← Back
The Comprehensive Aramaic Lexicon
← Return to the Text Browser
click on the file description for more information
62028: P Job

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


21:01 [ai]ܘܥܢܐ ܐܝܘܒ ܘܐܡܪ܂
21:02 [ai]ܫܡܥܘ/ܫܡܥ#3#/ ܡܫܡܥ ܡ̈ܠܝ܂ ܘܢܗܘܐ ܒܟܘܢ ܒܘܝܢܐ܂
21:03 [ai]ܣܝܒܪܘܢܝ ܘܐܡܠܠ/ܕܐܡܠܠ#3#/܂ ܘܒܬܪ \ܦܬ̈ܓܡܝ /ܦܬܓܡܐ ܕܝܠܝ#3#/ ܡܝܩܘ܂
21:04 [ai]ܐܡܪ ܠܒܪܢܫܐ ܡ̈ܠܝ܂ ܠܡܢܐ ܡܬܥܝܩܐ ܪܘܚܝ܂
21:05 [ai]ܐܬܦܢܘ ܠܘܬܝ ܘܬܡܗܘ ܘܣܝܡܘ/ܘܣܝܡ#3#/ ܐ̈ܝܕܝܟܘܢ ܥܠ ܦܘܡܟܘܢ܂
21:06 [ai]ܕܐܢ ܐܬܕܟܪܬ ܐܬܬܙܝܥܬ܂ ܘܐܚܕܘ ܠܒܣܪܝ ܨܘܪ̈ܢܐ܂
21:07 [ai]ܡܛܠ ܡܢܐ ܪ̈ܫܝܥܐ ܚ̈ܝܝܢ܂ ܘܡܥܬܩܝܢ ܓܢܒܪ̈ܝ ܚܝܠܐ܂
21:08 [ai]ܙܪܥܗܘܢ ܡܬܩܢ ܩܕܡܝܗܘܢ܂ ܘܒ̈ܢܝܗܘܢ ܠܥܢܝ̈ܗܘܢ܂
21:09 [ai]ܒܬ̈ܝܗܘܢ ܫܠܝܢ ܡܢ ܕܚܠܬܐ܂ ܘܠܝܬ ܫܒܛܗ ܕܐܠܗܐ ܥܠܝܗܘܢ܂
21:10 [ai]ܬܘܪܗ ܥܿܒܪ ܘܠܐ ܓܥܐ܂ ܘܦܿܠܛܐ ܬܘܪܬܗ ܘܠܐ ܡܚܒܠܐ܂
21:11 [ai]ܡܫܪܪܝܢ ܐܝܟ ܥܢܐ ܒܢܝܗܘܢ܂ ܘܝ̈ܠܘܕܝܗܘܢ ܡܫܘܪ̈ܝܢ܂
21:12 [ai]ܫܩܠܘ ܦ̈ܠܓܐ ܘܟܢܪ̈ܐ܂ ܘܚܕܝܢ ܠܩܠܐ ܕܙܡܪܐ܂
21:13 [ai]ܡܓܡܪܝܢ ܒܛ̈ܒܬܐ ܝܘܡܝ̈ܗܘܢ܂ ܘܒܥܓܠ ܠܫܝܘܠ ܢܚܬܝܢ܂
21:14 [ai]ܘܐܡܪܝܢ ܠܐܠܗܐ܂ ܥܒܪ ܡܢܢ܂ ܘܠܡܕܥ ܐܘܪ̈ܚܬܟ ܠܐ ܨܒܝܢܢ܂
21:15 [ai]ܘܐܡܪܝܢ ܡܿܢ ܗܘ ܐܠܗܐ ܕܢܦܠܚܝܘܗܝ܂ ܐܘ ܡܢܐ ܝܬܪܝܢܢ ܕܢܒܥܐ ܡܢܗ܂
21:16 [ai]ܗܐ ܠܐ ܗܘܐ ܒܐ̈ܝܕܝܗܘܢ ܛܘܒܗܘܢ܂ ܘܡܚܫܒܬܗܘܢ ܕܪ̈ܫܝܥܐ ܐܬܪܚܩܬ ܡܢܝ܂
