The Comprehensive Aramaic Lexicon

28:01 [ai]	ܡܛܠ ܕܐܝܬ ܠܟܣܦܐ ܢܦܩܐ܂ ܘܐܬܪܐ ܕܠܕܗܒܐ ܡܫܚܠܝܢ܂
28:02 [ai]	ܘܦܪܙܠܐ ܡܢ ܥܦܪܐ ܡܬܢܣܟ܂ ܘܡܢ ܟܐ̈ܦܐ ܡܬܢܣܟ ܢܚܫܐ܂
28:03 [ai]	ܩܨܐ ܣܡ/ܣܐܡ#3#/ ܠܚܫܘܟܐ܂ ܘܠܟܠ ܣܘܦܐ ܗܘ ܝܿܕܥ܂ ܟܐܦܐ ܕܚܒܪܐ ܘܛܠܠܗ ܕܡܘܬܐ܂
28:04 [ai]	ܬܘܪܥܬܐ ܝܪܬܘ ܡܢ ܥܡܐ ܓܝܘܪܐ܂ ܐܬܛܥܝܘ ܡܢ ܪ̈ܓܠܬܐ ܘܐܬܕܠܠܘ ܡܢ ܐܢܫܐ܂
28:05 [ai]	ܓܠܘ ܐܪܥܐ ܕܡܢܗܿ ܢܿܦܩ ܡܙܘܢܐ܂ ܘܬܚܘܬܝܗܿ ܡܬܗܦܟ ܐܝܟ ܢܘܪܐ܂
28:06 [ai]	ܘܕܘܟܬܐ ܕܣܦܝܠܐ ܟܐ̈ܦܝܗܿ܂ ܘܫܚܠܐ ܕܕܗܒܐ ܒܫ̈ܒܝܠܝܗܿ܂
28:07 [ai]	ܠܐ ܝܕܥܬܗܿ ܛܝܪܐ܂ ܘܠܐ ܚܙܬܗܿ ܥܝܢ ܕܝܬܐ܂
28:08 [ai]	ܘܠܐ ܕܪܫܗܿ ܚܝ̈ܘܬܐ܂ ܘܠܐ ܥܒܪ ܥܠܝܗܿ ܐܪܝܐ܂
28:09 [ai]	ܒܟܐܦ ܛܪ̈ܢܝܢ ܐܘܫܛ ܐܝܕܗ܂ ܘܗܦܟ ܡܢ ܥܩܪ̈ܝܗܘܢ ܛܘܪ̈ܝܢ/ܛܘܪ̈ܐ#3#/܂
28:10 [ai]	ܒܚܘܣܢܗ ܢܗܪ̈ܘܢ ܦܠܓ/ܢܦܠܓ#3#/܂ ܘܟܠ/ܘܠܟܘܠ#3#/ܘܒܟܠ#3#/ ܐܝܩܪ ܚܙܬ ܥܝܢܗ܂
28:11 [ai]	ܘܥܘܫܢܐ ܕܢܗܪ̈ܘܬܐ ܚܒܫ܂ ܘܡܢ ܬܚܦܝܬܐ ܢܦܩ ܢܘܗܪܐ܂
28:12 [ai]	ܘܚܟܡܬܗ ܐܝܡܟܐ ܬܫܬܟܚ܂ ܘܐܝܢܐ ܗܘ ܐܬܪܐ ܕܣܘܟܠܗܿ܂
28:13 [ai]	ܠܐ ܝܿܕܥ ܐܢܫ ܓܙܗܿ܂ ܘܠܐ ܡܫܬܟܚܐ ܐܠܐ ܐܢ ܒܐܬܪܐ ܕܚ̈ܝܐ܂
28:14 [ai]	ܬܗܘܡܐ ܐܡܿܪ܂ ܠܐ ܗܘܬ ܒܝ܂ ܘܝܡܐ ܐܿܡܪ܂ ܠܝܬ ܠܘܬܝ܂
28:15 [ai]	ܠܐ ܡܬܝܗܒ ܕܗܒܐ ܚܠܦܝܗܿ܂ ܘܠܐ ܡܬܡܢܐ ܟܣܦܐ ܒܕܡ̈ܝܗܿ܂
