The Comprehensive Aramaic Lexicon

30:01 [ai]	ܘܗܫܐ ܗܐ ܓܚܟܘ ܥܠܝ܂ ܐܝܠܝܢ ܕܒܨܝܪ̈ܝܢ ܡܢܝ ܒܝ̈ܘܡܬܐ܂ ܐܝܠܝܢ ܕܐܢܐ ܐܣܠܝܬ ܠܐ̈ܒܗܝܗܘܢ܂ ܘܠܐ ܚܫܒܬ ܐܢܘܢ ܥܡ ܟ̈ܠܒܐ ܕܥܢܝ܂
30:02 [ai]	ܘܚܝܠܐ ܕܐ̈ܝܕܝܗܘܢ ܠܡܢܐ ܐܿܙܠ ܗܘܐ ܠܝ܂ ܕܥܠܝܗܘܢ ܐܒܝܕ ܟܠܗ ܥܘܫܢܐ܂
30:05 [ai]	ܘܒܩܛܝܪܐ ܢܒܥ ܥܠܝܗܘܢ܂ ܐܝܟ ܓܢܒܐ ܒܥܘܫܢܐ ܕܪ̈ܓܠܬܐ܂
30:06 [ai]	ܠܡܫܪܐ ܒܚ̈ܘܠܢܐ ܕܥܦܪܐ/ܒܥܦܪܐ#3#/ ܘܟܐ̈ܦܐ܂
30:07 [ai]	ܘܬܚܝܬ ܫܩܝ̈ܦܐ ܘܬܚܝܬ ܚ̈ܓܐ܂
30:08 [ai]	ܢܣܬܚܦܘܢ ܒ̈ܢܝܐ ܫ̈ܛܝܐ ܥܡ ܒ̈ܢܝܐ ܥܿܘ̈ܠܐ܂ ܬܡܢ ܢܬܡܟܟܘܢ ܡܢ ܐܪܥܐ܂
30:09 [ai]	ܘܗܫܐ ܪܢܝܗܘܢ ܗܘܝܬ܂ ܘܗܘܝܬ ܠܗܘܢ ܠܬܡܗܐ܂
30:10 [ai]	ܐܣܠܝܘܢܝ ܘܐܬܪܚܩܘ/ܘܐܬܪܚܩ#3#/ ܡܢܝ܂ ܘܡܢ ܐ̈ܦܝ ܠܐ ܚܣܟܘ ܪܘܩܐ܂
30:11 [ai]	ܡܛܠ ܕܒܬܪܝ ܫܪܝܘ ܘܡܟܟܘܢܝ܂ ܘܦܓܘܕܬܗ ܒܦܘܡܝ ܐܪܡܝܘ܂
30:12 [ai]	ܥܠ ܝܡܝܢܝ ܩܡܘ ܘܥܪܩܠܘ ܪ̈ܓܠܝ/ܠܪ̈ܓܠܝ#3#/܂ ܘܥܪܩܠܘܢܝ ܒܫܒ̈ܝܠܐ ܕܐܘܪ̈ܚܬܗܘܢ܂
30:13 [ai]	ܘܫܒ̈ܝܠܝ ܥܪܩܠܘ ܣܪܝܩܐܝܬ܂ ܘܥܠ ܡܐ ܕܗܘܢܝ ܚܕܝܘ܂ ܘܠܗܘܢ ܠܐ ܢܗܘܐ ܥܘܕܪܢ܂
30:14 [ai]	ܐܝܟ ܬܘܪܥܬܐ ܪܒܬܐ ܢܐܬܘܢ܂ ܘܬܚܝܬ ܥܠܥܠܐ ܢܬܬܒܪܘܢ܂
30:15 [ai]	ܕܐܗܦܟܘ/ܕܐܗܦܟ#3#/ ܥܠܝ ܕܠܘܚܝܐ܂ ܘܪܕܦܘ ܐܝܟ ܪܘܚܐ ܫܒܝ̈ܠܝ܂ ܘܐܝܟ ܥܢܢܐ ܕܥܒܪܐ ܦܘܪܩܢܝ܂
