← Back
The Comprehensive Aramaic Lexicon
← Return to the Text Browser
click on the file description for more information
62028: P Job

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


14:01 [ai]ܗܟܢܐ ܗܘ ܐܢܫܐ ܝܠܝܕ ܐܢܬܬܐ܂ ܘܙܥܘܪ ܝܘܡ̈ܝܢ ܗܘ ܘܣܿܒܠ ܙܘ̈ܥܐ܂
14:02 [ai]ܘܐܝܟ ܥܘܦܝܐ ܢܿܦܩ \ܘܝܿܒܫ ܘܚܿܡܐ /ܘܚܿܡܐ ܘܝܿܒܫ#3#/܂ ܘܥܿܪܩ ܐܝܟ ܛܠܠܐ ܘܠܐ ܩܿܐܡ܂
14:03 [ai]ܐܦ ܥܠ ܗܢܐ ܦܬܚܬ ܥܝܢܝ̈ܟ܂ ܘܠܗ ܬܥܠ ܒܕܝܢܐ ܥܡܟ܂
14:04 [ai]ܡܢܘ ܢܬܠ ܕܟܝܐ ܡܢ ܛܡܐܐ܂ ܐܦ ܠܐ ܚܕ܂
14:05 [ai]ܐܢ ܦܣܝܩܝܢ ܐܢܘܢ ܝܘܡ̈ܘܗܝ܂ ܘܡܢܝܢܐ ܕܝܪ̈ܚܘܗܝ ܓܙܝܪ̈ܝܢ܂ ܢܡܘܣܐ ܥܒܕܬ ܕܠܐ ܢܥܒܪ ܡܢܗ܂
14:06 [ai]ܘܢܦܘܫ ܥܕܡܐ ܕܢܪܗܛ ܐܝܟ ܐܓܝܪܐ ܝܘܡ̈ܘܗܝ܂
14:07 [ai]ܡܛܠ ܕܐܝܬ ܠܩܝܣܐ ܣܒܪܐ܂ ܕܐܢ ܡܬܦܣܩ ܬܘܒ ܡܚܠܦ܂ ܘܥܢ̈ܩܘܗܝ ܠܐ ܥܢ̈ܕܢ܂
14:08 [ai]ܘܐܢ ܢܣܐܒ ܒܐܪܥܐ ܥܩܪܗ܂ ܘܒܥܦܪܐ ܬܡܘܬ ܡܘܥܝܬܗ܂
14:09 [ai]ܡܢ ܪܝܚܐ ܕܡ̈ܝܐ ܢܦܪܥ܂ ܘܢܥܒܕ ܛܪ̈ܦܐ ܐܝܟ ܢܨܝܒܐ܂
14:10 [ai]ܘܓܒܪܐ ܡܿܐܬ ܘܒܿܠܐ܂ ܘܣܿܐܦ ܒܪܢܫܐ ܘܠܝܬܘܗܝ܂
14:11 [ai]ܥܢܕܝܢ ܡ̈ܝܐ ܡܢ ܝܡܐ܂ ܘܢܗܪܐ ܚܿܪܒ ܘܝܿܒܫ܂
14:12 [ai]ܘܓܒܪܐ ܕܫܿܟܒ ܠܐ ܩܿܐܡ܂ ܥܕ ܒܠܝܢ ܫܡܝܐ ܠܐ ܢܬܬܥܝܪܘܢ܂ ܘܠܐ ܢܕܝܢ ܡܢ ܫܢܬܗܘܢ܂
14:13 [ai]ܡܿܢ ܕܝܢ ܥܒܕ ܕܒܫܝܘܠ ܛܫܝܬܢܝ܂ ܘܣܬܪܬܢܝ ܥܕܡܐ ܕܥܒܪ ܪܘܓܙܟ܂ ܘܣܡܬ ܠܝ ܕܝܢ ܩܝܡܐ ܘܐܬܕܟܪܬܢܝ܂
14:14 [ai]ܐܢ ܡܿܐܬ ܓܒܪܐ ܕܠܡܐ ܚܝܐ܂ ܘܟܠܗܘܢ ܝܘܡ̈ܬܐ ܕܥܠܝܡܘܬܗ ܡܣܟܐ ܥܕܡܐ ܕܐܬܝܐ ܣܝܒܘܬܗ܂
14:15 [ai]ܐܢ ܬܩܪܝܢܝ ܐܥܢܝܟ܂ ܘܥܠ ܥܒܕ ܐ̈ܝܕܝܟ ܐܬܚܫܒ/ܐܬܚܫܒܬ#3#/܂
14:16 [ai]ܡܛܠ \ܕܗܫܐ ܗ̈ܠܟܬܝ /ܗ̈ܠܟܬܝ ܕܗܫܐ#3# /ܕܗ̈ܠܟܬܝ#3#/ ܠܐ ܬܡܢܐ܂ ܘܠܐ ܬܛܪ ܥܠܝ ܚ̈ܛܗܝ܂
14:17 [ai]ܚܬܘܡ ܒܨܪܪܐ ܚ̈ܘܒܝ܂ ܘܐܦܪܩ ܡܢܝ ܚ̈ܛܗܝ܂
14:18 [ai]ܫܪܝܪܐܝܬ ܛܘܪܐ ܥܫܝܢܐ ܢܿܦܠ܂ ܐܘ ܫܩܝܦܐ ܡܬܬܙܝܥ ܡܢ ܕܘܟܬܗ܂
14:19 [ai]ܟܐܦܐ ܫܚܩܐ ܡ̈ܝܐ܂ ܐܘ ܟܬܐ ܥܦܪܗܿ/ܥܦܪܐ#3#/ ܕܐܪܥܐ܂ ܣܒܪܗ ܕܐܢܫܐ ܐܘܒܕܬ܂
14:20 [ai]ܬܥܫܢܝܘܗܝ ܠܥܠܡ ܘܢܗܠܟ܂ ܒܒܗܬܬܐ ܕܐ̈ܦܘܗܝ ܬܫܕܝܘܗܝ/ܬܫܪܝܘܗܝ#3#/܂
14:21 [ai]ܐܢ ܢܣܓܘܢ ܒ̈ܢܘܗܝ ܠܐ ܝܿܕܥ܂ ܘܐܢ ܢܙܥܪܘܢ ܠܐ ܡܫܬܘܕܥ ܠܗܘܢ܂
14:22 [ai]ܒܪܡ ܒܣܪܗ ܥܠܘܗܝ ܢܟܐܒ܂ ܘܢܦܫܗ ܥܠܘܗܝ ܬܬܐܒܠ܀

next chapter