← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62029: P Prov

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


05:01 [ai]ܒܪܝ ܨܘܬ ܠܚܟܡܬܝ܂ ܘܠܡܐܡܪܝ/ܘܠܣܘܟܠܝ#3#/ ܐܪܟܢ ܐܕܢܟ܂
05:02 [ai]ܕܬܙܕܗܪ ܒܬܪܥܝܬܐ܂ ܘܝܕܥܬܐ ܣܦ̈ܘܬܟ ܢܢܛܪ̈ܢ܂
05:03 [ai]ܡܛܠ ܕܕܒܫܐ ܗܘ ܡ̈ܛܦܢ ܣܦܘ̈ܬܗܿ ܕܢܘܟܪܝܬܐ܂ ܘܪ̈ܟܝܟܢ ܡܢ ܡܫܚܐ ܡ̈ܠܝܗܿ܂
05:04 [ai]ܘܚܪܬܗܝܢ ܡܢ ܓܕ̈ܕܐ ܡܪܝܪܐ܂ ܚܪܝܦܐ ܗܝ ܓܝܪ ܡܢ ܣܝܦܐ ܕܬܪ̈ܝܢ ܦܘܡ̈ܘܗܝ܂
05:05 [ai]ܘܪ̈ܓܠܝܗܿ ܡܚ̈ܬܢ ܠܡܘܬܐ܂ ܫܝܘܠ ܗܠܟ̈ܬܗܿ ܡܣܡܟܐ܂
05:06 [ai]ܘܠܐ ܕܪܟܐ ܒܐܘܪܚܐ/ܒܐܪܥܐ#3#/ ܕܚ̈ܝܐ܂ ܬܘܫܐ ܐܢܘܢ ܓܝܪ ܫܒܝ̈ܠܝܗܿ ܘܠܐ ܝܕܝܥܝܢ܀܀
05:07 [ai]ܡܟܝܠ ܒܢ̈ܝܐ ܫܘܡܥܘܢܝ܂ ܘܠܐ ܬܣܛܘܢ ܡܢ ܡܐܡܪܗ ܕܦܘܡܝ܂
05:08 [ai]ܐܪܚܩ ܡܢܗܿ ܐܘܪܚܟ܂ ܘܠܐ ܬܬܩܪܒ ܠܬܪܥܐ ܕܒܝܬܗܿ܂
05:09 [ai]ܕܠܐ ܬܬܠ ܠܐܚܪ̈ܢܐ ܚܝܠܟ܂ ܘܫܢܝ̈ܟ ܠܐܝܠܝܢ ܕܠܐ ܡܪܚܡܢܝܢ܂
05:10 [ai]ܘܢܣܒܥܘܢ ܢܘܟܪ̈ܝܐ ܚܝܠܟ܂ ܘܠܐܘܬܟ ܬܥܠ/ܬܥܘܠ#3#/ ܠܒܝܬܐ ܕܢܘܟܪ̈ܝܐ܂
05:11 [ai]ܘܒܣܝܒܘܬܟ ܬܬܘܝܟ ܢܦܫܟ܂ ܡܐ ܕܓܡܪ ܒܣܪܐ ܕܓܘܫܡܟ܂
05:12 [ai]ܘܬܐܡܪ ܕܠܡܢܐ ܓܝܪ ܣܢܝܬ ܡܪܕܘܬܐ܂ ܘܡܟܣܢܘܬܐ ܐܣܠܝ ܠܒܝ܂
05:13 [ai]ܘܠܐ ܫܡܥܬ ܠܩܠܐ ܕܡ̈ܠܦܢܝ܂ ܘܠܡܫ̈ܡܥܢܝ ܠܐ ܨܠܝܬ ܐܕܢܝ܂
05:14 [ai]ܥܕ ܩܠܝܠ ܗܿܘܐ ܗܘܿܝܬ ܠܝ ܒܟܠ ܒܝܫ̈ܢ܂ ܒܟܢܘܫܬܐ ܘܒܥܕܬܐ܀܂
05:15 [ai]ܐܫܬܝ ܡ̈ܝܐ ܡܢ ܒܪܟ܂ ܘܪ̈ܕܝܐ ܡܢ ܡܥܝܢܟ܂
05:16 [ai]ܘܢܫܬܦܥܘܢ ܡܝ̈ܟ ܒܫ̈ܘܩܝܟ ܘܒܫ̈ܘܩܝܟ ܢܪܕܘܢ܂
05:17 [ai]ܘܢܗܘܘܢ ܠܟ ܒܠܚܘܕܝܟ܂ ܘܢܘܟܪ̈ܝܐ ܠܐ ܢܫܬܘܬܦܘܢ ܥܡܟ܂
05:18 [ai]ܘܢܗܘܐ ܒܪܝܟ ܡܒܘܥܟ܂ ܘܚܕܝ ܥܡ ܐܢܬܬ ܛܠܝܘܬܟ܂
05:19 [ai]ܐܝܠܬܐ ܕܪܚܡܬܐ ܘܕܝܨܬܐ ܕܪܚܡܬܐ܂ ܐܘܪ̈ܚܬܗܿ ܝܠܦ ܒܟܠ ܙܒܢ܂ ܘܒܪܚܡܬܗܿ ܪܥܝ܂
05:20 [ai]ܘܠܐ ܬܛܥܐ ܒܪܝ ܒܢܘܟܪܝܬܐ܂ ܘܐܦ ܠܐ ܬܥܦܩ ܥܘܒܗܿ ܕܢܘܟܪܝܬܐ܂
05:21 [ai]ܡܛܠ ܕܩܕܡ ܥܝ̈ܢܘܗܝ ܐ̈ܢܝܢ ܕܡܪܝܐ ܐܘܪ̈ܚܬܗ ܕܓܒܪܐ܂ ܘܟܠܗܘܢ ܫܒܝ̈ܠܘܗܝ ܓܠܝܢ ܩܕܡܘܗܝ܂
05:22 [ai]ܒܚ̈ܘܒܘܗܝ ܢܬܬܚܕ/ܡܬܬܚܕ#3#/ ܥܘܠܐ܂ ܘܒܚܒܠܐ ܕܚ̈ܛܗܘܗܝ ܢܬܦܟܪ܂
05:23 [ai]ܗܘ ܢܡܘܬ ܕܠܐ ܡܪܕܘ܂ ܘܒܣܘܓܐܐ ܕܛܥܝܘܬܗ ܢܬܛܥܐ܀

next chapter