← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62028: P Job

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


40:01 [ai]ܘܥܢܐ ܡܪܝܐ ܘܐܡܪ ܠܐܝܘܒ܂
40:02 [ai]ܣ̈ܓܝܐܝܢ ܐܢܘܢ/#3#/ ܡ̈ܠܟܼܘܗܝ ܕܐܠܗܐ܂ ܘܡܿܢ ܕܡܿܟܣ ܠܐܠܗܐ ܝܿܗܒ ܦܬܓܡܐ܀
40:03 [ai]ܘܥܢܐ ܐܝܘܒ ܘܐܡܪ ܠܡܪܝܐ܂
40:04 [ai]ܒܨܪܬ ܠܝ ܡܢܐ ܐܬܝܒܟ܂ ܣܡܬ ܐܝܕܝ ܥܠ ܦܘܡܝ܂
40:05 [ai]ܚܕܐ ܡܠܠܬ ܘܠܐ ܐܬܠ ܦܬܓܡܐ܂ ܘܕܬܪ̈ܬܝܢ ܠܐ ܡܘܣܦ ܐܢܐ ܠܡܡܠܠܘ܂܀
40:06 [ai]ܘܥܢܐ ܡܪܝܐ ܘܐܡܪ ܠܐܝܘܒ ܡܢ ܥܠܥܠܐ܂
40:07 [ai]ܐܣܘܪ ܢܐ ܐܝܟ ܓܢܒܪܐ ܚ̈ܨܝܟ܂ \ܐܫܐܠܟ /ܐܫܐܠ ܠܟ#3#/ ܐܘܕܥܝܢܝ܂
40:08 [ai]ܐܢ ܗܘ ܕܡܒܛܠ ܐܢܬ ܠܝ ܘܡܚܝܒ ܐܢܬ ܠܝ ܕܬܙܟܐ܂
40:09 [ai]ܐܝܬ ܠܟ ܕܪܥܐ ܐܝܟ ܕܐܠܗܐ܂ ܘܪܥܿܡ ܐܢܬ ܒܩܠܐ ܐܟܘܬܗ܂
40:10 [ai]ܠܒܫ ܓܐܝܘܬܐ ܘܓܢܒܪܘܬܐ܂ ܘܐܬܥܛܦ ܙܝܘܐ ܘܗܕܪܐ܂
40:11 [ai]ܘܐܫܘܕ ܚܡܬܐ ܕܪܘܓܙܟ܂ ܘܚܙܝ ܟܠ ܕܪܡ ܣܚܘܦܝܗܝ܂
40:12 [ai]ܘܐܪܡܐ ܠܚ̈ܛܝܐ ܒܕܘܟܬܗܘܢ܂
40:13 [ai]ܘܐܟܚܕܐ ܒܥܦܪܐ ܛܡܘܪ ܐܢܘܢ܂ ܘܐ̈ܦܝܗܘܢ ܚܒܘܫ ܒܕܚܝܚܐ܂
40:14 [ai]ܘܐܦ ܐܢܐ ܐܫܒܚܟ ܡܐ ܕܦܪܩܬܟ ܝܡܝܢܟ܂
40:15 [ai]ܗܐ ܒܗܡܘܬ ܕܥܒܕܬ ܥܡܟ܂ ܥܡܝܪܐ ܐܝܟ ܬܘܪܐ ܐܿܟܠ܂
40:16 [ai]ܘܥܘܫܢܗ ܒܣܬܪܗ܂
40:17 [ai]ܙܩܿܦ ܕܘܢܒܗ ܐܝܟ ܐܪܙܐ܂ ܘܙܩܝܦܝܢ ܓܝ̈ܕܐ ܕܦܘܚ̈ܕܘܗܝ܂
40:18 [ai]ܓܪ̈ܡܘܗܝ ܥܫܝ̈ܢܝܢ ܐܝܟ \ܢܚܫܐ ܘܐܝܟ ܦܪܙܠܐ /ܦܪܙܠܐ ܘܐܝܟ ܢܚܫܐ#3#/܂
40:19 [ai]ܗܘܝܘ ܪܝܫ ܟܘܠܗܝܢ ܒܪ̈ܝܬܗ ܕܐܠܗܐ܂ ܕܥܒܕܗ ܕܢܥܒܕ ܩܪܒܐ܂
40:20 [ai]ܘܣܘܓܐܐ ܕܛܘܪ̈ܐ ܫܩܝܠܝܢ ܠܗ܂ ܘܟܠܗܿ ܚܝܘܬܐ ܕܕܒܪܐ
40:21 [ai]ܬܚܝܬ ܛܠܠܗ ܕܡܟܐ܂ ܘܒܣܬܪܐ ܕܩܢܝܐ ܪܒܿܥ܂
40:22 [ai]ܟܪ̈ܝܟܝܢ ܠܗ ܛ̈ܠܠܐ܂ ܘܟܪ̈ܝܟܝܢ ܠܗ ܥܘܪ̈ܒܐ ܕܢܚܠܐ܂
40:23 [ai]ܐܢ ܫܿܘܪ ܢܗܪܐ܂ ܠܐ ܙܐܿܥ܂ ܘܬܟܝܠ ܕܢܿܣܟ ܠܗ ܝܘܪܕܢܢ ܠܦܘܡܗ/ܠܦܘܡܐ#3#/܂
40:24 [ai]ܒܥܢ̈ܢܘܗܝ ܢܣܒܝܘܗܝ ܘܒܡܨܝܕܬܐ ܢܬܬܚܕ܂
40:25 [ai]ܬܐܚܕܝܘܗܝ ܠܬܢܝܢܐ ܒܡܨܝܕܬܐ܂ ܒܚܒܠܐ ܬܐܚܕܝܘܗܝ ܒܠܫܢܗ܂
40:26 [ai]ܪܡܿܐ ܐܢܬ ܦܓܘܕܬܐ ܒܦܘܡܗ܂ ܘܢܿܩܒ/ܘܢܣܒ#3#/ ܐܢܬ ܦܟܗ ܒܫܘܪܗ܂
40:27 [ai]ܘܐܢ ܡܣܓܐ ܒܿܥܐ ܡܢܟ ܘܐܡܿܪ ܠܟ ܕܪ̈ܟܝܟܢ܂
40:28 [ai]ܡܿܫܪ ܥܡܟ ܩܝܡܐ܂ ܐܘ ܡܿܢܐ ܐܢܬ ܠܗ ܥܒܕܐ ܠܥܠܡ܂
40:29 [ai]ܓܿܚܟ ܐܢܬ ܥܠܘܗܝ ܐܝܟ ܨܦܪܐ܂ ܘܢܿܛܪ ܐܢܬ ܠܗ ܠܝ̈ܘܡܝ ܥܠܝܡܘܬܟ܂
40:30 [ai]ܫ̈ܘܬܦܐ ܢܬܟܢܫܘܢ ܥܠܘܗܝ܂ ܘܢܦܠܓܘܢܗ ܒܝܬ ܣ̈ܓܝܐܐ܂
40:31 [ai]ܡܿܠܐ ܐܢܬ ܡܫܟܗ ܒܣܪܐ܂ ܘܪܝܫܗ ܒܛܠܠܐ ܕܢܘܪܐ܂
40:32 [ai]ܣܝܡ ܥܠܘܗܝ ܐܝܕܟ܂ ܘܕܘܟܪܢܐ ܕܩܪܒܐ ܠܐ ܬܘܣܦ܂

next chapter