The Comprehensive Aramaic Lexicon

39:01 [ai]	ܝܿܕܥ ܐܢܬ ܙܒܢܐ ܕܝ̈ܠܕܢ ܕܝܨ̈ܬܐ ܒܫ̈ܩܝܦܐ ܘܒ̈ܛܢܢ ܐ̈ܝܠܬܐ܂
39:02 [ai]	ܢܿܛܪ ܐܢܬ ܡܢܝܢܐ ܕܝܪ̈ܚܐ܂ ܘܝܿܕܥ ܐܢܬ ܙܒܢ ܡܘܠܕܗܝܢ܂
39:03 [ai]	ܘܐܡܬܝ ܒܪ̈ܟܢ ܘܝ̈ܠܕܢ܂
39:04 [ai]	ܘܡܬܪ̈ܒܝܢ ܒܢܝܗܝܢ ܘܡܬܚܣܠܝܢ܂
39:05 [ai]	ܡܢܘ ܫܒܩ ܥܪܕܐ ܒܪ ܚܐܪ̈ܝܢ܂ ܘܦܿܠܛ ܡܢܗ ܢܝܪܐ܂
39:06 [ai]	ܕܥܒܕ ܦܩܥܬܐ ܒܝܬܗ܂ ܘܒܐܬܪܐ ܡܠܚܐ ܡܫܪܝܗ܂
39:07 [ai]	ܓܚܿܟ ܥܠ ܣܘܓܐܐ ܕܩܘܪ̈ܝܐ܂ ܘܠܐ ܕܚܿܠ ܡܢ ܩܠܐ ܕܫ̈ܠܝܛܢܐ܂
39:08 [ai]	ܒܣܘܓܐܐ ܕܛܘܪ̈ܐ ܡܪܥܝܬܗ܂ ܘܥܠ ܟܠ ܝܘܪܩ ܕܐܿܫ܂
39:09 [ai]	ܕܠܡܐ ܡܬܛܦܝܣ ܪܝܡܐ ܕܢܦܠܚܟ܂ ܐܘ ܕܠܡܐ ܥܠ ܐܘܪܝܟ ܒܐܬ܂
39:10 [ai]	ܕܠܡܐ ܐܿܣܪ ܐܢܬ ܢܝܪܐ ܥܠ ܩܕܠܗ ܕܪܝܡܐ܂ ܘܕܒܿܪ ܦܕܢܐ ܒܐܬܪܐ ܥܣܩܐ܂
39:11 [ai]	ܡܬܬܟܠ ܐܢܬ ܥܠܘܗܝ ܕܣܓܝ ܚܝܠܗ܂ ܘܫܿܒܩ ܐܢܬ ܥܠܘܗܝ ܠܐܘܬܟ܂
39:12 [ai]	ܡܗܝܡܢ ܐܢܬ ܠܗ ܕܡܕܟܐ ܐܕܪܟ ܘܙܪܥܟ ܚܿܡܠ܂
39:13 [ai]	ܟܢ̈ܦܝ ܫܒܚܝܢ ܡܬܪܘܪܒܐ ܘܛܝܣܐ ܘܐܬܝܐ ܘܡܩܢܐ܂
39:14 [ai]	ܘܫܒܩܐ ܥܠ ܐܪܥܐ ܒܢ̈ܬܗܿ܂ ܘܥܠ ܥܦܪܐ ܡܚܡܡܐ ܠܗܝܢ܂
39:15 [ai]	ܘܐܬܢܫܝܬ ܡܛܠ ܕܪ̈ܓܠܐ ܕܛܝܪܐ ܐܝܬ ܠܗܿ܂ ܘܚܝܘܬܐ ܕܐܪܥܐ/ܒܐܪܥܐ#3#/ ܕܝܫܐ ܠܗܿ܂
39:16 [ai]	ܐܣܓܝܬ ܒܢ̈ܝܐ ܕܠܐ ܠܗܿ܂ ܘܣܪܝܩܐܝܬ ܠܐܝܬ ܕܠܐ ܕܚܠܬܐ܂
