← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62028: P Job

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


33:01 [ai]ܒܪܡ ܕܝܢ ܫܡܥ ܐܝܘܒ ܡ̈ܠܝ܂ ܘܟܠܗܘܢ ܦܬ̈ܓܡܝ ܨܘܬ܂
33:02 [ai]ܗܐ ܦܬܚܬ ܦܘܡܝ܂ ܘܒܦܘܡܝ ܡܡܠܠ ܠܫܢܝ/ܠܫܢ#3#/܂
33:03 [ai]ܬܪܝܨ ܗܘ ܡܡܠܠܗ ܕܦܘܡܝ/ܕܠܒܝ#3#/܂ ܘܓܒܐ ܗܘ/#3#/ ܡܐܡܪܐ ܕܣ̈ܦܘܬܝ܂
33:04 [ai]ܪܘܚܗ ܕܐܠܗܐ ܐܥܝܪܬܢܝ܂ ܘܢܫܡܬܗ ܕܐܠܗܐ ܐܚܝܬܢܝ܀
33:05 [ai]ܐܢ ܡܫܟܚ ܐܢܬ ܐܬܝܒܝܢܝ ܦܬܓܡܐ܂ ܐܬܛܝܒ ܘܩܘܡ ܩܕܡܝ܂
33:06 [ai]\ܐܢܐ /ܐܦ ܐܢܐ#3# /ܘܐܦ ܐܢܐ#3#/ ܐܟܘܬܟ ܐܢܐ ܠܘܬ ܐܠܗܐ܂ ܘܐܦ ܐܢܐ ܡܢ ܛܝܢܐ ܐܬܓܒܠܬ܂
33:07 [ai]ܘܗܫܐ ܕܚܠܬܝ ܠܐ ܬܙܝܥܟ܂ ܘܐܘܟܦܢܝ ܥܠܝܟ ܠܐ ܢܐܩܪ ܂
33:08 [ai]ܒܪܡ ܐܡܪܬ ܒܐ̈ܕܢܝ܂ ܘܩܠ ܡ̈ܠܝܟ ܫܡܥܬ܂
33:09 [ai]ܕܐܡܪܬ ܕܙܟܝ ܐܢܐ ܕܠܐ ܚ̈ܘܒܝܢ܂ ܘܙܕܝܩ ܐܢܐ ܘܠܝܬ ܒܝ ܚ̈ܛܗܐ܂ ܘܡܦܨܝ ܐܢܐ ܡܢ ܥܘܼܠܐ܂
33:10 [ai]ܕܗܐ ܥ̈ܠܠܬܐ ܥܠܝ ܡܫܟܚ܂ ܘܚܫܒܢܝ ܠܗ ܐܝܟ ܒܥܠܕܒܒܐ܂
33:11 [ai]ܘܣܡ ܒܣܪܐ ܪ̈ܓܠܝ܂ ܘܢܛܪ ܒܟܠܗܝܢ ܐܘܪ̈ܚܬܝ܂
33:12 [ai]ܒܗܕܐ ܠܐ ܡܫܟܚ ܐܢܬ ܠܡܙܟܐ܂ ܐܬܠ ܠܟ ܦܬܓܡܐ ܕܪܒ ܗܘ ܐܠܗܐ ܡܢ \ܐܢܫܐ /ܒܢ̈ܝ ܐܢܫܐ#3#/܂
33:13 [ai]ܡܛܠ ܡܢܐ ܕܢܬ ܥܡܗ܂ ܘܒܟܠܗܘܢ ܦܬ̈ܓܡܘܗܝ ܠܐ ܥܢܐ܂
33:14 [ai]ܡܛܠ ܕܒܚܕܐ ܗܘ ܡܡܠܠ ܐܠܗܐ܂ ܘܒܬܪ̈ܬܝܢ ܠܐ ܡܘܣܦ܂ ܘܒܣ̈ܦܘܬܐ ܠܐ ܡܣܬܟܠ܂
33:15 [ai]ܒܚܠܡܐ ܘܒܚܙܘܐ ܕܠܠܝܐ܂ ܟܕ ܢܦܠܐ ܫܢܬܐ ܥܠ ܐܢܫܐ ܒܢܘܡܬܐ ܥܠ ܡܫܟܒܐ܂
