← Back
The Comprehensive Aramaic Lexicon
← Return to the Text Browser
click on the file description for more information
62028: P Job

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


31:01 [ai]ܩܝܡܐ ܐܩܝܡܬ ܠܥܝܢ̈ܝ܂ ܕܠܐ ܐܬܒܝܢ ܒܒܬܘܠܬܐ܂
31:02 [ai]ܘܡܢܐ ܗܝ ܦܠܓܘܬܗ ܕܐܠܗܐ ܕܡܢ ܠܥܠ܂ ܘܝܪܬܘܬܗ ܕܐܠܗܐ ܕܡܢ ܡܪܘܡܐ܂
31:03 [ai]ܐܠܐ ܬܒܪܐ ܠܥܿܘ̈ܠܐ܂ ܘܢܘܟܪܝܘܬܐ ܥܠ ܥܒ̈ܕܝ ܥܘܼܠܐ܂
31:04 [ai]ܗܘܝܘ ܚܙܐ ܐܘܪ̈ܚܬܝ܂ ܘܟܠܗܝܢ ܗ̈ܠܟܬܝ ܡܢܐ܂
31:05 [ai]ܐܢ ܗܠܟܬ ܥܡ ܫܩܪ̈ܐ܂ ܘܐܢ ܐܣܬܪܗܒ ܪ̈ܓܠܝ ܠܡܪܗܛ ܒܢܟܠܐ܂
31:06 [ai]ܢܬܩܠܢܝ ܒܡܣܐܬܐ ܕܩܘܫܬܐ ܘܢܕܥ ܐܠܗܐ ܫܠܡܘܬܝ܂
31:07 [ai]ܐܢ ܐܣܛܝܬ ܗ̈ܠܟܬܝ ܡܢ ܐܘܪܚܐ܂ ܘܐܢ ܐܙܠ ܠܒܝ ܒܬܪ ܥܝܢ̈ܝ܂ ܘܐܢ ܕܒܩ ܒܝ ܡܕܡ܂
31:08 [ai]ܐܠܐ ܐܢ ܙܪܥܬ ܗܝܕܝܢ ܐܟܠܬ܂ ܘܐܢ ܢܨܒܬ ܗܝܕܝܢ ܪܒܝܬ ܘܚܡܠܬ܂
31:09 [ai]ܘܐܢ ܐܫܬܕܠ ܠܒܝ ܥܠ ܐܢܢܬܐ ܢܘܟܪܝܬܐ܂ ܘܥܠ ܬܪܥܐ ܕܚܒܪܝ ܐܢ ܟܡܢܬ܂
31:10 [ai]ܐܠܐ ܛܚܢܬ ܠܐܚܪ̈ܢܝܢ ܐܢܬܬܝ܂ ܘܐܦܬ ܒܕܘܟܐ ܐܚܪܢܝܐ܂
31:11 [ai]ܡܛܠ ܕܗܝ ܚܛܝܬܐ ܗܝ܂ ܘܗܝ ܥܝܢܐ ܗܝ ܕܨܢܥܬܐ܂
31:12 [ai]ܘܢܘܪܐ ܗܝ ܕܥܕܡܐ ܠܐܒܕܢܐ ܐܟܠܐ܂ ܘܟܠܗܝܢ ܥ̈ܠܠܬܝ ܢܬܥܩܪ̈ܢ܂
31:13 [ai]ܐܢ ܐܣܠܝܬ ܕܝܢܐ ܕܥܒܕܝ ܘܕܐܡܬܝ ܡܐ ܕܕܝܢܝܢ ܗܘܘ ܥܡܝ܂
