← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62028: P Job

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


13:01 [ai]ܗܐ ܗܠܝܢ ܟܠܗܝܢ ܚܙܬ ܥܝܢܝ܂ ܘܫܡܥܬ ܐܕܢܝ ܘܐܬܒܝܢܬ܂
13:02 [ai]ܐܝܟ ܝܕܥܬܟܘܢ ܝܿܕܥ ܐܢܐ ܐܦ ܐܢܐ܂ ܘܠܐ ܗܘܝܬ ܒܨܝܪ ܡܢܟܘܢ܂
13:03 [ai]ܒܪܡ ܕܝܢ ܐܢܐ ܠܘܬ ܚܣܝܢܐ ܡܡܠܠ ܐܢܐ܂ ܘܡܟܣܢܘܬܝ ܠܘܬ ܐܠܗܐ ܐܚܘܐ܂
13:04 [ai]ܒܪܡ ܕܝܢ ܐܢܬܘܢ ܡ̈ܡܠܠܝ ܫܘܩܪܐ ܐܢܬܘܢ܂ ܘܡܐ̈ܣܝܝ ܒܠܐ ܡܕܡ ܐܢܬܘܢ܂
13:05 [ai]ܡܿܢ ܕܝܢ ܥܒܕ ܕܡܫܬܩ ܫܬܝܩܝܢ ܗܘܝܬܘܢ܂ ܘܗܘܬ ܠܟܘܢ ܕܝܢ ܗܕܐ ܠܚܟܡܐ܂
13:06 [ai]ܫܡܥܘ ܗܟܝܠ/ܡܟܝܠ#3#/ ܡܟܣܢܘܬܝ܂ ܘܨܘܬܘ ܕܝܢܐ ܕܣ̈ܦܘܬܝ܂
13:07 [ai]ܥܠ ܐܠܗܐ ܡܡܠܠܝܢ ܐܢܬܘܢ ܥܘܠܐ܂ ܘܥܠܘܗܝ ܡܡܠܠܝܢ ܐܢܬܘܢ ܢܟܠܐ܂
13:08 [ai]ܒܐ̈ܦܘܗܝ ܢܣܒܝܢ ܐܢܬܘܢ܂ ܐܘ ܥܡ ܐܠܗܐ ܕܝܢܝܢ ܐܢܬܘܢ܂
13:09 [ai]ܛܒ ܠܟܘܢ ܕܒܨܐ ܠܟܘܢ܂ ܐܘ ܐܝܟ ܕܡܬܕܝܢ ܒܟܠ ܐܢܫ ܡܬܕܝܢܝܢ ܐܢܬܘܢ ܒܗ܂
13:10 [ai]ܡܟܣܘ ܢܟܣܟܘܢ܂ ܐܘ ܒܐ̈ܦܘܗܝ ܢܣܒܝܢ ܐܢܬܘܢ܂
13:11 [ai]ܕܚܠܬܗ ܬܒܥܬܟܘܢ܂ ܘܙܘܥܬܗ ܬܦܠ ܥܠܝܟܘܢ܂
13:12 [ai]ܐܬܕܟܪܘ ܕܡܢ ܥܦܪܐ ܗܘ ܫܘܠܛܢܟܘܢ܂ ܘܥܠ ܓܢܒ ܛܝܢܐ ܗܘ ܡܕܝܪܟܘܢ܂
13:13 [ai]ܫܬܘܩܘ ܡܢܝ ܘܐܡܠܠ ܐܦ ܐܢܐ܂ ܘܐܡܪ ܟܠ ܡܕܡ ܕܥܒܪ ܥܠܝ܂