33:16 [ai]\ܗܝܕܝܢ /ܗܿܝ ܕܝܢ#2#/ ܓܠܐ ܐܕܢܗ ܕܐܢܫܐ܂ ܘܒܡܪܘܕܘܬܗܘܢ ܢܡܟܟ ܐܢܘܢ܂
33:17 [ai]ܠܡܥܒܪܘ ܐܢܫܐ ܡܢ ܥܒܿܕܘ̈ܗܝ܂ ܘܓܘܫܡܗ ܕܓܒܪܐ ܡܟܣܐ܂
33:18 [ai]ܢܚܣܘܟ ܢܦܫܗ ܡܢ ܚܒܠܐ ܘܚܝ̈ܘܗܝ ܡܢ ܐܒܕܢܐ܂
33:19 [ai]ܘܢܟܣܐ ܒܟܐܒܐ ܥܠ ܡܫܟܒܗ܂ ܘܣܘܓܐܐ ܕܓܪ̈ܡܘܗܝ ܢܥܫܢ܂
33:20 [ai]ܢܓܡܪ ܒܣܪܗ ܡܢ ܕܚܠܬܗ܂ ܘܢܦܫܗ ܠܐ ܢܣܒܥ ܠܚܡܐ/ܠܚܡܗ#3#/܂ ܘܢܦܫܗ ܡܐܟܘܠܬܐ ܬܪܓ܂
33:21 [ai]ܢܐܟܘܠ ܒܣܪܗ ܡܢ ܕܚܠܬܗ܂ ܘܣܘܓܐܐ ܕܓܪ̈ܡܘܗܝ ܠܐ ܢܚܙܐ܂
33:22 [ai]ܘܬܩܪܘܒ ܠܚܒܠܐ ܢܦܫܗ܂ ܘܚ̈ܝܘܗܝ ܠܡܘܬܐ܂
33:23 [ai]ܐܢ ܐܝܬ ܠܗ ܡܠܐܟܐ ܕܫܿܡܥ ܠܗ ܚܕܐ ܡܢ ܐܠܦ܂ ܢܚܘܐ ܠܐܢܫܐ ܬܪܝܨܘܬܗ܂
33:24 [ai]ܘܢܪܚܡ ܥܠܘܗܝ ܘܢܐܡܪ܂ ܦܪܘܩܝܗܝ ܕܠܐ ܢܚܘܬ ܠܚܒܠܐ܂ ܘܠܗ ܢܫܟܚ ܦܘܪܩܢܐ܂
33:25 [ai]ܢܬܚܠܦ ܒܣܪܗ ܐܝܟ ܕܒܛܠܝܘܬܗ܂ ܘܢܗܦܘܟ ܠܝ̈ܘܡܝ ܥܠܝܡܘܬܗ܂
33:26 [ai]ܘܢܨܠܐ ܩܕܡ ܐܠܗܐ ܘܢܫܡܥܝܘܗܝ܂ ܘܢܨܛܒܐ ܒܗ ܘܢܬܚܙܐ ܩܕܡܘܗܝ ܒܫܘܒܚܐ܂ ܘܢܦܪܘܥ ܠܒܪܢܫܐ ܙܕܝܩܘܬܗ܂
33:27 [ai]ܘܬܪܝܨܘܬܐ ܥܠ ܐܢܫܐ ܢܐܡܪ܂ ܘܢܐܡܪ ܚܛܝܬ ܘܫܪܝܪܐܝܬ ܐܣܟܠܬ܂ ܘܠܐ ܐܗܢܝܬ ܢܦܫܝ܂
33:28 [ai]ܦܪܘܩ ܢܦܫܝ ܡܢ ܐܒܕܢܐ ܕܚܒܠܐ܂ ܘܢܦܫܝ ܬܚܙܐ ܢܘܗܪܐ܂
33:29 [ai]ܗܠܝܢ ܟܠܗܝܢ ܥܿܒܕ ܐܠܗܐ ܬܠܬ ܙܒ̈ܢܝܢ ܥܡ ܓܒܪܐ܂
33:30 [ai]ܡܗܦܟ ܢܦܫܗ ܡܢ ܚܒܠܐ܂ ܠܡܚܙܐ ܢܘܗܪܐ ܕܚ̈ܝܐ܂
33:31 [ai]ܨܘܬ ܐܝܘܒ ܘܫܡܥܿ ܘܫܬܘܩ ܘܐܢܐ ܐܡܠܠ܂
33:32 [ai]ܐܢ ܐܝܬ ܠܟ ܡ̈ܠܐ ܐܬܝܒܝܢܝ܂ ܡܛܠ ܕܨܿܒܐ ܗܘ ܕܬܙܟܐ܂
33:33 [ai]ܘܐܢ ܠܐ ܫܿܡܥ ܐܢܬ ܠܝ܂ ܫܬܘܩ ܘܐܠܦܟ ܚܟܡܬܐ܀

next chapter