31:14 [ai]ܐܠܐ ܐܡܪܬ ܡܢܐ ܐܥܒܕ ܡܐ ܕܩܿܐܡ ܐܠܗܐ܂ ܘܡܐ ܕܦܩܕ ܡܢܐ ܐܬܝܒܝܘܗܝ܂
31:15 [ai]ܕܗܐ ܒܟܪܣܐ ܕܥܒܕܢܝ ܥܒܕܗ܂ ܘܒܚܕ ܡܪܒܥܐ ܬܩܢܢ/ܬܩܢܢܝ#3#/܂
31:16 [ai]ܐܢ ܟܠܝܬ ܠܡܣܟܢܐ ܡܕܡ ܕܨܒܐ܂ ܘܐܢ ܐܚܫܟܬ ܠܥܝ̈ܢܐ ܕܐܪܡܠܬܐ܂
31:17 [ai]ܐܢ ܐܟܠܬ ܠܚܡܝ ܒܠܚܘܕܝ܂ ܘܠܐ ܝܬܡܐ ܡܢܗ ܐܟܠ܂
31:18 [ai]ܡܛܠ ܕܡܢ ܛܠܝܘܬܝ ܪܒܝܘܢܝ ܟܐ̈ܒܐ܂ ܘܡܢ ܟܪܣܗܿ ܕܐܡܝ ܬܢܚ̈ܬܐ܂
31:19 [ai]ܐܢ ܚܙܝܬ ܕܐܒܝܕ ܡܢ ܒܠܝ ܠܒܘܫܐ܂ ܘܠܝܬ ܬܟܣܝܬܐ ܠܒܿܝܫܐ/ܒܥܪܝܐ#3#/܂
31:20 [ai]ܐܠܐ ܥܠ ܒܘܪ̈ܟܝ ܐܬܪܒܝܘ܂ ܘܡܢ ܓܙ̈ܐ ܕܥܢܝ ܐܫܬܚܢܘ܂
31:21 [ai]ܐܢ ܐܪܝܡܬ ܥܠ ܝܬܡܐ ܐܝܕܝ܂ ܐܠܐ ܡܐ ܕܚܙܝܬܗ ܒܬܪܥܐ ܥܕܪܬܗ܂
31:22 [ai]ܟܬܦܝ ܡܢ ܟܪܗܿ ܬܦܠ܂ ܘܕܪܥܝ ܡܢ ܩܢܝܗ ܢܬܬܒܪ܂
31:23 [ai]ܡܛܠ ܕܕܚܠܬܗ ܕܐܠܗܐ ܐܙܝܥܬܢܝ܂ ܘܬܒܪܗ ܐܬܐ ܥܠܝ܂ ܘܡܢ ܙܘܥܬܐ ܠܐ ܐܫܟܚܬ/ܐܫܟܚ#3#/ ܠܡܩܡ܂
31:24 [ai]ܐܢ ܥܒܕܬ ܕܗܒܐ ܬܘܟܠܢܝ܂ ܘܐܢ ܐܡܪܬ ܥܠ ܟܐܦܐ ܛܒܬܐ ܕܐܢܬܝ ܗܝ ܬܘܟܠܢܝ܂ ܘܐܢ ܐܡܪܬ ܥܠ ܣܢܝܢܐ ܕܐܢܬ ܗܘ ܣܒܪܝ܂
31:25 [ai]ܘܐܢ ܚܕܝܬ ܟܕ ܣܓܝ ܩܢܝܢܝ܂ ܘܟܕ ܣܓܝ ܐܫܟܚܬ ܐܝܕܝ܂
31:26 [ai]ܐܢ ܚܙܝܬ ܢܘܗܪܐ ܟܕ ܕܢܝܚ ܘܣܗܪܐ ܟܕ ܚܒܝܒ܂
31:27 [ai]ܐܢ ܐܙܠ ܘܐܫܬܕܠ ܒܣܬܪܐ ܠܒܝ܂ ܘܢܫܩܬ ܐܝܕܝ ܠܦܘܡܝ܂
