← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62029: P Prov

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


06:01 [ai]ܒܪܝ ܐܢ ܥܪܒܬ ܠܚܒܪܟ܂ ܐܫܠܡܬ ܐܝܕܟ ܠܢܘܟܪܝܐ܂
06:02 [ai]ܐܬܬܨܝܕܬ/ܐܬܨܝܕܬ#2#/ ܒܡܐܡܪܐ ܕܦܘܡܟ܂ ܘܐܬܬܚܕܬ ܒܡܡܠܠܐ ܕܣ̈ܦܘܬܟ܂
06:03 [ai]ܥܒܕ ܗܟܢܐ ܒܪܝ ܘܐܬܦܨܐ܂܂ ܡܛܠ ܕܥܠ ܐ̈ܦܝ ܚܒܪܟ ‍<‍ܥܒܪܬ#3#‍>‍ ܢܦܠܬ ܒܐ̈ܝܕܝ ܒܥܠܕܒܒܟ܂ ܓܪܓ ܗܟܝܠ ܚܒܪܟ ܕܥܪܒܬ ܥܠܘܗܝ܂
06:04 [ai]ܘܠܐ ܬܬܠ ܫܢܬܐ ܠܥܝܢ̈ܝܟ܂ ܐܦ ܠܐ ܢܘܡܬܐ ܠܓܒܝܢ̈ܝܟ܂
06:05 [ai]ܕܬܬܦܨܐ ܐܝܟ ܛܒܝܐ ܡܢ ܢܫܒܐ ܘܐܝܟ ܨܦܪܐ ܡܢ ܦܚܐ܂
06:06 [ai]ܐܬܕܡܐ/ܐܬܕܡܝ#3#/ ܠܫܘܫܡܢܐ ܘܚܙܝ ܐܘܪ̈ܚܬܗ܂ ܘܝܠܦ ܕܠܝܬ ܠܗ ܚܨܕܐ܂
06:07 [ai]ܘܠܝܬ ܠܥܠ ܡܢܗ ܫܠܝܛܐ܂ ܘܐܦ ܠܐ ܡܿܢ ܕܐܟܦ ܠܗ܂
06:08 [ai]ܘܡܛܝܒ ܠܗ ܡܢ ܩܝܛܐ ܠܚܡܗ܂ ܘܩܦܣ ܒܚܨܕܐ ܡܐܟܘܠܬܗ܂
06:09 [ai]ܥܕܡܐ ܠܐܡܬܝ ܕܡܟ ܐܢܬ ܚܒܢܢܐ܂܂ ܐܡܬܝ ܡܢ ܫܢܬܟ ܬܩܘܡ܂
06:10 [ai]ܩܠܝܠ ܬܢܘܡ ܘܩܠܝܠ ܬܕܡܟ܃ ܘܩܠܝܠ ܬܣܝܡ ܐܝܕܟ ܥܠ ܚܕܝܟ܃
06:11 [ai]ܬܐܬܐ ܥܠܝܟ ܡܣܟܢܘܬܐ ܘܬܕܪܟܟ ܨܪܝܟܘܬܐ܂ ܐܝܟ ܓܒܪܐ ܟܫܝܪܐ/ܛܒܠܪܐ#3#/܂
06:12 [ai]ܒܪ ܐܢܫܐ̈ ܣܟܠܐ܂ ܓܒܪܐ ܥܘܠܐ ܡܗܠܟ ܒܥܫܝܩܘܬܐ܂
06:13 [ai]ܪܡܙ ܒܥܝ̈ܢܘܗܝ ܘܬܟܣ ܒܪܓܠܗ܂ ܘܪܡܙ ܒܨܒ̈ܥܬܗ
06:14 [ai]ܘܡܬܗܦܟ ܒܠܒܗ܂ ܘܚܫܠ ܒܝܫܬܐ ܒܟܠܙܒܢ܂ ܘܫܓܫ ܒܝܬ ܬܪ̈ܝܢ܂
06:15 [ai]ܡܛܠ ܗܢܐ ܡܢ ܫܠܝܐ ܢܐܬܐ ܬܒܪܗ܂ ܘܡܢ ܫܠܝܐ ܢܬܬܒܪ܂ ܘܠܐ ܬܗܘܐ ܠܗ ܐܣܝܘܬܐ܀
06:16 [ai]ܫܬ ܐ̈ܢܝܢ ܕܣܢܐ ܡܪܝܐ܂ ܘܕܫܒܥ ܐܣܠܝܬ ܢܦܫܗ܂
06:17 [ai]ܥܝܢܐ ܪܡܬܐ ܘܠܫܢܐ ܕܓܠܐ܂ ܘܐ̈ܝܕܝܐ ܕܐ̈ܫܕܢ ܕܡܐ ܙܟܝܐ܂
