← Back
The Comprehensive Aramaic Lexicon
← Return to the Text Browser
click on the file description for more information
62028: P Job

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


12:01 [ai]ܘܥܢܐ ܐܝܘܒ ܘܐܡܪ܂
12:02 [ai]ܒܩܘܫܬܐ ܐܢܬܘܢ ܐܢܘܢ ܥܡܐ܂ ܘܥܡܟܘܢ ܬܡܘܬ ܚܟܡܬܐ܂
12:03 [ai]ܐܦ ܠܝ ܠܒܐ ܐܝܬ ܠܝ ܐܟܘܬܟܘܢ܂ ܘܠܐ ܗܘܝܬ ܒܨܝܪ ‍<‍ܐܢܐ#3#‍>‍ ܡܢܟܘܢ܂ ܠܡܿܢ ܗ̈ܘܝ ܐܝܟ ܗܠܝܢ܂
12:04 [ai]ܘܗܘܐ ܓܘܚܟܐ ܠܚܒܪ̈ܘܗܝ܂ ܘܩܪܐ ܠܐܠܗܐ ܘܥܢܝܗܝ܂ ܕܨܿܒܐ ܒܙܕܝ̈ܩܐ ܕܠܐ ܡܘܡ܂
12:05 [ai]ܠܡܦܪܩܘ ܫܛܝܘܬܐ ܘܥܘܠܐ܂ ܘܠܡܬܩܢܘ ܪܓܠܐ ܡܙܥܬܐ܂
12:06 [ai]ܢܫܢܘܢ ܡܫ̈ܟܢܝܗܘܢ ܕܒܙܘ̈ܙܐ܂ ܘܬܘܟܠܢܗܘܢ ܕܐܝܠܝܢ ܕܡܪܓܙܝܢ ܠܐܠܗܐ܂ ܡܛܠ ܕܠܝܬ ܐܠܗܐ ܒܠܒܗܘܢ܂
12:07 [ai]ܘܐܠܐ ܫܿܐܠ ܠܚܝܘܬܐ ܘܬܠܦܟ܂ ܘܠܦܪܚܬܐ ܕܫܡܝܐ ܘܬܚܘܝܟ܂
12:08 [ai]ܘܐܫܬܥܐ ܠܐܪܥܐ ܘܬܠܦܟ܂ ܘܢܫܬܥܘܢ ܠܟ ܢ̈ܘܢܐ ܕܒܝܡܐ܂
12:09 [ai]ܡܢܘ ܕܠܐ ܝܿܕܥ ܒܗܠܝܢ ܟܠܗܝܢ܂ ܕܐܝܕܗ ܕܡܪܝܐ ܥܒܕܬ ܗܠܝܢ܂
12:10 [ai]ܡܛܠ ܕܒܐܝܕܗ/ܕܒܐܝ̈ܕܘܗܝ#3#/ ܐ̈ܢܝܢ ܢܦܫ̈ܬܐ ܕܟܠ ܕܚܝ܂ ܘܪܘܚܐ ܕܟܠ ܒܣܪ ܘܐܢܫ܂
12:11 [ai]ܐܕܢܐ ܫܿܡܥܐ ܡ̈ܠܐ܂ ܘܚܟܐ ܛܥܿܡ ܡܐܟܘܠܬܐ܂
12:12 [ai]ܘܒܩܫܝ̈ܫܐ ܚܟܡܬܐ܂ ܘܒܢܘܓܪܐ ܕܝܘܡ̈ܬܐ ܒܘܝܢܐ܂
12:13 [ai]ܥܡܗ ܗܝ ܚܟܡܬܐ ܘܓܢܒܪܘܬܐ܂ ܕܝܠܗ ܗܝ ܬܪܥܝܬܐ ܘܒܘܝܢܐ܂
12:14 [ai]ܗܐ ܐܢ ܣܿܚܦ ܡܢܘ ܒܿܢܐ܂ ܘܐܢ ܐܚܿܕ ܒܐ̈ܦܝ ܐܢܫ ܡܢܘ/ܡܿܢ#3#/ ܦܬܚ܂
12:15 [ai]ܐܢ ܓܿܥܪ ܒܡ̈ܝܐ ܝܒܫܝܢ܂ ܘܐܢ ܡܫܕܪ ܠܗܘܢ ܗܦܟܝܢ ܐܪܥܐ/ܠܐܪܥܐ#3#/
12:16 [ai]ܕܝܠܗ ܗܘ ܬܘܩܦܐ ܘܚܟܡܬܐ܂ ܕܝܠܗ ܗܘ ܥܘܫܢܐ ܘܦܘܪܩܢܐ܂
12:17 [ai]ܡܕܒܪ ܠܡ̈ܠܟܐ ܒܬܡܗܐ܂ ܘܠܕܝܿܢܐ̈ ܡܫܛܐ܂
12:18 [ai]ܡܿܚܬ ܡ̈ܠܟܝܢ ܠܬܪܥܐ܂ ܘܐܿܣܪ ܚ̈ܙܩܐ ܒܚ̈ܨܝܗܘܢ܂
12:19 [ai]ܡܕܒܪ ܠܟܗ̈ܢܐ/ܠܡ̈ܠܟܐ#3#/ ܒܬܡܗܐ܂ ܘܠܥܫ̈ܝܢܐ ܡܫܦܠ܂
12:20 [ai]ܡܥܒܪ ܡܡܠܠܐ ܡܢ ܡܗ̈ܝܡܢܐ ܘܛܥܡܐ ܕܣ̈ܒܐ ܫܿܩܠ܂
12:21 [ai]ܐܫܿܕ/ܐܿܚܕ#3#/ ܫܛܝܘܬܐ ܥܠ ܫ̈ܠܝܛܢܐ܂ ܘܚܠܝܨܘܬܗܘܢ ܕܬܩ̈ܝܦܐ ܡܪܦܐ܂
12:22 [ai]ܡܓܠܐ ܥܡܝ̈ܩܬܐ ܡܢ ܚܫܘܟܐ܂ ܘܡܿܦܩ ܠܢܘܗܪܐ ܡܢ ܛ̈ܠܠܝ ܡܘܬܐ܂
12:23 [ai]ܡܛܥܐ ܠܥܡ̈ܡܐ ܘܡܒܕܪ/ܘܡܕܒܪ#3#/ ܠܗܘܢ܂ ܫܿܛܚ ܠܥܡ̈ܡܐ ܘܡܘܒܕ ܠܗܘܢ܂ ܫܿܛܚ ܠܐ̈ܡܘܬܐ ܘܫܿܒܩ ܠܗܝܢ܂
12:24 [ai]ܡܫܛܐ ܠܒܐ/ܠܠܒܐ#3#/ ܕܪ̈ܫܘܗܝ ܕܥܡܐ ܕܐܪܥܐ܂ ܘܡܛܥܐ ܠܗܘܢ ܒܬܘܫܐ ܕܠܐ ܐܘܪܚܐ܂
12:25 [ai]ܢܡܘܫܘܢ ܒܚܫܘܟܐ ܘܠܐ ܒܢܘܗܪܐ܂ ܢܓܫܓܫܘܢ ܚܫܘܟܐ ܘܠܐ ܢܗܝܪܐ܂ ܘܡܛܥܐ ܠܗܘܢ ܐܝܟ ܪ̈ܘܝܐ܂

next chapter