31:28 [ai]ܐܦ ܗܘ ܚܙܐ ܟܠܗܝܢ ܨܢܥ̈ܬܝ ܐܢ ܟܕܒܬ ܩܕܡ ܐܠܗܐ܂
31:29 [ai]ܘܐܢ ܚܕܝܬ ܒܬܒܪܐ ܕܣܢܐܝ/ܕܣ̈ܢܐܝ#1##2#/܂ ܘܐܢ ܕܨܬ ܡܐ ܕܗܘܬ ܠܗ ܒܝܫܬܐ܂
31:30 [ai]ܘܠܐ/ܘܐܢ#3#/ ܐܫܠܡܬ ܦܘܡܝ ܠܚܛܗܐ܂ ܘܢܦܫܝ ܠܚܕܐ ܡܢ ܗܠܝܢ ܠܐ ܫܐܠܬ܂
31:31 [ai]ܐܠܐ ܐܡܪܘ ܪ̈ܚܡܝ܂ ܡܿܢ ܕܝܢ ܝܗܒ ܠܢ/ܠܝ#3#/ ܡܢ ܒܣܪܗ ܘܠܐ ܣܒܥܢ܂
31:32 [ai]ܒܫܘܩܐ ܠܐ ܐܒܝܬܬ ܐܟܣܢܝܐ܂ ܘܬܪܥܝ ܠܐܪܚܐ ܦܬܚܬ܂
31:33 [ai]ܐܢ ܟܣܝܬ ܐܝܟ ܐܢܫܐ ܚ̈ܛܗܝ܂ ܘܐܢ ܛܡܪܬ ܒܛܘܫܝܐ ܚ̈ܘܒܝ܂
31:34 [ai]ܘܐܢ ܕܫܬ \ܚܝܠܐ ܕܣ̈ܓܝܐܐ /ܚܝ̈ܠܐ ܣܓܝ̈ܐܐ#3#/܂ ܐܠܐ ܣܘܓܐܐ ܗܘ ܕܫܪ̈ܒܬܐ ܬܒܪܢܝ܂ ܘܒܪܢܫܐ ܠܐ ܐܗܦܟܬ ܒܬܪܥܐ܂ ܘܒܡܡܠܠܐ ܕܣ̈ܦܘܬܐ ܠܐ ܪܢܝܬ/ܐܪܢܝܬ#2#/܂ ܓܘܪ̈ܓܘܗܝ ܕܐܠܗܐ ܡܟܟܘܢܝ܂
31:35 [ai]ܡܿܢ ܕܝܢ ܝܗܒ ܡܿܢ ܕܫܿܡܥ ܠܝ ܐܢ ܐܝܬܘܗܝ܂ ܐܠܗܐ ܢܥܢܝܢܝ܂ ܘܢܟܬܘܒ ܒܣܦܪܐ ܕܝܢ̈ܘܗܝ ܕܓܒܪܐ܂
31:36 [ai]ܐܠܐ/ܐܠܗܐ#3#/ ܥܠ ܟܬܦܝ ܐܫܩܠܝܘܗܝ܂ ܘܥܒܕܬܗ ܠܝ ܟܠܝܠܐ܂
31:37 [ai]ܡܢܝܢܐ ܕܗ̈ܠܟܬܝ ܐܚܘܝܘܗܝ܂ ܘܐܝܟ ܫܠܝܛܐ ܐܒܕܩܝܘܗܝ܂
31:38 [ai]ܘܥܠܝ ܐܪܥܐ ܬܝܠܠ܂ ܘܟܪ̈ܒܝܗܿ ܐܟܚܕܐ ܢܒܟܘܢ܂
31:39 [ai]ܐܢ ܐܟܠܬ ܚܝܠܗܿ ܕܠܐ ܟܣܦ܂ ܘܢܦܫܐ ܕܡܪܝܪܐ ܐܢ ܐܕܘܝܬ܂
31:40 [ai]ܚܠܦ ܚܛܬܐ ܢܦܘܩ ܙܒܠܐ܂ ܘܚܠܦ ܣܥܪܬܐ ܢܦܘܩ ܟܘܒܐ܀ ܘܫܠܡܘ ܦܬ̈ܓܡܘܗܝ ܕܐܝܘܒ܀

next chapter