← Back
The Comprehensive Aramaic Lexicon
← Return to the Text Browser
click on the file description for more information
62028: P Job

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


15:01 [ai]ܘܥܢܐ ܐܠܝܦܙ ܬܝܡܢܝܐ ܘܐܡܪ܂
15:02 [ai]ܚܟܝܡ ܪܘܚܐ ܢܥܢܐ ܒܐܝܕܥܬܐ܂ ܘܢܡܠܐ ܚܡܬܐ ܟܪܣܗ܂
15:03 [ai]ܠܡܟܣܘ ܡ̈ܠܝܢ ܕܠܐ ܟܫܪ̈ܢ܂ ܘܒܡ̈ܠܐ ܕܠܝܬ ܒܗܝܢ ܝܘܬܪܢ܂
15:04 [ai]ܐܦ ܐܢܬ ܡܒܛܠ ܐܢܬ ܕܚܠܬܐ ܘܡܣܓܐ ܐܢܬ ܡܡܠܠ ܩܕܡ ܐܠܗܐ܂
15:05 [ai]ܡܛܠ ܕܢܐܠܦ ܦܘܡܟ ܚ̈ܛܗܐ܂ ܘܨܿܒܐ ܐܢܬ ܒܠܫܢܐ ܕܢܟܠܐ܂
15:06 [ai]ܢܚܝܒܟ ܦܘܡܟ ܘܠܐ ܐܢܐ܂ ܘܣ̈ܦܘܬܟ ܢܣܗ̈ܕܢ/ܢܣܗܕܢ#2#/ ܒܟ ܩܕܡܝ܂
15:07 [ai]ܕܠܡܐ ܩܕܡ ܐܢܫܐ ܐܬܝܠܕܬ܂ ܐܘ ܡܢ ܩܕܡ ܪ̈ܡܬܐ ܐܬܒܛܢܬ܂
15:08 [ai]ܒܐܪܙܗ/ܒܪܐܙܗ#2#/ ܕܡܪܝܐ ܫܡܥܬ܂ ܘܐܬܓܠܝܬ ܠܟ ܚܟܡܬܐ܂
15:09 [ai]ܡܢܐ ܝܿܕܥ ܐܢܬ ܕܚܢܢ ܠܐ ܝܕܥܝܢ܂ ܐܘ ܡܢܐ ܡܬܒܝܢ ܐܢܬ ܕܠܐ ܗܘܐ ܠܘܬܢ܂
15:10 [ai]ܗܐ ܐܝܬ ܒܢ ܕܣܐܼܒ/ܕܣܒ#3#/܂ ܐܦ ܐܝܬ ܒܢ ܕܩܫܝܫ܂ ܘܕܥܬܝܩ ܐܦ ܡܢ ܐܒܘܟ ܒܝ̈ܘܡܬܐ܂
15:11 [ai]ܐܙܓܪ/ܐܙܥܪ/ ܡܢܟ ܠܘܚ̈ܡܘܗܝ ܕܐܠܗܐ܂ ܘܡܠܠ ܒܢܝܚ ܠܘܬ ܢܦܫܟ܂
15:12 [ai]ܠܡܢܐ ܐܬܪܝܡ ܠܒܟ܂ ܘܠܡܢܐ/ܘܡܢܐ#3#/ ܡܪ̈ܡܙܢ ܥܝܢ̈ܝܟ܂
15:13 [ai]ܕܡܪܝܡ ܐܢܬ ܠܘܬ ܐܠܗܐ ܪܘܚܟ܂ ܘܡܿܦܩ ܐܢܬ ܡܢ ܦܘܡܟ ܡ̈ܠܐ܂
15:14 [ai]ܡܢܘ ܐܢܫܐ ܕܢܙܟܐ܂ ܐܘ ܡܢܘ ܢܙܕܕܩ ܝܠܝܕ ܐܢܬܬܐ܂
15:15 [ai]ܗܐ ܒܩܕܝܫ̈ܘܗܝ ܠܐ ܡܗܝܡܢ܂ ܘܫܡܝܐ ܠܐ ܕܟܝܢ ܩܕܡܘܗܝ܂
15:16 [ai]ܐܦܢ ܡܣܬܠܐ ܘܡܬܛܪܦ ܓܒܪܐ܂ ܢܫܬܐ ܥܘܠܐ ܐܝܟ ܡ̈ܝܐ܂
15:17 [ai]ܐܚܘܝܟ ܫܡܥܝܢܝ܂ ܘܡܕܡ ܕܚܙܝܬ ܐܬܢܐ܂