21:17 [ai]ܟܡܐ ܢܕܥܟ ܫܪܓܗܘܢ ܕܪ̈ܫܝܥܐ܂ ܘܢܐܬܐ ܥܠܝܗܘܢ ܬܒܪܐ܂ ܚܒܠܐ ܢܦܠܓ ܪܘܓܙܗ܂
21:18 [ai]ܘܢܗܘܘܢ ܐܝܟ ܬܒܢܐ ܩܕܡ ܪܘܚܐ܂ ܘܐܝܟ ܥܘܪܐ ܕܫܩܠܐ ܠܗ ܟܘܟܝܬܐ܂
21:19 [ai]ܐܠܗܐ ܢܛܪ ܥܘܠܗ ܠܒܢ̈ܘܗܝ܂ ܘܢܦܪܥܝܘܗܝ ܘܢܕܥ܂
21:20 [ai]ܘܢܚ̈ܙܝܢ ܥܝ̈ܢܘܗܝ ܐܒܕܢܗ܂ ܘܡܢ ܚܡܬܗ ܕܐܠܗܐ ܢܫܬܐ܂
21:21 [ai]ܡܢܘ ܨܒܝܢܗ ܒܒܝܬܗ ܡܢ ܒܬܪܗ܂ ܘܡܢܝܢܐ ܕܝܪ̈ܚܘܗܝ ܢܬܢܛܪܘܢ ܠܒ̈ܢܘܗܝ܂
21:22 [ai]ܠܐܠܗܐ ܡܠܦܝܢ ܐܢܬܘܢ ܝܕܥܬܐ܂ ܕܗܘ ܠܪ̈ܡܐ ܢܕܘܢ܂
21:23 [ai]ܕܐܢ ܗܢܐ ܢܡܘܬ ܒܥܘܫܢܐ ܕܫܠܡܘܬܗ܂ ܕܬܟܝܠ ܗܘܐ ܘܫܠܐ܂
21:24 [ai]ܘܓܒ̈ܘܗܝ ܡܠܝܢ ܬܪܒܐ܂ ܘܓܪ̈ܡܘܗܝ ܡܠܝܢ ܡܘܚܐ܂
21:25 [ai]ܗܢܐ ܢܡܘܬ ܒܢܦܫ ܡܪܝܪܐ܂ ܘܠܐ ܐܟܠ ܒܛܒܬܐ܂
21:26 [ai]ܐܟܚܕܐ ܥܠ ܐܪܥܐ ܫܟܒܝܢ܂ ܘܪܡܬܐ ܬܟܣܐ ܐܢܘܢ܂
21:27 [ai]ܗܐ ܝܿܕܥ ܐܢܐ ܡܚܫ̈ܒܬܟܘܢ܂ ܘܡܠܼܟܐ ܕܥܠܝ ܡܬܚܫܒܝܢ ܐܢܬܘܢ܂
21:28 [ai]ܡܛܘܠ ܕܐܡܪܬܘܢ ܕܐܝܟܘ ܒܝܬܗ ܕܙܕܝܩܐ܂ ܘܐܝܢܘ ܡܫܪܝܐ ܕܡܫܟܢܐ ܕܪ̈ܫܝܥܐ܂
21:29 [ai]ܠܐ ܓܝܪ ܫܐܠܬܘܢ ܠܥܒܪ̈ܝ ܐܘܪܚܐ܂ ܘܐ̈ܬܘܬܗܘܢ ܠܐ ܐܫܬܘܕܥܬܘܢ܂
21:30 [ai]ܡܛܠ ܕܠܝܘܡܐ ܕܬܒܪܐ ܡܬܢܛܪ ܒܝܫܐ܂ ܘܠܝܘܡܐ ܕܪܘܓܙܐ ܡܬܕܟܪ܂
21:31 [ai]ܡܢܘ ܡܚܘܐ ܠܗ ܐܘܪܚܐ܂ ܘܗܿܘ ܡܕܡ ܕܥܒܕ ܡܢܘ ܦܪܥ ܠܗ܂
21:32 [ai]ܗܘ ܕܝܢ ܐܿܙܠ ܠܩܒܪܐ܂ ܘܠܓܕܫܐ ܡܬܢܛܪ܂
21:33 [ai]ܒܠܥܝܢ ܠܗ ܓܦܝ̈ܦܝ ܢܚܠܐ܂ ܘܒܬܪܗ ܟܠܢܫ ܡܬܢܓܕ܂ ܘܩܕܡܘܗܝ ܠܝܬ ܡܢܝܢ܂
21:34 [ai]ܘܐܝܟܐ/ܘܐܝܟܢܐ#3#/ ܬܠܒܒܘܢܢܝ܂ ܗܒܠܐ ܘܬܝܒܬܐ ܕܦܬ̈ܓܡܘܗܝ ܝܬܪܘ ܩܕܡܝ܀

next chapter