← Back
The Comprehensive Aramaic Lexicon
← Return to the Text Browser
click on the file description for more information
62028: P Job

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


11:01 [ai]ܘܥܢܐ ܨܘܦܪ ܢܥܡܬܝܐ ܘܐܡܪ܂
11:02 [ai]ܒܣܘܓܐܐ ܕܡ̈ܠܐ ܠܐ ܥܿܢܐ ܐܦ ܠܐ ܓܒܪܐ ܡܠܠܐ ܒܦ̈ܬܓܡܘܗܝ ܡܙܕܕܩ܂
11:03 [ai]ܗܐ ܥܠ ܡ̈ܠܝܟ ܡ̈ܝܬܐ ܗܘ ܢܫܬܩܘܢ/ܢܫܬܬܩܘܢ#3#/܂ ܐܢܬ ܡܡܠܠ܂ ܘܠܝܬ ܕܟܠܐ ܠܟ܂ ܘܐܢ ܡܡܝܩ ܐܢܬ ܠܝܬ ܕܡܿܟܣ ܠܟ܂
11:04 [ai]\ܘܐܡܪ ܐܢܬ /ܘܐܡܪܬ#2#/ ܕܟܐܢܐܝܬ ܐܬܕܒܪܬ܂ ܘܕܟܐ ܗܘܝܬ ܒܥܝܢ̈ܝ ܢܦܫܟ܂
11:05 [ai]ܒܪܡ ܡܿܢ ܕܝܢ ܥܒܕ ܕܝܿܗܒ ܗܘܐ ܐܠܗܐ ܦܬܓܡܐ܂ ܘܡܪܝܡ ܗܘܐ ܣ̈ܦܘܬܗ ܥܡܟ܂
11:06 [ai]ܘܡܚܘܐ ܗܘܐ ܠܟ ܟܣ̈ܝܬܗܿ/ܟܣ̈ܝܬܐ#3#/ ܕܚܟܡܬܐ܂ ܡܛܠ ܕܐܝܬ ܠܗܿ܂ ܩ̈ܦܠܐ ܠܚܟܡܬܐ܂ ܘܝܿܕܥ ܗܘܝܬ ܕܫܿܒܩ ܗܘܐ ܠܟ ܐܠܗܐ ܚ̈ܛܗܝܟ܂
11:07 [ai]ܒܘܕܩܗ ܕܐܠܗܐ ܡܫܟܚ ܐܢܬ ܠܡܕܥ܂ ܐܘ ܥܠ ܣܘܦܗ ܕܚܣܝܢܐ/ܕܥܫܝܢܐ#3#/ ܡܫܟܚ ܐܢܬ ܠܡܩܡ܂
11:08 [ai]ܪܘܡܐ ܕܫܡܝܐ ܝܿܕܥ ܐܢܬ܂ ܐܘ ܥܘܡܩܐ ܕܫܝܘܠ ܡܢ ܐܝܡܟܐ ܝܿܕܥ ܐܢܬ܂
11:09 [ai]ܐܪܝܟܐ ܗܝ ܡܢ ܐܪܥܐ ܡܫܘܚܬܗܿ ܘܦܬܝܐ ܗܝ ܡܢ ܝܡܐ܂
11:10 [ai]ܐܢ ܢܥܒܪ ܢܐܚܘܕ ܘܢܟܢܫ܂ ܡܢܘ ܡܗܦܟ ܠܗ܂
11:11 [ai]ܡܛܘܠ ܕܗܘܝܘ ܓܝܪ ܝܿܕܥ ܐܡܬܝ ܗܘܐ ܙܒܢܐ܂ ܘܚܿܙܐ ܥܘܠܐ ܘܗܘ ܡܬܒܝܢ܂
11:12 [ai]ܘܓܒܪܐ ܕܕܟܐ ܡܬܠܒܒ܂ ܘܕܓܢܒܪ ܥܿܕܪ ܠܐܢܫ܂
11:13 [ai]ܐܠܘ ܐܢܬ ܐܬܩܢܬ ܠܒܟ܂ ܘܦܫܛܬ ܐ̈ܝܕܝܟ/ܐܝܕܟ#3#/ ܠܘܬܗ܂
11:14 [ai]ܐܢ ܐܝܬ ܗܘܐ ܥܘܠܐ ܒܐܝ̈ܕܝܟ܂ ܡܪܚܩ ܗܘܐ ܠܗ܂ ܘܠܐ ܐܫܪܝܬ ܒܡܫܟܢܟ ܥܘܠܐ܂
11:15 [ai]ܘܗܝܕܝܢ ܬܪܝܡ ܐ̈ܝܕܝܟ܂ ܘܡܢ ܥܩܐ ܠܐ ܬܕܚܠ܂
11:16 [ai]ܘܗܝܕܝܢ ܥܡܠܟ ܬܬܢܫܐ܂ ܘܐܝܟ ܡ̈ܝܐ ܥܒܘܪ̈ܐ ܬܬܕܒܪ܂
11:17 [ai]ܘܡܢ ܛܗܪܐ ܢܩܘܡ ܚܦܪܐ ܘܥܪܦܠܐ ܐܝܟ ܨܦܪܐ ܬܗܘܐ܂
11:18 [ai]ܘܬܬܟܠ ܕܐܝܬ ܣܒܪܐ܂ ܘܬܕܡܟ ܘܬܬܢܝܚ
11:19 [ai]ܘܠܝܬ ܕܡܥܝܪ ܠܟ܂ ܢܒܥܘܢ ܐ̈ܦܝܟ ܣ̈ܓܝܐܐ܂
11:20 [ai]ܘܥܝܢ̈ܝܗܘܢ ܕܪ̈ܫܝܥܐ ܢܚܫ̈ܟܢ܂ ܘܬܘܩܦܗܘܢ ܢܐܒܕ ܡܢܗܘܢ ܘܣܒܪܐ ܕܢܦܫ̈ܬܗܘܢ܀

next chapter