← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62029: P Prov

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


07:01 [ai]ܒܪܝ ܛܪ ܡ̈ܠܝ܂ ܘܦܘܩ̈ܕܢܝ ܐܛܫܐ ܒܠܒܟ/ܒܓܘܟ#3#/܂
07:02 [ai]ܛܪ ܦܘܩ̈ܕܢܝ ܘܚܝܝ܂ ܘܢܡܘܣܝ ܐܝܟ ܒܒܬܐ ܕܥܝܢܐ܂
07:03 [ai]ܩܛܘܪ ܐܢܘܢ ܒܨܘܪܟ܂ ܘܟܬܘܒ ܐܢܘܢ ܥܠ ܠܘܚ̈ܐ ܕܠܒܟ܂
07:04 [ai]ܘܐܡܪ ܠܚܟܡܬܐ ܚܬܝ ܐܢܬܝ܂ ܘܠܣܘܟܠܐ ܩܪܝ ܡܕܥܐ܂
07:05 [ai]ܕܢܢܛܪܟ ܡܢ ܐܢܬܬܐ ܢܘܟܪܝܬܐ ܕܡܫ̈ܕܠܢܝܢ ܡ̈ܠܝܗܿ܂
07:06 [ai]ܡܛܠ ܕܡܢ ܟܘܬܐ ܕܒܝܬܗܿ ܘܡܢ ܟܣܣܛܪܘܢ ܐܕܝܩܬ܂
07:07 [ai]ܘܚܙܬ ܫܒܪ̈ܐ ܘܚܪܬ ܒ̈ܛܠܝܐ܂ ܘܒܚܣܝܪ̈ܝ ܪܥܝܢܐ
07:08 [ai]ܕܥܒܪܝܢ ܒܫܘܩܐ܂ ܥܠ ܓܢܒ ܙܘܝܬ̈ܐ ܕܫܒܝ̈ܠܝ ܒܝܬܗܿ܂
07:09 [ai]ܒܪܡܫܐ ܒܡܥܪ̈ܒܝ ܫܡܫܐ܂ ܒܚܫܘܟܐ ܕܠܠܝܐ ܘܒܥܡܛܢܐ܂
07:10 [ai]ܘܢܦܩܬ ܐܢܬܬܐ ܠܐܘܪܥܗ ܒܐܣܟܝܡܐ ܕܙܢܝܬܐ܂ ܕܡܦܪܕܐ ܠܒܗܘܢ ܕܥ̈ܠܝܡܐ܂
07:11 [ai]ܘܡܪܘܕܝܐ ܘܐܣܘܛܝܐ܂ ܘܒܒܝܬܗܿ ܪ̈ܓܠܝܗܿ ܠܐ ܫ̈ܠܝܢ܂
07:12 [ai]ܐܠܐ ܒܙܒܢ ܠܒܪ ܦܗܝܐ܂ ܘܒܙܒܢ ܒܫ̈ܘܩܐ ܘܒ̈ܙܘܝܬܐ ܟܡܢܐ܂
07:13 [ai]ܘܐܚܕܬܗ ܘܢܫܩܬܗ܂ ܘܐܚܨܦܬ ܐ̈ܦܝܗܿ ܘܐܡܪܬ ܠܗ܂
07:14 [ai]ܕܒܚ̈ܐ ܐܢܘܢ ܫ̈ܠܡܐ܂ ܝܘܡܢܐ ܦܪܥܬ ܢܕܪ̈ܝ܂
07:15 [ai]ܡܛܘܠ/ܒܬܪ#3#/ ܗܢܐ ܢܦܩܬ ܠܐܘܪܥܟ܂ ܕܡܣܟܝܐ ܗܘܝܬ ܠܡܚܙܝܟ ܘܐܫܟܚܬܟ܂
07:16 [ai]ܒܬܫܘܝܬܐ ܫܘܝܬ ܥܪܣܝ܂ ܘܒܩܪ̈ܡܐ ܡܨܪ̈ܝܐ ܩܪܡܬܗܿ܂
07:17 [ai]ܘܪܣܬ ܥܠ ܥܪܣܝ܂ ܡܘܪܐ ܘܟܘܪܟܡܐ ܘܩܘܢܡܐ܂
07:18 [ai]ܬܐ ܢܬܒܣܡ ܒܪܚܡܬܐ ܥܕܡܐ ܠܨܦܪܐ܂ ܘܢܥܦܩ ܚܕ ܠܚܕ ܒܪܓܬܐ܂
07:19 [ai]ܠܐ ܗܘܐ ܓܝܪ ܒܒܝܬܐ ܓܒܪܝ܂ ܐܙܠ ܠܗ ܒܐܘܪܚܐ ܪܚܝܩܬܐ܂
07:20 [ai]ܘܨܪܪܐ ܕܟܣܦܐ ܫܩܠ ܒܐܝܕܗ܂ ܘܠܝ̈ܘܡܬܐ ܗܘ ܣ̈ܓܝܐܐ ܐܬܐ ܠܒܝܬܗ܂
07:21 [ai]ܘܐܛܥܝܬܗ ܒܣܘܓܐܐ ܕܡ̈ܠܝܗܿ܂ ܘܒܫܘܘܕܠܐ ܕܣ̈ܦܘܬܗܿ ܠܘܬܗܿ ܢܬܦܬܗ܂
07:22 [ai]ܘܗܘ ܐܙܠ ܗܘܐ ܒܬܪܗܿ ܐܝܟ ܫܒܪܐ܂ ܘܐܝܟ ܬܘܪܐ ܕܐܙܠ ܠܘܬ ܛܒܚܐ܂ ܘܐܝܟ ܟܠܒܐ ܠܐܣܘܪܐ/ܠܐܣܘܪܝܐ#3#/܂
07:23 [ai]ܘܐܝܟ ܐܝܠܐ ܕܡܦܪܚ ܓܐܪܐ ܒܟܒܕܗ܂ ܘܡܣܬܪܗܒ ܐܝܟ ܚܝܘܬ ܟܢܦܐ ܠܦܚܐ܂ ܘܠܐ ܝܕܥ ܕܠܡܘܬܐ ܗܘ ܕܢܦܫܗ ܐܙܠ܂
07:24 [ai]ܡܟܝܠ ܒ̈ܢܝܐ ܫܘܡܥܘܢܝ܂ ܘܨܘܬܘ ܡ̈ܠܘܗܝ ܕܦܘܡܝ܂
07:25 [ai]ܠܐ ܢܨܛܠܐ ܠܒܟ ܠܐܘܪ̈ܚܬܗܿ܂ ܘܠܐ ܬܛܥܐ ܒܫ̈ܒܝܠܝܗܿ܂
07:26 [ai]ܡܛܠ ܕܣܘܓܐܐ ܕܩ̈ܛܝܠܐ ܐܪܡܝܬ܂ ܘܥܫܝܢ̈ܝܢ ܟܘܠܗܘܢ ܩ̈ܛܝܠܝܗܿ܂
07:27 [ai]ܐܘܪ̈ܚܬܐ ܕܒܝܬܗܿ ܐܘܪ̈ܚܬܐ ܐܢܝ̈ܢ ܕܫܝܘܠ܂ ܕܢܚ̈ܬܢ ܠܬܘ̈ܢܐ ܕܡܘܬܐ܀܂

next chapter