← Back
The Comprehensive Aramaic Lexicon
← Return to the Text Browser
click on the file description for more information
62028: P Job

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


18:01 [ai]ܘܥܢܐ ܒܠܕܕ ܫܘܚܝܐ ܘܐܡܪ܂
18:02 [ai]ܥܕܡܐ ܠܐܡܬܝ ܣܝܡܝܢ ܐܢܬܘܢ ܣܩܘܒܠܐ ܠܡ̈ܠܐ܂ ܐܬܒܝܢܘ ܘܐܚܪܝܬ ܢܡܠܠ܂
18:03 [ai]ܠܡܢܐ ܐܬܚܫܒܢ ܐܝܟ ܒܥܝܪܐ ܘܐܬܛܡܐܢ ܒܥܝܢ̈ܝܟ܂
18:04 [ai]ܩܿܛܠ ܢܦܫܗ ܒܪܘܓܙܗ܂ ܗܐ ܡܛܠܬܟ ܬܫܬܒܩ ܐܪܥܐ܂ ܘܢܫܢܐ ܛܘܪܐ ܡܢ ܕܘܟܬܗ܂
18:05 [ai]ܘܐܦ ܫܪܓܐ ܕܪ̈ܫܝܥܐ ܢܕܥܟ ܘܐܦ ܬܓܗ ܫܠܗܒܝܬܐ ܕܢܘܪܗ/ܕܢܘܗܪܗ#3#/܂
18:06 [ai]ܢܘܗܪܐ ܢܚܫܟ ܒܡܫ̈ܟܢܝܗܘܢ/ܒܡܫܟܢܗ#3#/܂ ܘܫܪܓܗ ܢܕܥܟ ܥܠܘܗܝ܂
18:07 [ai]ܢܨ̈ܕܝܢ ܗ̈ܠܟܬܗ ܒܟܐ̈ܒܘܗܝ ܘܬܛܒܥܝܘܗܝ ܬܪܥܝܬܗ܂
18:08 [ai]ܡܛܠ ܕܐܘܫܛ ܪܓܠܗ ܒܡܨܝܕܬܐ܂ ܘܥܠ ܣܪܝܓܬܐ ܗܠܟ܂
18:09 [ai]ܘܐܚܕ ܦܚܐ ܒܥܩܒܗ܂ ܢܬܥܫܢܘܢ ܥܠܘܗܝ ܨܗ̈ܘܢܐ܂
18:10 [ai]ܛܡܝܪ ܗܘ ܒܐܪܥܐ ܚܒܠܗ܂ ܘܡܨܝܕܬܗ ܥܠ ܫܒ̈ܝܠܐ ܬܬܟܪܟ܂
18:11 [ai]ܚܕܪ̈ܘܗܝ ܣܕܪ̈ܝ ܒܘܠܗܝܐ܂ ܘܒܕܪܘ ܐ̈ܢܝܢ ܠܪ̈ܓܠܘܗܝ܂
18:12 [ai]ܘܢܗܘܐ ܟܦܢܐ ܟܐܒܗ܂ ܘܬܒܪܐ ܡܬܩܢ ܠܬܘ̈ܠܕܬܗ܂
18:13 [ai]ܢܬܐ̈ܟܠܢ ܒܬܘܩܦܐ ܩܘܪ̈ܝܗ܂ ܘܒܬܩܘܦ ܡ̈ܝܬܐ ܒܘܟܪܗ܂
18:14 [ai]ܢܬܦܣܩ ܡܢ ܡܫܟܢܗ ܬܘܟܠܢܗ܂ ܘܢܣܪܗܒܘܢܗ ܒܘ̈ܠܗܝܝ ܡܠܟܐ܂
18:15 [ai]ܘܢܫܪܘܢ ܒܡܫܟܢܗ ܡܢ ܕܠܝܬ ܐܢܫ܂ ܬܬܒܕܪ ܥܠ ܐܬܪܗ ܟܒܪܝܬܐ܂
18:16 [ai]ܡܢ ܠܬܚܬ ܥܩܪ̈ܘܗܝ ܢܐܒܫܘܢ܂ ܘܡܢ ܠܥܠ ܢܬܪ ܩܛܦܗ܂
18:17 [ai]ܢܐܒܕ ܕܘܟܪܢܗ ܡܢ ܐܪܥܐ܂ ܘܠܝܬ ܠܗ ܫܡ ܥܠ ܐ̈ܦܝ ܒܪܝܬܐ܂
18:18 [ai]ܢܣܚܦܘܢܗ ܡܢ ܢܘܗܪܐ ܠܚܫܘܟܐ܂ ܘܡܢ ܬܒܝܠ ܢܕܚܩܘܢܗ܂
18:19 [ai]ܠܐ ܫܡ ܠܗ ܘܠܐ ܕܘܟܪܢ ܒܥܡܐ܂ ܘܠܐ ܢܗܘܐ ܠܗ ܣܪܝܕܐ ܒܡܥܡܪܗ܂
18:20 [ai]ܥܠ ܝܘܡ̈ܘܗܝ ܢܬܡܗܘܢ ܐܚܪ̈ܝܐ܂ ܘܩ̈ܕܡܝܐ ܙܩܦܬ ܣܥܪܬܗܘܢ܂
18:21 [ai]ܒܪܡ ܗܠܝܢ ܐܢܘܢ ܡܫ̈ܟܢܘܗܝ ܕܥܿܘܠܐ܂ ܘܗܢܘ ܐܬܪܐ ܕܡܿܢ ܕܠܐ ܝܿܕܥ ܠܐܠܗܐ܀

next chapter