← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62029: P Prov

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


03:01 [ai]ܒܪܝ ܠܐ ܬܛܥܐ ܢܡܘܣܝ܂ ܘܦܘܩ̈ܕܢܝ ܢܛܪ ܠܒܟ܂
03:02 [ai]ܡܛܠ ܕܢܘܓܪܐ ܕܝܘܡ̈ܬܐ ܘܫ̈ܢܝܐ ܕܚ̈ܝܐ ܢܬܬܘܣ̈ܦܢ ܠܟ܂
03:03 [ai]ܘܫܠܡܐ ܘܛܝܒܘܬܐ ܘܩܘܫܬܐ ܠܐ ܢܫܒܩܘܢܟ܂ ܐܠܐ ܩܛܘܪ ܐܢܘܢ ܒܨܘܪܟ܂ ܘܟܬܘܒ ܐܢܘܢ ܥܠ ܠܘܚ̈ܐ ܕܠܒܟ܂
03:04 [ai]ܕܬܫܟܚ ܪ̈ܚܡܐ ܘܛܝܒܘܬܐ ܘܣܘܟܠܐ܂ ܩܕܡ ܐܠܗܐ ܘܩܕܡ ܒܢ̈ܝ ܐܢܫܐ܀
03:05 [ai]ܣܒܪ ܒܡܪܝܐ ܡܢ ܟܠܗ ܠܒܟ܂ ܘܥܠ ܚܟܡܬܐ ܕܢܦܫܟ ܠܐ ܬܬܟܠ܂
03:06 [ai]ܕܥܝܗܝ ܒܟܠܗܝܢ ܐܘܪ̈ܚܬܟ܂ ܘܗܼܘ ܬܪܨ ܫܒܝ̈ܠܝܟ܂
03:07 [ai]ܠܐ ܬܗܘܐ ܚܟܝܡ ܒܥܝܢ̈ܝ ܢܦܫܟ܂ ܐܠܐ ܕܚܠ ܡܢ ܡܪܝܐ ܘܣܛܝ ܡܢ ܒܝܫܬܐ܂
03:08 [ai]ܕܬܗܘܐ ܐܣܝܘܬܐ ܠܒܣܪܟ܂ ܘܕܘܗܢܐ ܠܓܪ̈ܡܝܟ܂
03:09 [ai]ܝܩܪ ܠܡܪܝܐ ܡܢ ܩܢܝܢܟ܂ ܘܡܢ ܪܝܫ ܟܠܗܝܢ ܥ̈ܠܠܬܟ܂
03:10 [ai]ܘܢܬܡܠܘܢ ܐܘܨܪ̈ܝܟ ܣܒܥܐ܂ ܘܡܥܨܪ̈ܬܟ ܢܒ̈ܥܢ ܚܡܪܐ܀
03:11 [ai]ܒܪܝ ܡܪܕܘܬܗ ܕܡܪܝܐ ܠܐ ܬܣܠܐ܂ ܘܠܐ ܬܡܐܢ ܠܟ ܒܡܟܣܢܘܬܗ܂
03:12 [ai]ܡܛܠ ܕܠܡܿܢ ܕܪܚܡ ܠܗ ܡܪܝܐ ܪܕܐ ܠܗ܂ ܐܝܟ ܐܒܐ ܕܪܕܐ ܠܒܪܗ܀܂
03:13 [ai]ܛܘܒܘܗܝ ܠܒܪܢܫܐ ܕܐܫܟܚ ܚܟܡܬܐ܂ \ܘܠܒܪ ܒܣܪܐ /ܘܠܒܪܢܫܐ#3#/ ܕܐܫܟܚ ܣܘܟܠܐ܂
03:14 [ai]ܡܛܠ ܕܛܒܐ ܗܝ ܬܐܓܘܪܬܗܿ ܡܢ ܬܐܓܘܪܬܐ ܕܣܐܡܐ܂ ܘܡܢ ܕܗܒܐ ܣܢܝܢܐ ܡܝܬܪ̈ܢ ܥ̈ܠܠܬܗܿ܂
03:15 [ai]ܝܩܝܪܐ ܗܝ ܓܝܪ ܡܢ ܟܐ̈ܦܐ ܛܒ̈ܬܐ܂ ܘܡܕܡ ܠܐ ܦܚܡ ܠܗܿ܂
03:16 [ai]ܢܘܓܪܐ ܕܝܘܡ̈ܬܐ ܒܝܡܝܢܗܿ܂ ܘܥܘܬܪܐ ܘܐܝܩܪܐ ܒܣܡܠܗܿ܂
