← Back
The Comprehensive Aramaic Lexicon
← Return to the Text Browser
click on the file description for more information
62029: P Prov

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


01:01 [ai]ܡܬ̈ܠܘܗܝ ܕܫܠܝܡܘܢ ܒܪ ܕܘܝܕ ܡܠܟܐ ܕܐܝܣܪܝܠ܂
01:02 [ai]ܠܡܕܥ ܚܟܡܬܐ ܘܡܪܕܘܬܐ܂ ܘܠܡܬܒܝܢܘ ܒܡ̈ܠܐ ܕܣܘܟܠܐ܂
01:03 [ai]ܘܠܡܩܒܠܘ ܡܪܕܘܬܐ ܘܕܚܠܬܐ܂ ܘܙܕܝܩܘܬܐ ܘܕܝܢܐ ܘܬܪܝܨܘܬܐ܂
01:04 [ai]ܠܡܬܠ ܠܫܒܪ̈ܐ ܥܪܝܡܘܬܐ܂ ܘ̈ܠܛܠܝܐ ܝܕܥܬܐ ܘܬܪܥܝܬܐ܂
01:05 [ai]ܢܫܡܥ ܚܟܝܡܐ ܘܢܘܣܦ ܥܠ ܚܟܡܬܗ܂ ܘܣܟܘܠܬܢܐ ܡܕܒܪܢܘܬܐ ܢܩܢܐ܂
01:06 [ai]ܕܢܫܬܘܕܥ ܡܬ̈ܠܐ ܘܦܠܐ̈ܬܐ܂ ܘܡ̈ܠܐ ܕܚ̈ܟܝܡܐ ܘܐܘܚ̈ܕܬܗܘܢ܂
01:07 [ai]ܪܝܫ ܚܟܡܬܐ ܕܚܠܬܗ ܕܡܪܝܐ܂ ܝܕܥܬܐ ܕܝܢ ܘܡܪܕܘܬܐ ܫܝܛܝܢ ܥܘ̈ܠܐ܂
01:08 [ai]ܫܡܥ ܒܪܝ ܢܡܘܣܐ ܕܐܒܘܟ܂ ܘܠܐ ܬܛܥܐ ܢܡܘܣܐ ܕܐܡܟ܂
01:09 [ai]ܝܐܝܘܬܐ ܐܢܘܢ ܓܝܪ ܠܪܝܫܟ܂ ܘܗܡܢܝܟܐ ܠܨܘܪܟ܂
01:10 [ai]ܒܪܝ ܐܢ ܢܫܕܠܘܢܟ ܚ̈ܛܝܐ ܠܐ ܬܛܦܝܣ܂
01:11 [ai]ܘܐܢ ܢܐܡܪܘܢ ܠܟ ܬܐ ܥܡܢ ܢܟܡܢ ܠܕܡܐ܃ ܘܢܛܫܐ ܠܙܟܝܐ ܒܥܬܐ܃
01:12 [ai]ܘܢܒܠܥܝܘܗܝ ܐܝܟ ܫܝܘܠ ܠܚܝܐ܃ ܘܠܕܠܐ ܡܘܡ ܐܝܟ ܢܚ̈ܬܝ ܓܘܒܐ܃
01:13 [ai]ܟܠܗ ܥܘܬܪܗ ܘܐܝܩܪܗ ܢܫܟܚ܃ ܘܢܡܠܐ ܒܬ̈ܝܢ ܒܙܬܐ܃
01:14 [ai]ܦܨܬܟ ܐܪܡܐ ܒܝܢܬܢ܃ ܘܟܝܣܐ ܚܕ ܢܗܘܐ ܠܟܠܢ܂
01:15 [ai]ܒܪܝ ܠܐ ܬܐܙܠ ܥܡܗܘܢ ܒܐܘܪܚܐ܂ ܐܠܐ ܟܠܝ ܪܓܠܟ ܡܢ ܫܒܝ̈ܠܝܗܘܢ܂
01:16 [ai]ܡܛܠ ܕܪ̈ܓܠܝܗܘܢ ܠܒܝܫܬܐ ܗܘ ܪ̈ܗܛܢ܂ ܘܡܣܬܪ̈ܗܒܝܢ ܠܡܐܫܕ ܕܡܐ ܙܟܝܐ܂