28:16 [ai]	ܠܐ ܡܬܚܠܦܐ ܒܕܗܒܐ ܕܐܘܦܝܪ܂ ܘܒܒܪ̈ܘܠܐ ܘܒܣܦܝܠܐ܂
28:17 [ai]	ܠܐ ܦܿܚܡ ܠܗܿ ܕܗܒܐ܂ ܘܙ̈ܓܘܓܝܬܐ ܘܡܪ̈ܓܢܝܬܐ ܛܒ̈ܬܐ܂ ܘܛ̈ܒܥܐ ܘܚܘܡܪ̈ܐ ܠܐ ܦܚܡܝܢ ܠܗܿ܂
28:18 [ai]	ܛܒܐ ܗܝ ܚܟܡܬܐ ܡܢ ܟܐ̈ܦܐ ܛܒ̈ܬܐ܂ ܠܐ ܦܿܚܡ ܠܗܿ ܦܬܘܬܟܐ ܕܗܝܐ܂ ܘܒܙܡܪ̈ܓܕܐ/ܘܒܐܙܡܪ̈ܓܕܐ#2#/ ܘܒܩܪ̈ܟܕܢܐ ܠܐ ܡܬܚܠܦܐ܂ ܛܒܐ ܗܝ ܓܝܪ ܚܟܡܬܐ ܡܢ ܟܘܠ ܡܕܡ܂ ܘܡܕܡ ܠܐ ܦܿܚܡ ܠܗܿ܂
28:19 [ai]	ܡܪ̈ܓܢܝܬܐ ܕܟܘܫ ܘܟܐ̈ܦܐ ܕܦܕܬܐ ܠܐ ܦܚ̈ܡܢ/ܦܚܡܝܢ#3#/ ܠܗܿ܂
28:20 [ai]	ܚܟܡܬܐ ܐܝܡܟܐ/#3#/ ܐܬܝܐ܂ ܘܐܝܢܐ ܗܘ ܐܬܪܐ ܕܣܘܟܠܗܿ܂
28:21 [ai]	ܟܣܝܐ ܗܝ ܡܢ ܥܝܢ̈ܝ ܟܠ ܕܚܝ܂ ܘܡܢ ܦܪܚܬܐ ܕܫܡܝܐ ܡܣܬܪܐ ܗܝ܂
28:22 [ai]	ܐܒܕܢܐ ܘܡܘܬܐ ܐܡܪܘ܂ ܕܒܐ̈ܕܢܝܢ ܫܡܥܢ ܫܡܥܗܿ܂
28:23 [ai]	ܡܛܠ ܕܐܠܗܐ ܗܘ ܒܝܢܢ ܐܘܪ̈ܚܬܗܿ܂ ܘܗܘܝܘ ܝܿܕܥ ܕܘܟܬܗܿ܂
28:24 [ai]	ܡܛܠ ܕܗܘ ܚܿܙܐ ܠܣܘܦ ܟܠ ܕܒܐܪܥܐ܂ ܘܬܚܝܬ ܟܠ ܫܡܝܐ ܚܿܙܐ܂
28:25 [ai]	ܕܥܒܕ ܡܬܩܠܐ ܠܪܘܚܐ܂ ܘܡܬܩܠܐ ܐܬܩܢ ܒܟܝܠܬܐ܂
28:26 [ai]	ܥܒܕ ܢܡܘܣܐ ܠܡܛܪܐ܂ ܘܐܘܪܚܐ ܠܚܙ̈ܘܢܐ ܕܩܠܐ܂
28:27 [ai]	ܗܝܕܝܢ ܚܙܗܿ ܘܐܫܬܥܝܗܿ܂ ܬܩܠܗܿ ܘܐܦ ܒܕܩܗܿ܂
28:28 [ai]	ܘܐܡܪ ܠܒܪܢܫܐ܂ ܕܚܠܬܗ ܕܐܠܗܐ ܗܝ ܗܝ ܚܟܡܬܐ܂ ܘܠܡܣܛܐ ܡܢ ܒܝܫܬܐ ܒܘܝܢܐ܀

next chapter