03:17 [ai]ܐܘܪ̈ܚܬܗܿ ܐܘܪ̈ܚܬܐ ܐܢܝ̈ܢ ܒܣܝ̈ܡܬܐ܂ ܘܟܠܗܘܢ ܫ̈ܒܝܠܝܗܿ ܫܠܡܐ܂
03:18 [ai]ܐܝܠܢܐ ܗܝ ܕܚ̈ܝܐ ܠܐܝܠܝܢ ܕܡܚܡ̈ܣܢܝܢ ܒܗܿ܂ ܘܐܝܠܝܢ ܕܡܣܟܝܢ ܠܗܿ ܛܿܘܒܝܗܘܢ܀܂
03:19 [ai]ܡܪܝܐ ܒܚܟܡܬܗ ܣܡ ܫܬܐ̈ܣܝܗܿ ܕܐܪܥܐ܂ ܘܐܬܩܢ ܫܡܝܐ ܒܣܘܟܠܗ܂
03:20 [ai]ܘܒܝܕܥܬܗ ܐܬܒܙܥܘ/ܐܬܩܢ#3#/ ܬܗ̈ܘܡܐ܂ ܘܥܢ̈ܢܐ ܪܣ ܛܠܐ܂
03:21 [ai]ܒܪܝ ܠܐ ܢܙܠ ܒܥܝܢ̈ܝܟ ܠܡܛܪ ܝܘܠܦܢܝ ܘܬܪ̈ܥܝܬܝ܂
03:22 [ai]ܘܢܗܘܘܢ ܚ̈ܝܐ ܠܢܦܫܟ ܘܪܘܚܦܐ ܠܨܘܪܟ܂
03:23 [ai]ܘܗܝܕܝܢ ܬܗܠܟ ܒܐܘܪ̈ܚܬܟ ܒܣܒܪܐ܂ ܘܒܪܓܠܟ ܠܐ ܬܬܩܠ܂
03:24 [ai]ܘܬܕܡܟ ܘܠܐ ܬܕܚܠ܂ ܘܬܫܟܒ ܘܬܒܣܡ ܠܟ ܫܢܬܟ܂
03:25 [ai]ܘܠܐ ܬܕܚܠ ܡܢ ܕܠܘܚܝܐ ܕܡܢ ܫܠܝܐ܂ ܘܡܢ ܚܐܦܐ ܕܚ̈ܛܝܐ ܡܐ ܕܐܬܐ܂
03:26 [ai]ܡܛܠ ܕܡܪܝܐ ܢܗܘܐ ܥܡܟ܂ ܘܢܢܛܪ ܪܓܠܟ ܕܠܐ ܬܬܨܝܕ܂
03:27 [ai]ܠܐ ܬܬܟܠܐ ܠܡܥܒܕ ܕܫܦܝܪ ܟܡܐ ܕܣܦܩܐ ܒܐ̈ܝܕܝܟ/ܒܝܬ ܐܝ̈ܕܝܟ#3#/ ܠܡܥܒܕ܂
03:28 [ai]ܘܟܕ ܐܝܬ ܠܟ܂ ܠܐ ܬܐܡܪ ܠܚܒܪܟ ܕܙܠ ܘܬܐ ܬܘܒ ܡܚܪ ܘܐܬܠ ܠܟ܂
03:29 [ai]ܠܐ ܬܬܚܫܒ ܒܝܫܬܐ ܥܠ ܚܒܪܟ܂ ܕܝܬܒ ܥܡܟ ܒܫܠܝܐ܂
03:30 [ai]ܠܐ ܬܕܘܢ ܥܡ ܒܪܢܫܐ ܒܥܬܐ܂
03:31 [ai]ܘܠܐ ܬܛܢ ܒܓܒܪܐ ܥܘܠܐ܂ ܘܠܐ ܬܨܒܐ ܒܟܠܗܝܢ ܐܘܪ̈ܚܬܗ܂
03:32 [ai]ܡܛܠ ܕܛܡܐ ܗܘ ܥܘܠܐ ܩܕܡ ܡܪܝܐ܂ ܘܫܘ̈ܥܝܬܗ ܕܡܪܝܐ ܥܡ ܬܪ̈ܝܨܐ܂
03:33 [ai]ܠܘܛܬܗ ܕܡܪܝܐ ܒܒܬ̈ܝܗܘܢ ܕܥܘ̈ܠܐ܂ ܘܕܝܪܗܘܢ ܕܙܕܝܩ̈ܐ ܢܒܪܟ܂
03:34 [ai]ܘܢܣܚܘܦ ܠܡܡܝ̈ܩܢܐ܂ ܘܥܠ ܚܟܝ̈ܡܐ ܢܪܚܦ܂
03:35 [ai]ܐܝܩܪܐ ܢܐܪܬܘܢ ܚܟܝ̈ܡܐ܂ ܘܣܟ̈ܠܐ ܢܩܒܠܘܢ ܨܥܪܐ܀

next chapter