06:18 [ai]ܘܠܒܐ ܕܡܬܚܫܒ ܡܚ̈ܫܒܬܐ ܕܥܬܐ܂ ܘܪܓܠܐ ܕܡܣܬܪܗܒܐ ܠܡܪܗܛ ܠܒܝܫܬܐ܂
06:19 [ai]ܘܣܗܕܐ ܕܓܠܐ ܕܡܡܠܠ ܟܕܒܘܬܐ܂ ܘܠܕܪܡܐ ܒܝܬ ܐ̈ܚܐ܂
06:20 [ai]ܛܪ ܒܪܝ ܦܘܩܕܢܐ ܕܐܒܘܟ܂ ܘܠܐ ܬܛܥܐ ܢܡܘܣܐ ܕܐܡܟ܂
06:21 [ai]ܩܒܘܥ ܐܢܘܢ ܒܠܒܟ ܐܡܝܢܐܝܬ܂ ܘܟܪܘܟ ܐܢܘܢ ܒܨܘܪܟ܂
06:22 [ai]ܘܡܐ ܕܡܗܠܟ ܐܢܬ܂ ܐܩܦ ܐܢܘܢ ܠܟ ܘܥܡܟ ܢܗܘܘܢ܂ ܛܪ ܐܢܘܢ ܕܢܢܛܪܘܢܟ܂ ܘܡܐ ܕܐܬܬܥܝܪܬ ܗܢܘܢ ܢܗܘܘܢ ܠܟ ܪܢܝܐ܂
06:23 [ai]ܫܪܓܐ ܗܘ ܓܝܪ ܦܘܩܕܢܐ ܘܢܡܘܣܐ ܢܘܗܪܐ܂ ܘܐܘܪܚܐ ܕܚ̈ܝܐ ܡܟܣܢܘܬܐ ܘܡܪܕܘܬܐ܂
06:24 [ai]ܕܬܢܛܪܟ ܡܢ ܐܢܬܬܐ ܒܝܫܬܐ܂ ܘܡܢ ܡܐܟܠ ܩܪܨܐ ܕܠܫܢܗܿ ܕܢܘܟܪܝܬܐ܂
06:25 [ai]ܠܐ ܬܪܓ ܫܘܦܪܗܿ ܒܠܒܟ܂ ܘܠܐ ܬܬܨܝܕ ܒܥܝܢ̈ܝܗܿ܂ ܘܠܐ ܬܫܒܝܟ ܒܬܡܪ̈ܝܗܿ܂
06:26 [ai]ܕܘܡܝܗܿ ܓܝܪ ܕܐܢܬܬܐ ܙܢܝܬܐ ܐܝܟ ܓܪܝܨܬܐ ܕܠܚܡܐ܂ ܘܐܢܬܬ ܓܒܪܐ ܢܦܫܐ ܝܩܝܪܬܐ ܨܝܕܐ܂
06:27 [ai]ܕܠܡܐ ܣܐܡ ܒܪܢܫܐ ܢܘܪܐ ܒܥܘܒܗ ܘܢܚ̈ܬܘܗܝ ܠܐ ܡܘܩܕ܂
06:28 [ai]ܐܘ ܕܠܡܐ ܡܗܠܟ ܓܒܪܐ ܥܠ ܓܘܡܪ̈ܐ ܕܢܘܪܐ ܘܪ̈ܓܠܘܗܝ ܠܐ ܡܬ̈ܟܘܝܢ܂
06:29 [ai]ܗܟܢܐ ܡܿܢ ܕܥܐܠ ܥܠ ܐܢܬܬ ܚܒܪܗ܂ ܘܩܪܒ ܠܗܿ ܠܐ ܢܙܟܐ܂
06:30 [ai]ܠܐ ܠܡܬܕܡܪܘ/ܠܡܬܬܕܡܪܘ#2#/ ܒܐܝܢܐ ܕܡܬܬܚܕ ܕܓܢܒ܂ ܕܓܢܒ ܓܝܪ ܕܢܣܒܥ ܢܦܫܗ ܕܟܦܢܐ܂
06:31 [ai]ܘܐܢ ܡܬܬܚܕ ܕܓܢܒ ܦܪܥ ܚܕ ܒܫܒܥܐ܂ ܘܟܠܗ ܩܢܝܢܐ ܕܒܝܬܗ ܝܗܒ܂
06:32 [ai]ܕܓܐܪ ܕܝܢ ܐܢܬܬܐ ܚܣܝܪ ܪܥܝܢܐ ܗܘ ܘܡܚܒܠ ܢܦܫܗ܂
06:33 [ai]ܘܗܘܝܘ ܥܒܿܕ ܕܢܩܪܘܒ ܠܗ ܨܥܪܐ ܘܢܕܪܟܝܘܗܝ܂ ܘܚܣܕܗ ܠܐ ܢܬܛܥܐ܂
06:34 [ai]ܚܡܬܗ ܓܝܪ ܕܓܒܪܐ ܡܛܠ ܕܡܠܝܐ ܛܢܢܐ܂ ܠܐ ܚܐܣ ܒܝܘܡܐ ܕܦܘܪܥܢܐ܂
06:35 [ai]ܘܠܐ ܢܣܒ ܒܐ̈ܦܐ ܕܩܘܪܒܢܐ܂ ܘܠܐ ܡܬܛܦܝܣ ܟܕ ܬܣܓܐ ܠܗ ܫܘܚܕܐ܀܀

next chapter