← Back
The Comprehensive Aramaic Lexicon
← Return to the Text Browser
click on the file description for more information
62028: P Job

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


20:01 [ai]ܘܥܢܐ ܨܘܦܪ ܢܥܡܬܝܐ ܘܐܡܪ܂
20:02 [ai]ܡܛܠ ܗ̈ܠܟܬܝ ܐܬܝܒܘܢܝ܂ ܘܡܛܘܠܬܝ ܟܬܪܘ ܠܝ܂
20:03 [ai]ܡܪܕܘܬܐ ܕܡܟܣܢܘܬܝ ܐܫܡܥ܂ ܘܪܘܚܐ ܕܣܘܟܠܝ ܢܥܢܝܢܝ܂
20:04 [ai]ܗܕܐ ܝܕܥܬ ܡܢ ܥܠܡܐ܂ ܡܢ ܕܐܬܒܪܝ ܐܕܡ ܥܠ ܐܪܥܐ܂ ܡܢܘ ܥܒܕ ܠܐܢܫܐ/ܐܢܫܐ#3#/ ܥܠ ܐܪܥܐ܂
20:05 [ai]ܡܛܠ ܕܬܫܒܘܚܬܗܘܢ ܕܪ̈ܫܝܥܐ ܡܢ ܓܘܗܘܢ܂ ܘܚܕܘܬܗ ܕܚܢܦܐ ܥܕܡܐ ܗܝ ܠܙܒܢ ܙܥܘܪ܂
20:06 [ai]ܐܢ ܢܣܩ ܠܫܡܝܐ ܪܘܡܗ ܘܪܝܫܗ ܠܥܢ̈ܢܐ ܢܡܛܐ܂
20:07 [ai]ܐܝܟ ܥܠܥܠܐ ܠܥܠܡ ܢܐܒܕ܂ ܚ̈ܙܝܘܗܝ ܢܐܡܪܘܢ ܐܝܟܘ܂
20:08 [ai]ܘܐܝܟ ܚܠܡܐ/ܥܠܥܠܐ#3#/ ܢܦܪܚ ܘܠܐ ܢܫܬܟܚ܂ ܘܢܦܪܕ ܐܝܟ ܚܙܘܐ ܕܠܠܝܐ܂
20:09 [ai]ܥܝܢܐ ܕܚܙܬܗ/ܕܚܙܬܗܿ#2#/ ܬܘܒ ܠܐ ܬܘܣܦ ܠܡܚܙܝܗ܂ ܘܠܐ ܬܘܒ ܢܚܘܪܘܢ ܐܬܪܗ܂
20:10 [ai]ܒ̈ܢܘܗܝ ܢܬܬܒܪܘܢ ܒܡܣܟܢܘܬܐ܂ ܘܐ̈ܝܕܘܗܝ ܢܘܫ̈ܛܢ ܒܝܠܕܗ܂
20:11 [ai]ܓܪ̈ܡܘܗܝ ܡܠܝܢ ܡܘܚܐ܂ ܘܥܡܗ ܥܠ ܐܪܥܐ ܢܫܟܒܘܢ܂
20:12 [ai]ܐܢ ܬܒܣܡ ܒܦܘܡܗ ܒܝܫܬܗ܂ ܘܢܟܠܐ ܬܚܝܬ ܠܫܢܗ ܢܛܫܝܘܗܝ܂
20:13 [ai]ܢܚܘܣ ܥܠܘܗܝ ܘܠܐ ܢܫܒܩܝܘܗܝ܂ ܘܢܟܠܝܘܗܝ ܒܓܘ ܚܫܟܗ/ܦܘܡܗ#3#/܂
