐܝܬ ܡܟܣܢܐ ܒܝܢܬܢ܂ ܕܢܣܝܡ ܐܝܕܗ ܥܠ ܦܘܡܐ ܕܬܪ̈ܝܢ܂
09:34 [ai]ܘܢܥܒܪ ܡܢܝ ܫܒܛܗ܂ ܘܕܚܠܬܗ ܠܐ ܬܙܝܥܢܝ܂
09:35 [ai]ܐܡܠܠ ܘܠܐ ܐܕܚܠ ܡܢܗ܂ ܡܛܠ ܕܠܐ ܗܘܝܬ ܠܩܘܒܠܗ܂

next chapter