13:14 [ai]ܥܠ ܡܢܐ ܫܩܝܠ ܐܢܐ ܒܣܪܝ ܒܫ̈ܢܝ܂ ܘܢܦܫܝ ܣܝܡܐ ܒܐ̈ܝܕܝ܂
13:15 [ai]ܐܢ ܢܩܛܠܢܝ ܠܗ ܗܘ ܡܣܟܐ ܐܢܐ ܒܠܚܘܕ܂ ܡܛܠ ܕܐܘܪ̈ܚܬܝ ܩܕܡܘܗܝ/ܩܕܡܝ#3#/ ܐܢܝ̈ܢ܂
13:16 [ai]ܘܐܦ ܗܘ ܢܗܘܐ ܠܝ ܦܪܘܩܐ܂ ܡܛܠ ܕܠܐ ܥܐܠ ܩܕܡܘܗܝ ܚܠܦܐ܀܀
13:17 [ai]ܫܡܥܘ ܡܫܡܥ ܡ̈ܠܝ܂ ܘܬܚܘܝܬܝ ܐܡܪ ܩܕܡܝܟܘܢ܂
13:18 [ai]ܗܐ ܐܦ ܐܢܐ ܡܿܝܬܐ ܐܢܐ ܕܝܢܝ܂ ܘܝܕܥ܂ ܐܢܐ ܕܐܢܐ ܗܘ ܙܟܝ܂
13:19 [ai]ܡܿܢ ܗܘ ܕܐܿܢ ܥܡܝ܂ ܕܗܫܐ ܐܫܬܘܩ ܘܐܬܬܢܝܚ܂
13:20 [ai]ܒܪܡ ܬܪ̈ܬܝܢ ܠܐ ܬܥܒܪ ܡܢܝ܂ ܘܗܝܕܝܢ ܡܢ ܩܕܡܝܟ ܠܐ ܐܬܛܥܐ܂
13:21 [ai]ܐܝܕܟ ܠܐ ܬܦܪܩ ܡܢܝ܂ ܘܕܚܠܬܟ ܠܐ ܬܙܝܥܢܝ܂
13:22 [ai]ܘܩܪܝܢܝ ܘܐܢܐ ܐܥܢܐ܂ ܐܘ ܐܡܠܠ ܘܐܬܝܒܝܢܝ ܦܬܓܡܐ܂
13:23 [ai]ܟܡܐ ܠܝ ܚ̈ܘܒܐ ܘܚ̈ܛܗܐ܂ ܚ̈ܘܒܝ ܘܚ̈ܛܗܝ ܐܘܕܥܝܢܝ܂
13:24 [ai]ܠܡܢܐ/ܡܢܐ#3#/ ܡܗܦܟ ܐܢܬ ܐ̈ܦܝܟ ܡܢܝ܂ ܘܚܫܒܬܢܝ ܠܟ ܐܝܟ/#3#/ ܒܥܠܕܒܒܐ܂
13:25 [ai]ܠܛܪܦܐ ܝܒܝܫܐ ܕܢܿܬܪ ܕܐܿܫ ܐܢܬ܂ ܘܠܓܠܐ ܝܒܝܫܐ ܪܿܕܦ ܐܢܬ܂
13:26 [ai]ܕܟܬܒܬ ܥܠܝ ܡܪܕܘܬܐ܂ ܘܡܕܟܪ ܐܢܬ ܥܠܝ ܚ̈ܘܒܐ/ܚ̈ܛܗܐ#3#/ ܕܛܠܝܘܬܝ܂
13:27 [ai]ܘܣܡܬ ܪ̈ܓܠܝ ܒܣܕܐ܂ ܘܢܛܪܬ ܒܟܠܗܝܢ/ܟܠܗܝܢ#3#/ ܐܘܪ̈ܚܬܝ ܘܥܠ ܬܘܩܦܐ ܕܪ̈ܓܠܝ ܬܚܙܐ܂
13:28 [ai]ܘܗܘ ܐܝܟ ܪܩܒܐ ܕܒܿܠܐ܂ ܘܐܝܟ ܠܒܘܫܐ ܕܐܿܟܠ/ܕܐܟܠܐ#3#/ ܠܗ ܣܣܐ܂

next chapter