20:14 [ai]ܠܚܡܗ ܒܡ̈ܥܘܗܝ ܢܬܗܦܟ܂ ܘܡܪܬܐ ܕܬܢܝܢܐ ܒܓܘܗ܂
20:15 [ai]ܘܡܐܟܘܠܬܐ ܕܒܠܥ ܢܬܝܒܝܗܿ ܡܢ ܟܪܣܗ܂ ܘܢܘܒܕܝܘܗܝ ܐܠܗܐ܂
20:16 [ai]ܡܪܬܐ ܕܦܬܢܐ ܢܐܢܩ܂ ܘܠܫܢܐ ܕܐܣܦܣ ܢܩܛܠܝܘܗܝ
20:17 [ai]ܠܐ/ܕܠܐ#3#/ ܢܚܙܐ ܒܦܘܠܓܐ ܕܢܗܪ̈ܘܬܐ܂ ܘܕܪ̈ܓܠܬܐ ܕܕܒܫܐ ܘܕܚܐܘܬܐ܂
20:18 [ai]ܢܗܦܘܟ ܠܠܐܘܬܐ ܘܠܐ ܢܒܠܥ ܒܚܝܠ ܚܠܦܗ܂ ܠܐ ܢܬܗܢܐ
20:19 [ai]ܕܐܬܪܥܝ ܠܡܫܒܩ ܠܡܣܟܢܐ܂ ܘܒܝܬܐ ܕܚܛܘܦܝܐ ܠܐ ܢܬܒܢܐ܂
20:20 [ai]ܡܛܠ ܕܠܐ ܝܕܥ ܕܝܢܗ ܒܟܪܣܗ܂ ܘܒܪ̈ܓܝܓܬܗ ܠܐ ܢܬܦܠܛ܂
20:21 [ai]ܠܝܬ ܕܦܿܠܛ ܡܢ ܬ̈ܘܠܕܬܗ܂ ܡܛܠ ܗܢܐ ܠܐ ܬܟܬܪ ܛܒܬܗ܂
20:22 [ai]ܒܟܝܠܬܐ ܕܐܟܝܠ ܢܬܦܪܥ܂ ܘܟܠܗܿ ܐܝܕܐ ܕܥܿܘ̈ܠܐ ܬܐܬܐ ܥܠܘܗܝ܂
20:23 [ai]ܘܢܗܘܐ ܠܐܒܕܢܐ ܒܛܢܗ܂ ܘܢܓܪܐ/ܘܢܓܕܐ#3#/ ܒܗ ܚܡܬܐ ܕܪܘܓܙܗ܂ ܘܢܡܛܪ ܥܠܘܗܝ ܒܩܪܒܬܢܘܬܗ܂
20:24 [ai]ܕܥܿܪܩ ܡܢ ܫܪܝܢܐ ܕܦܪܙܠܐ܂ ܬܥܒܪ ܥܠܘܗܝ ܩܫܬܐ ܕܢܚܫܐ܂
20:25 [ai]ܬܫܡܘܛ ܘܬܦܩ ܓܘܝܗ܂ ܘܡܫܟܐ ܕܡܪܪܬܗ ܢܬܒܙܥ܂ ܥܠܘܗܝ ܐܡܝܢ ܬܘܩܦܐ܂
20:26 [ai]ܘܟܠ ܚܫܘܟܐ ܛܡܝܪ ܠܬܘ̈ܠܕܬܗ܂ ܬܐܟܠܝܘܗܝ ܢܘܪܐ ܕܠܐ ܢܦܝܚܐ܂ ܘܢܐܒܫ ܣܪܝܕܐ ܒܡܫܟܢܗ܂
20:27 [ai]ܢܓܠܘܢ ܫܡܝܐ ܚ̈ܛܗܘܗܝ܂ ܘܐܪܥܐ ܬܬܢܩܡ ܡܢܗ܂
20:28 [ai]ܢܬ̈ܓܠܝܢ ܫ̈ܬܐܣܐ ܕܒܝܬܗ܂ ܘܢܬܢܓܕ ܒܝܘܡܐ ܕܪܘܓܙܐ܂
20:29 [ai]ܗܕܐ ܗܝ ܡܢܬܗ ܕܒܪܢܫܐ ܪܫܝܥܐ ܡܢ ܩܕܡ ܐܠܗܐ܂ ܘܝܪܬܘܬܐ ܕܡ̈ܠܘܗܝ ܡܢ ܡܪܘܡܐ܀܀

next chapter