← Back
The Comprehensive Aramaic Lexicon
← Return to the Text Browser
click on the file description for more information
62028: P Job

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


29:01 [ai]ܘܐܘܣܦ ܐܝܘܒ ܠܡܡܬܠ ܡܬܠܗ ܘܐܡܪ܂
29:02 [ai]ܡܿܢ ܕܝܢ/#3#/ ܥܒܕܢܝ ܐܝܟ ܝܪ̈ܚܐ ܩܕܡ̈ܝܐ܂ ܘܐܝܟ ܝܘܡ̈ܬܗ ܕܐܠܗܐ ܢܛܪܢܝ܂
29:03 [ai]ܕܚܠܬܗ ܥܒܕ ܠܥܠ ܡܢ ܪܝܫܝ܂ ܒܡܦܪܣ ܫܪܓܗ ܥܠܘܝ܂ ܘܒܢܘܗܪܗ ܗܠܟܬ ܒܚܫܘܟܐ܂
29:04 [ai]ܐܝܟ ܕܗܘܝܬ ܒܝ̈ܘܡܝ ܚܣܕܝ܂ ܟܕ ܡܿܓܢ ܗܘܐ ܐܠܗܐ ܥܠܘܝ ܡܫܟܢܝ܂
29:05 [ai]ܘܟܕ ܚܣܝܢܐ ܚܕܝܪ ܗܘܐ ܠܥܠܝܡܘܬܝ܂
29:07 [ai]ܟܕ ܢܦܩܬ ܠܬܪܥܐ/ܒܬܪܥܐ#3#/ ܘܩܪܝܬ܂ ܘܒܫܘܩܐ ܐܝܟ ܒܝܫܐ ܝܬܒܬ܂
29:08 [ai]ܚܙܐܘܢܝ ܥܠܝܡ̈ܐ ܘܐܬܛܫܝܘ܂ ܘܩܡܘ ܣܒ̈ܐ ܘܐܬܕܡܪܘ ܒܝ܂
29:09 [ai]ܘܪ̈ܘܪܒܢܐ ܐܬܟܠܝܘ ܒܡ̈ܠܐ܂ ܘܐ̈ܝܕܝܗܘܢ ܣܡܘ ܥܠ ܦܘܡܗܘܢ܂
29:10 [ai]ܩܠܐ ܕܫ̈ܠܝܛܢܐ ܕܡܬܛܫܝܢ܂ ܘܠܫܢܗܘܢ ܕܒܩ ܠܫܡ̈ܝ/ܠܫܡܝ#2#/ ܚܟܗܘܢ܂
29:11 [ai]ܡܛܠ ܕܐܕܢܐ ܕܫܡܥܬ ܫܒܚܬܢܝ܂ ܘܐܝܢܐ ܕܚܙܬ ܣܗܕܬܢܝ܂
29:12 [ai]ܡܛܠ ܕܦܠܛܬ ܠܡܣܟܢܐ ܡܢ ܐܘܠܨܢܐ܂ ܘܠܝܬܡܐ ܕܠܝܬ ܠܗ ܡܥܕܪܢܐ܂
29:13 [ai]ܒܘܪܟܬܗ ܕܐܒܝܕܐ ܥܠܝ ܬܥܘܠ܂ ܘܠܒܐ ܕܐܪܡܠܬܐ ܚܕܝܬ܂
29:14 [ai]ܩܘܫܬܐ ܠܒܫܬ܂ ܘܠܒܫܢܝ ܐܝܟ ܦܪܝܣܐ ܘܟܠܝܠܐ ܕܕܝܢܐ܂
29:15 [ai]ܥܝ̈ܢܐ ܗܘܝܬ ܠܥܘܝܪܐ ܘܪ̈ܓܠܐ ܠܡܚܓܪ̈ܐ܂
29:16 [ai]ܐܒܐ ܗܘܝܬ ܠܒ̈ܝܫܐ܂ ܘܕܝܢܐ ܕܠܐ ܝܿܕܥ ܗܘܝܬ ܒܕܩܬ܂
29:17 [ai]ܬܒܪܬ ܢܝ̈ܒܘܗܝ ܕܥܿܘܠܐ܂ ܘܚܛܘܦܝܐ ܐܦܩܬ ܡܢ ܒܝܬ ܫ̈ܢܘܗܝ܂
29:18 [ai]ܘܐܡܪܬ ܠܥܡܐ ܡܣܟܢܐ ܐܦܪܘܩ܂ ܘܐܝܟ ܩܢܝܐ ܐܫܠܡ܂ ܘܐܝܟ ܚܠܐ ܕܝܡ̈ܡܐ ܐܣܓܐ ܝܘܡ̈ܝ܂
29:19 [ai]ܫܪ̈ܫܝ ܢܨܝܒܝܢ ܥܠ ܡ̈ܝܐ܂ ܘܛܠܠܐ ܢܒܘܬ ܘܒܚܨܕܐ ܐܬܩܪܐ܂
29:20 [ai]ܐܬܬܚܕ ܥܡܝ ܘܩܫܬܝ ܒܐܝܕܝ ܐܬܚܠܦܬ܂
29:21 [ai]ܘܐܠܘ ܫܡܥܘܢܝ ܘܣܒܪܘ ܘܫܡܥܘ ܠܡܘܠܟܢܝ܂
29:22 [ai]ܘܡܢ ܦܬ̈ܓܡܝ ܠܐ ܛܥܘ܂ ܘܠܗܘܢ ܒܣܡܬ ܡܠܬܝ܂
29:23 [ai]ܣܿܟܝܘ ܠܝ ܐܝܟ ܕܠܡܛܪܐ܂ ܘܦܘܡܗܘܢ ܦܥܪܘ ܐܝܟ ܕܠܪܒܝܥܐ܂
29:24 [ai]ܐܓܚܟ ܥܠܝܗܘܢ ܘܠܐ ܢܗܝܡܢܘܢ܂ ܘܒܢܘܗܪܐ ܕܐ̈ܦܝ ܠܐ ܢܗܠܟܘܢ܂
29:25 [ai]ܐܒܨܐ ܐܘܪ̈ܚܬܗܘܢ܂ ܘܐܗܦܘܟ ܘܐܫܪܐ ܐܝܟ ܡܠܟܐ ܒܚܝܠܗ܂ ܘܐܝܟ ܓܒܪܐ ܕܠܐ̈ܒܝܠܐ/ܕܠܐ̈ܒܝܕܐ#3#/ ܡܒܝܐ܂

next chapter