← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62029: P Prov

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


04:01 [ai]ܫܡܥܘ ܒ̈ܢܝܐ ܡܪܕܘܬܗ ܕܐܒܐ܂ ܘܨܘܬܘ ܝܕܥܬܐ ܘܣܘܟܠܐ܂
04:02 [ai]ܡܛܠ ܕܝܘܠܦܢܐ ܛܒܐ ܝܗܒܬ ܠܟܘܢ܂ ܢܡܘܣܝ ܠܐ ܬܫܒܩܘܢ܂
04:03 [ai]ܒܪܐ ܓܝܪ ܗܘܝܬ ܠܐܒܝ܂ ܡܦܢܩܐ ܘܝܚܝܕܐ/ܘܝܚܝܕܝܐ#2#/ ܩܕܡ ܐܡܝ܂
04:04 [ai]ܘܐܠܦܢܝ ܘܐܡܪ ܠܝ܂ ܬܬܚܝܠ ܡܠܬܝ ܒܠܒܟ܂ ܛܪ ܦܘܩ̈ܕܢܝ ܘܚܝܝ܂ ܘܢܡܘܣܝ ܐܝܟ ܒܒܬܐ ܕܥܝܢܐ܂
04:05 [ai]ܩܢܝ ܚܟܡܬܐ ܘܩܢܝ ܣܘܟܠܐ܂ ܘܠܐ ܬܣܛܐ ܡܢ ܡܐܡܪܗ ܕܦܘܡܝ܂
04:06 [ai]ܠܐ ܬܫܒܩܝܗܿ ܕܬܢܛܪܟ܂ ܪܚܡܝܗܿ ܕܬܫܘܙܒܟ܂
04:07 [ai]ܪܝܫ ܚܟܡܬܐ ܩܢܝ ܚܟܡܬܐ܂ ܘܒܟܠܗ ܩܢܝܢܟ ܩܢܝ ܣܘܟܠܐ܂
04:08 [ai]ܚܒܒܝܗܿ ܕܬܪܡܪܡܟ܂ ܘܥܦܩܝܗܿ ܕܬܝܩܪܟ܂
04:09 [ai]ܘܬܣܝܡ ܒܪܝܫܟ ܝܐܝܘܬܐ ܕܪܘܚܦܐ܂ ܘܒܟܠܝܠܐ ܕܫܘܒܚܐ ܬܣܒܥܟ܀
04:10 [ai]ܫܡܥ ܒܪܝ ܘܩܒܠ ܡ̈ܠܝ܂ ܘܢܣ̈ܓܝܢ ܫ̈ܢܝܐ ܕܚܝ̈ܝܟ܂
04:11 [ai]ܐܘܪ̈ܚܬܐ ܕܚܟܡܬܐ ܐܠܦܬܟ܂ ܘܗܠܟܬܟ ܒܫ̈ܒܝܠܐ ܬܪ̈ܝܨܐ܂
04:12 [ai]ܘܡܐ ܕܡܗܠܟ ܐܢܬ ܠܐ ܢܙܘܥ̈ܢ ܗ̈ܠܟܬܟ܂ ܘܐܢ ܪܗܛ ܐܢܬ ܠܐ ܬܬܩܠ܂
04:13 [ai]ܚܡܣܢ ܒܡܪܕܘܬܝ ܘܠܐ ܬܫܒܩܝܗܿ܂ ܛܪܝܗܿ/ܢܛܪܝܗܿ#3#/ ܡܛܠ ܕܗܝ ܗܝ ܚܝ̈ܝܟ܂
04:14 [ai]ܒܐܘܪܚܐ ܕܚ̈ܛܝܐ ܠܐ ܬܐܙܠ܂ ܘܠܐ ܬܛܢ ܒܐܘܪܚܐ ܕܒܝܫ̈ܐ܂
04:15 [ai]ܘܒܐܬܪܐ ܕܫܪܝܢ ܠܐ ܬܥܒܪ ܒܗ܂ ܐܠܐ ܣܛܝ ܘܥܒܪ ܡܢܗ܂
04:16 [ai]ܠܐ ܓܝܪ ܕܡܟܝܢ ܥܕܡܐ ܕܥܒܕܝܢ ܒܝܫܬܐ܂ ܘܦܪܝܕܐ ܗܝ ܫܢܬܗܘܢ ܥܕܡܐ ܕܥܒܕܝܢ ܨܒܝܢܗܘܢ܂
04:17 [ai]ܡܛܠ ܕܡܐܟܘܠܬܗܘܢ ܡܐܟܘܠܬܐ ܗܝ ܕܥܘܼܠܐ܂ ܘܚܡܪܐ ܕܥܬܐ ܫܬܝܢ܂
04:18 [ai]ܐܘܪܚܐ ܕܝܢ ܕܙܕܝܩ̈ܐ ܐܝܟ ܢܘܗܪܐ ܡܙܗܪܐ܂ ܘܐܙܠ ܢܘܗܪܗܿ ܥܕܡܐ ܕܬܩܢ ܝܘܡܐ܂
04:19 [ai]ܐܘܪܚܐ ܕܝܢ ܕܪ̈ܫܝܥܐ ܚܫܘܟܐ ܗܝ܂ ܘܠܐ ܝܕܥܝܢ ܒܡܢܐ ܡܬܬܩܠܝܢ܂
04:20 [ai]ܒܪܝ ܨܘܬ ܡ̈ܠܝ܂ ܘܠܡܐܡܪܝ ܐܪܟܢ ܐܕܢܟ܂
04:21 [ai]ܠܐ ܢ̈ܙܠܢ ܒܥܝܢ̈ܝܟ܂ ܐܠܐ ܛܪ ܐ̈ܢܝܢ ܒܓܘܗ ܕܠܒܟ܂
04:22 [ai]ܡܛܠ ܕܚܝ̈ܐ ܐ̈ܢܝܢ ܠܡܿܢ ܕܡܫܟܚ ܠܗܝܢ܂ ܘܒܣܪܗ ܟܠܗ ܡܐܣܐ܂
04:23 [ai]ܒܟܠ ܙܘܗܪ ܛܪ ܠܒܟ܂ ܡܛܠ ܕܡܢܗ ܗܘ ܡܦܩܢܐ ܕܚܝ̈ܐ܂
04:24 [ai]ܐܥܒܪ ܡܢܟ ܦܘܡܐ ܥܩܝܡܐ/ܥܡܝܩܐ#3#/܂ ܘܪܢܝܐ ܕܥܬܐ ܐܪܚܩ ܡܢ ܣ̈ܦܘܬܟ܂
04:25 [ai]ܥܝܢ̈ܝܟ ܒܬܪܝܨܘܬܐ ܢܚܘܪ̈ܢ܂ ܘܬܡܪ̈ܝܟ ܢܬܪܨܘܢ ܠܩܘܒܠܟ܂
04:26 [ai]ܐܥܒܪ ܪܓܠܟ ܡܢ ܫ̈ܒܝܠܐ ܒܝܫ̈ܐ܂ ܘܟܠܗܝܢ ܐܘܪ̈ܚܬܟ ܢܬܩ̈ܢܢ܂
04:27 [ai]ܠܐ ܬܣܛܐ ܠܝܡܝܢܐ ܘܠܣܡܠܐ܂ ܐܠܐ ܐܥܒܪ ܪܓܠܟ ܡܢ ܒܝܫܬܐ܀

next chapter