39:17 [ai]	ܡܛܠ ܕܐܣܓܝ ܐܠܗܐ ܚܟܡܬܐ/ܒܚܟܡܬܗ#3#/܂ ܘܠܐ ܦܠܓ ܠܗܿ ܒܘܝܢܐ܂
39:18 [ai]	ܒܡܪܘܡܐ ܬܬܪܝܡ ܐܝܟ ܕܩܠܐ܂ ܬܓܚܟ ܥܠ ܣܘܣܝܐ ܘܥܠ ܪܟܒܗ܂
39:19 [ai]	ܝܿܗܒ ܐܢܬ ܠܣܘܣܝܐ ܓܢܒܪܘܬܐ܂ ܘܡܠܒܫ ܐܢܬ ܨܘܪܗ ܙܝܢܐ܂
39:20 [ai]	ܡܙܝܥ ܐܢܬ ܠܗ ܐܝܟ ܩܡܨܐ܂ ܐܘ ܡܕܚܠ ܐܢܬ ܠܗ ܒܕܚܠܬܐ܂
39:21 [ai]	ܚܿܦܪ ܒܥܘܡܩܐ ܘܕܐܿܨ ܒܙܚܠܐ/ܒܚܝܠܐ#2#/܂ ܘܢܦܿܩ ܠܐܘܪܥܐ ܒܙܝܢܐ܂
39:22 [ai]	ܓܿܚܟ ܥܠ ܓܘܡܨܐ ܘܠܐ ܕܚܿܠ܂ ܘܠܐ ܗܿܦܟ ܡܢ ܐ̈ܦܝ ܚܪܒܐ܂
39:23 [ai]	ܥܠܘܗܝ ܡܫܬܒܚܐ ܩܛܪܩܐ/ܩܛܪܩܛܐ#2#/܂ ܘܫܠܗܒܝܬܐ ܕܪܘܡܚܐ ܘܕܢܝܙܟܐ܂
39:24 [ai]	ܒܙܘܥܬܐ ܘܒܪܘܓܙܐ ܪܗܿܛ ܥܠ ܐܪܥܐ܂ ܘܠܐ ܕܚܿܠ ܡܢ ܩܠܐ ܕܩܪܢܐ܂
39:25 [ai]	ܒܩܠܐ ܐܿܡܪ ܐܚܢܝ ܘܡܢ ܪܘܚܩܐ ܡܪܝܚ ܩܪܒܐ܂ ܘܡܙܝܥ ܠܪ̈ܘܪܒܢܐ/ܪ̈ܘܪܒܢܐ#2#/ ܒܨܗܠܗ܂
39:26 [ai]	ܡܢ ܚܟܡܬܟ ܗܘܐ ܢܨܐ܂ ܘܦܪܣ ܓܦܘ̈ܗܝ ܠܬܝܡܢܐ܂
39:27 [ai]	ܥܠ ܡܠܬ ܦܘܡܟ ܢܬܬܪܝܡ ܢܫܪܐ܂ \ܘܡܪܝܡ /ܟܕ ܡܪܝܡ#3# /ܘܢܪܝܡ#3#/ ܩܢܗ ܠܫܩܝܦܐ܂
39:28 [ai]	ܘܫܿܟܢ ܘܒܿܐܬ ܥܠ ܫܢܐ ܕܫܩܝܦܐ܂
39:29 [ai]	ܘܡܢ ܨܝܕܗ ܡܣܬܝܒܪ܂ ܘܠܪܘܚܩܐ ܚܝܪ̈ܢ ܥܝܢ̈ܘܗܝ܂
39:30 [ai]	ܘܦܪ̈ܘܓܘܗܝ ܕܡܐ ܠܥܝܢ܂ ܘܐܝܟܐ ܕܡܬܩܛܠ ܩܛܝܠܐ ܬܡܢ ܗܘ܀

next chapter