15:18 [ai]ܕܚ̈ܟܝܡܐ ܚܘܝܘ ܘܠܐ ܟܣܝܘ ܡܢ ܐ̈ܒܗܝܗܘܢ܂
15:19 [ai]ܠܗܘܢ ܒܠܚܘܕܝܗܘܢ ܐܬܝܗܒܬ/ܐܬܝܗܒ#3#/ ܐܪܥܐ܂ ܘܠܐ ܥܒܪ ܢܘܟܪܝܐ ܒܝܢܬܗܘܢ܂
15:20 [ai]ܟܘܠ ܝܘܡ̈ܘܗܝ ܕܪܫܝܥܐ ܡܬܪܘܪܒ܂ ܘܡܢܝܢ ܫܢܘܗܝ ܢܬܢܛܪ ܠܚܣܝܢܐ܂
15:21 [ai]ܩܠ ܙܘܥܬܐ ܒܐܕܢ̈ܘܗܝ܂ ܘܒܫܠܡܐ ܒܙܘܙܐ ܢܐܬܐ ܥܠܘܗܝ܂
15:22 [ai]ܠܐ ܡܗܝܡܢ ܕܗܿܦܟ ܡܢ ܚܫܘܟܐ܂ ܚܿܙܐ ܠܚܪܒܐ܂
15:23 [ai]ܥܿܪܩ ܗܘ ܠܠܘܚܡܐ ܕܕܝܢܐ܂ ܘܐܝܟܐ ܕܗܘ ܝܿܕܥ ‍<‍ܗܘ#3#‍>‍ ܕܡܛܝܒ ܗܘ ܒܐܝܕܗ ܝܘܡܐ ܕܚܫܘܟܐ܂
15:24 [ai]ܢܒܥܬܝܘܗܝ ܐܘܠܨܢܐ ܘܥܩܬܐ ܬܕܪܟܝܘܗܝ܂ ܐܝܟ ܡܠܟܐ ܕܡܛܝܒ ܠܩܪܒܐ܂
15:25 [ai]ܡܛܠ ܕܐܪܝܡ ܥܠ ܐܠܗܐ ܐܝܕܗ܂ ܘܥܠ ܚܣܝܢܐ ܐܬܓܒܪ܂
15:26 [ai]ܘܪܗܛ ܥܠܘܗܝ ܒܨܘܪܐ ܪܡܐ ܘܒܩܦܝܐ ܕܩܕܠܗ܂ ܒܣܘܓܐܬ ܣܕܪ̈ܐ ܕܣܟܪ̈ܐ܂
15:27 [ai]ܘܟܣܝ ܐ̈ܦܘܗܝ ܒܬܪܒܗ܂ ܘܥܒܕ ܟܝܡܐ ܠܥܠ ܡܢ ܥܝܘܬܐ܂
15:28 [ai]ܘܐܘܬܒ ܩܘܪ̈ܝܐ ܚܪ̈ܒܬܐ ܕܠܐ ܝ̈ܬܒܢ ܘܐܬܛܝܒ ܠܩܪܒܐ܂
15:29 [ai]ܠܐ ܢܟܬܪ ܘܠܐ ܢܩܘܡ ܚܝܠܗ܂ ܘܠܐ ܢܪܡܐ ܡ̈ܠܐ ܥܠ ܐܪܥܐ܂
15:30 [ai]ܘܠܐ ܢܥܢܕܘܢ ܡܢ ܚܫܘܟܐ܂ ܘܥܢ̈ܩܘܗܝ ܬܝܒܫ ܫܠܗܒܝܬܐ܂ ܢܫܛܐ ܒܪܘܚܐ ܕܦܘܡܗ܂
15:31 [ai]ܘܠܐ ܢܗܝܡܢ ܠܕܓܠܘܬܐ ܡܛܥܝܢܝܬܐ܂ ܡܛܘܠ ܕܐܝܩܐ/ܕܐܝܟܢܐ#3#/ ܗܘܬ ܡܘܥܝܬܗ܂
15:32 [ai]ܘܕܠܐ ܒܝ̈ܘܡܘܗܝ ܝܒܫ/ܐܝܒܫ#2#/܂ ܘܐ̈ܝܕܘܗܝ ܠܐ ܢܫܟܚܢ܂
15:33 [ai]ܢܥܩܘܪ ܐܝܟ ܓܦܬܐ ܒܣܪ̈ܘܗܝ܂ ܘܢܫܕܐ ܐܝܟ ܙܝܬܐ ܡܘܥܝܬܗ܂
15:34 [ai]ܡܛܠ ܕܟܢܘܫܬܐ ܕܚܢ̈ܦܐ ܬܗܘܐ ܠܚܘܪܒܐ ܘܠܨܕܝܐ܂ ܘܢܘܪܐ ܬܐܟܘܠ ܠܡܫܟܢܐ ܕܥܿܘ̈ܠܐ܂
15:35 [ai]ܒܛܢܘ ܥܘܼܠܐ ܘܝܠܕܘ ܥܬܐ ܘܟܪ̈ܣܬܗܘܢ ܡ̈ܠܝܢ ܢܟܠܐ܀

next chapter