30:16 [ai]	ܘܗܫܐ ܐܬܛܪܦܬ/ܐܬܕܠܚܬ#3#/ ܢܦܫܝ܂ ܘܚܕܪ̈ܘܢܝ ܝܘܡ̈ܝ ܡܘܟܟܝ܂
30:17 [ai]	ܒܠܠܝܐ ܓܪ̈ܡܝ ܝܩܪܘ ܥܠܝ܂ ܘܓܘܫܡܝ ܠܐ ܫܪܐ ܒܣܘܓܐܐ ܕܚܝܠܐ܂
30:18 [ai]	ܐܬܠܒܫܬ ܠܒܘܫܝ ܘܐܬܚܙܩܬ ܒܟܘܬܝܢܝ܂
30:19 [ai]	ܐܕܡܝܘܢܝ/ܐܪܡܝܘܢܝ#3#/ ܠܛܝܢܐ܂ ܘܐܬܡܬܠܬ ܐܝܟ ܥܦܪܐ ܘܩܛܡܐ܂
30:20 [ai]	ܐܓܥܐ ܠܘܬܟ ܘܠܐ ܬܥܢܝܢܝ܂ ܩܡܬ ܘܐܬܒܝܢܬ ܒܝ܂
30:21 [ai]	ܘܥܒܕܬܢܝ/ܘܚܫܒܬܢ#3#/ܘܚܫܒܬܢܝ#3#/ ܠܟ ܒܥܠܕܒܒܐ܂ ܘܒܥܘܫܢܐ ܕܐ̈ܝܕܝܟ ܣܛܡܬܢܝ܂
30:22 [ai]	ܘܫܩܠܬܢܝ ܘܐܪܒܥܬܢܝ ܥܠ ܪܘܚܐ܂ \ܘܡܟܟܬܢܝ ܘܐܕܘܝܬܢܝ /#3#/܂
30:23 [ai]	ܡܟܝܠ ܝܿܕܥ ܐܢܐ ܕܡܢ ܡܘܬܐ ܬܗܦܟܢܝ܂ ܠܒܝܬ ܘܥܕܐ ܕܟܠܗܘܢ ܚ̈ܝܐ܂
30:24 [ai]	ܒܪܡ ܠܐ ܥܠܝ/#3#/ ܢܘܫܛ ܐܝܕܗ܂ ܘܡܐ ܕܓܥܝܬ ܠܘܬܗ ܢܦܪܩܢܝ܂
30:25 [ai]	ܒܟܝܬ ܥܠ ܡܣܟܢܐ ܒܐܝܡܡܐ܂ ܘܢܦܫܝ ܐܬܛܪܦܬ ܥܠ ܒܿܝܫܐ܂
30:26 [ai]	ܣܟܝܬ ܠܛܒܬܐ ܘܐܬܬ ܒܝܫܬܐ܂ ܣܟܝܬ ܠܢܘܗܪܐ ܘܐܬܐ ܥܡܛܢܐ/ܚܫܘܟܐ#3#/܂
30:27 [ai]	ܡ̈ܥܝ ܐܬܕܠܚܘ ܘܠܐ ܫܠܝܘ܂ ܩܿܕܡܘܢܝ ܝܘܡ̈ܬܐ ܕܡܘܟܟܝ܂
30:28 [ai]	ܟܡܝܪܐܝܬ ܗܠܟܬ ܕܠܐ ܚܡܬܐ܂ ܩܡܬ ܒܟܢܘܫܝܐ/ܒܟܢܘܫܬܐ#3#/ ܘܒܟܝܬ܂
30:29 [ai]	ܐܚܐ ܗܘܝܬ ܠܝܪ̈ܘܪܐ܂ ܘܪܚܡܐ ܠܒܢ̈ܬ ܢܥܡ̈ܐ/ܢܥܡܐ#3#/܂
30:30 [ai]	ܡܫܟܝ ܩܦܘܕ ܥܠܝ܂ ܘܓܪ̈ܡܝ ܣܛܘ ܐܝܟ ܕܒܫܘܒܐ܂
30:31 [ai]	ܗܘܐ ܟܢܪܝ ܠܐܒܠܐ܂ ܘܙܡܪܝ ܠܩܠܐ ܕܒܟܬܐ܂

next chapter