01:17 [ai]ܘܒܥܬܐ ܗܘ ܦܪ̈ܣܝܢ ܡܨܝ̈ܕܬܐ ܥܠ ܦܪܚܬܐ܂
01:18 [ai]ܘܟܡܢܝܢ ܠܕܡܐ ܘܡܛܫܝܢ ܢܦܫ̈ܬܗܘܢ܂
01:19 [ai]ܗܟܢܐ ܐ̈ܢܝܢ ܐܘܪ̈ܚܬܐ ܕܟܠ ܕܥܒܕܝܢ ܥܘܼܠܐ܂ ܘܢܣܒܝܢ ܢܦܫ̈ܬܐ ܕܡܪ̈ܝܗܝܢ܂
01:20 [ai]ܚܟܡܬܐ ܒܫ̈ܘܩܐ ܡܫܬܒܚܐ܂ ܘܒܫ̈ܘܩܐ ܡܪܝܡܐ ܩܠܗܿ܂
01:21 [ai]ܘܒܪܝܫ ܒܪ̈ܝܬܐ ܡܟܪܙܐ܂ ܘܒܡ̈ܥܠܢܐ ܕܬܪ̈ܥܐ ܕܟܪ̈ܟܐ ܡ̈ܠܝܗܿ ܐܡܪܐ܂
01:22 [ai]ܥܕܡܐ ܠܐܡܬܝ ܫܒܪ̈ܐ ܪ̈ܚܡܝܢ ܐܢܬܘܢ ܫܒܪܘܬܐ܂ ܘܡܡ̈ܝܩܢܐ ܪ̈ܓܝܢ/ܪܡܝܢ#3#/ ܐܢܬܘܢ ܡܡܝܩܢܘܬܐ܂ ܘܣܟ̈ܠܐ ܣܢܝܢ ܐܢܬܘܢ ܝܕܥܬܐ܂
01:23 [ai]ܐܢ ܬܬܦܢܘܢ ܠܡܟܣܢܘܬܝ܂ ܐܒܥ ܠܟܘܢ ܪܘܚܝ ܘܐܘܕܥܟܘܢ ܡܠܬܝ܂
01:24 [ai]ܥܠ ܕܩܪܝܬ ܘܠܐ ܗܝܡܢܬܘܢ܃ ܘܐܪܝܡܬ ܩܠܝ/ܐܝܕܝ#3#/ ܘܠܐ ܫܡܥܬܘܢ܃
01:25 [ai]ܘܫܛܬܘܢ ܟܠܗܝܢ ܬܪ̈ܥܝܬܝ܃ ܘܒܡܟܣܢܘܬܝ ܠܐ ܨܒܝܬܘܢ܂
01:26 [ai]ܐܦ ܐܢܐ ܐܓܚܟ ܥܠ ܬܒܪܟܘܢ܂ ܘܐܚܕܐ ܡܐ ܕܐܬܐ ܥܠܝܟܘܢ ܕܠܘܚܝܐ ܘܐܒܕܢܐ ܡܢ ܫܠܝܐ܂
01:27 [ai]ܘܬܒܪܟܘܢ ܐܝܟ ܥܠܥܠܐ ܢܐܬܐ܂ ܘܡܐ ܕܐܬܼܐ ܥܠܝܗܘܢ ܐܘܠܨܢܐ ܘܥܩܬܐ܂
01:28 [ai]ܗܝܕܝܢ ܢܩܪܘܢܢܝ ܘܠܐ ܐܥܢܐ ܐܢܘܢ܂ ܘܢܩܕܡܘܢ ܠܘܬܝ ܘܠܐ ܢܫܟܚܘܢܢܝ܂
01:29 [ai]ܥܠ ܕܣܢܘ ܝܕܥܬܐ܂ ܘܕܚܠܬܗ ܕܡܪܝܐ/ܕܐܠܗܐ#3#/ ܠܐ ܓܒܘ܂
01:30 [ai]ܘܠܐ ܨܒܘ ܒܬܪ̈ܥܝܬܝ܂ ܘܐܣܠܝܘ ܟܠܗܿ ܡܟܣܢܘܬܝ܂
01:31 [ai]ܘܐܟܠܘ ܡܢ ܦܐܪ̈ܐ ܕܐܘܪ̈ܚܬܗܘܢ܂ ܘܡܢ ܬܪ̈ܥܝܬܗܘܢ ܣܒܥܘ܂
01:32 [ai]ܡܛܠ ܗܢܐ ܡܗܦܟܢܘܬܐ ܕܫܒܪ̈ܐ ܬܩܛܘܠ ܐܢܘܢ܂ ܘܛܘܥܝܝ ܕܚܣܝܪ̈ܝ ܪܥܝܢܐ ܬܘܒܕ ܐܢܘܢ܂
01:33 [ai]ܘܡܿܢ ܕܫܡܥ ܠܝ ܢܫܪܐ ܒܣܒܪܐ܂ ܘܢܫܠܐ ܡܢ ܣܘܓܐܐ ܕܒܝܫܬ̈ܐ܀܀܂

next chapter