← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62028: P Job

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


16:01 [ai]ܘܥܢܐ ܐܝܘܒ ܘܐܡܪ܂
16:02 [ai]ܫܡܥܬ ܕܣ̈ܓܝܐܢ ܐܝܟ/ܡܢ#3#/ ܗܠܝܢ܂ ܘܡܒ̈ܝܐܢܝ ܒܥܘܠܐ ܐܢܬܘܢ ܟܠܟܘܢ܂
16:03 [ai]ܠܐ ܬܟܪܘܢ ܠܪܘܚܝ ܒܡ̈ܠܐ܂ ܘܐܦܢ ܬܐܡܪܘܢ ܠܝ/#3#/ ܠܐ ܥܿܢܐ ܐܢܐ܂
16:04 [ai]ܐܦ ܐܢܐ ܐܟܘܬܟܘܢ ܐܡܠܠ܂ ܐܫܬܘܦ ܕܝܢ ܥܒܝ̈ܕܢ ܗ̈ܘܝ ܢܦܫ̈ܬܟܘܢ ܚܠܦ ܢܦܫܝ܂ ܘܒܩܝܬܟܘܢ ܕܝܢ ܒܡ̈ܠܐ܂ ܘܐܢܝܕܬ ܥܠܝܟܘܢ ܒܪܝܫܝ܂
16:05 [ai]ܒܨܝܬܟܘܢ ܕܝܢ ܒܡ̈ܠܝܟܘܢ܂ ܘܡܡܠܠܐ ܕܣ̈ܦܘܬܝ ܠܐ ܕܝܢ ܚܣܟܬ ܡܢܟܘܢ܂
16:06 [ai]ܐܢ ܐܡܠܠ ܓܝܪ ܠܐ ܦܪܩ ܟܐܒܝ܂ ܘܐܢ ܫܿܠܐ ܐܢܐ ܡܢܘ ܡܪܘܚ ܠܝ܂
16:07 [ai]ܡܛܠ ܕܗܫܐ ܐܠܐܝܢܝ ܘܢܛܪ ܟܠܗܿ/ܒܟܠܗܿ#3#/ ܣܗܕܘܬܝ܂
16:08 [ai]ܘܐܩܝܡܢܝ ܘܗܘܝܬ ܣܗܕܐ܂ ܘܩܡܬ ܒܝ ܟܕܒܘܬܝ ܘܩܕܡܘܗܝ ܡܠܠܬ܂
16:09 [ai]ܪܘܓܙܗ ܬܒܪܢܝ ܘܦܫܚܢܝ܂ ܘܚܿܪܩ ܥܠܝ ܫܢ̈ܘܗܝ܂ ܒ̈ܥܠܕܒܒܝ ܚܿܒܪܘ ܥܝ̈ܢܝܗܘܢ ܥܠܝ܂
16:10 [ai]ܘܥܠܝ ܦܬܚܘ ܦܘܡܗܘܢ ܒܚܣܕܐ܂ ܘܡܚܘ ܦܟ̈ܝ ܐܟܚܕܐ܂ ܘܚܡܬܐ ܡܬܡܠܝܢ ܗܘܘ ܥܠܝ܂
16:11 [ai]ܐܫܠܡܢܝ ܠܡܠܐܟܐ ܥܘܿܠܐ܂ ܘܠܐܝܕܐ ܕܪܫܝܥܐ ܐܫܠܡܢܝ܂
16:12 [ai]ܫܠܐ ܗܘܝܬ ܘܛܪܦܢܝ܂ ܐܚܕ ܒܩܕܠܝ ܘܒܕܪܢܝ܂ ܐܩܝܡܢܝ ܠܗ ܐܝܟ ܢܝܫܐ܂
16:13 [ai]ܘܣܓܝܘ ܥܠܝ ܓܐܪ̈ܘܗܝ܂ ܘܫܕܐ ܒܟ̈ܘܠܝܬܝ ܘܠܐ ܚܣ܂ ܐܫܕ ܥܠ ܐܪܥܐ ܡܪܪܬܝ܂
16:14 [ai]ܬܪܥܢܝ ܬܘܪܥܬܐ ܒܓܘ ܬܘܪܥܬܐ܂ ܘܪܗܛ ܥܠܝ ܐܝܟ ܕܥܠ ܓܢܒܪܐ܂
16:15 [ai]ܣܩܐ ܐܬܟܒܢܬ ܥܠ ܡܫܟܝ܂ ܘܦܠܦܠܬ ܒܥܦܪܐ ܪܝܫܝ܂
16:16 [ai]ܐ̈ܦܝ ܐܬܕܠܚ ܡܢ ܒܟܬܐ܂ ܘܚ̈ܙܝܬܝ ܡܢ ܛܠܠܗ ܕܡܘܬܐ܂
16:17 [ai]ܥܠ ܕܠܝܬ ܥܘܠܐ ܒܐ̈ܝܕܝ ܘܨܠܘܬܝ ܕܟܝܐ܂
16:18 [ai]ܐܪܥܐ ܠܐ ܬܟܣܐ ܕܡܝ܂ ܘܠܐ ܢܗܘܐ ܐܬܪܐ ܠܙܥܩ̈ܬܝ܂
16:19 [ai]ܘܗܫܐ ܗܐ ܒܫܡܝܐ ܣܗ̈ܕܝ܂ ܘܝ̈ܕܥܝ ܒܡܪܘܡܐ܂
16:20 [ai]ܐܚ̈ܝ ܘܪ̈ܚܡܝ ܠܘܬ ܐܠܗܐ ܫܦܥܬ ܥܝܢܝ܂
16:21 [ai]ܠܘܝ ܕܝܢ ܢܟܿܣ ܒܪ ܐܢܫܐ ܠܐܠܗܐ܂ ܐܝܟ ܓܒܪܐ ܠܚܒܪܗ܂
16:22 [ai]ܕܡܢܝܢܐ ܕܫ̈ܢܘܗܝ ܐܬ̈ܝܢ܂ ܘܐܘܪܚܐ ܕܠܐ ܗܿܦܟܐ ܐܿܙܠ܂

next chapter