← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62029: P Prov

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


08:01 [ai]ܡܛܠ ܗܢܐ ܚܟܡܬܐ ܐܟܪܙ ܘܣܘܟܠܐ ܢܥܢܝܟ܂
08:02 [ai]ܥܠ ܪܝܫ ܪ̈ܡܬܐ ܓܝܪ ܐܝܬܝܗܿ ܚܟܡܬܐ܂ \ܘܒܝܬ /ܘܒܢܬ#3# /ܘܒܒܝܬ#3# /ܘܒܝܢܬ#3#/ ܐܘܪ̈ܚܬܐ ܘܥܠ ܝܕ ܫܒܝ̈ܠܐ ܩܝܡܐ܂
08:03 [ai]ܘܥܠ ܬܪ̈ܥܐ ܒܦܘܡܗܿ ܩܪܝܐ܂ ܘܒܡ̈ܥܠܢܐ ܕܬܪ̈ܥܐ ܕܟܪ̈ܟܐ ܡܫܬܒܚܐ܂
08:04 [ai]ܘܐܡܪܐ ܠܟܘܢ ܓܒܪ̈ܐ ܩܪܝܐ ܐܢܐ܂ ܘܩܠܝ ܥܠ ܒܢ̈ܝ ܐܢܫܐ܂
08:05 [ai]ܕܢܣܬܟܠܘܢ ܫܒܪ̈ܐ ܥܪܝܡܘܬܐ܂ ܘܚܣܝܪ̈ܝ ܪܥܝܢܐ ܢܣܬܟܠܘܢ/ܢܕܥܘܢ#3#/ ܒܠܒܗܘܢ܂
08:06 [ai]ܫܘܡܥܘܢܝ ܡܛܘܠ ܕܫܪܝܪܬܐ ܗܘ ܡܡܠܠܐ ܐܢܐ܂ ܘܡܦܬܚ ܦܘܡܝ ܬܪܝܨܘܬܐ܂
08:07 [ai]ܩܘܫܬܐ ܗܘ ܓܝܪ ܪܢܐ ܦܘܡܝ܂ ܘܛܡ̈ܐܢ ܩܕܡܝ ܣܦܘ̈ܬܐ ܕܓܠܬ̈ܐ܂
08:08 [ai]ܘܒܙܕܝܩܘܬܐ ܐ̈ܢܝܢ ܟܠܗܝܢ ܡ̈ܠܝ ܦܘܡܝ܂ ܘܠܝܬ ܒܗܝܢ ܦܘܬܠܐ ܘܥܘܩܡܐ܂
08:09 [ai]ܘܟܠܗܝܢ ܓܠܝ̈ܢ ܐ̈ܢܝܢ ܠܐܝܢܐ ܕܡܫܬܘܕܥ ܠܗܝܢ܂ ܘܬܪ̈ܝܨܢ ܐܢܝ̈ܢ \ܠܐܝܢܐ ܕܨܒܐ /ܠܐܝܠܝܢ ܕܨܒܝܢ#3#/ ܠܡܕܥ ܐ̈ܢܝܢ܀
08:10 [ai]ܩܒܠܘ ܡܪܕܘܬܐ ܘܠܐ ܟܣܦܐ܂ ܘܓܒܘ ܠܟܘܢ ܝܕܥܬܐ ܛܒ ܡܢ ܕܗܒܐ ܣܢܝܢܐ܂
08:11 [ai]ܡܛܠ ܕܛܒܐ ܗܝ ܚܟܡܬܐ ܛܒ ܡܢ ܕܗܒܐ ܣܢܝܢܐ܂ ܘܛܒ ܡܢ ܟܐ̈ܦܐ ܛܒܬ̈ܐ܂ ܘܡܕܡ ܠܐ ܦܚܡ ܠܗܿ܂
08:12 [ai]ܐܢܐ ܚܟܡܬܐ ܒܪܝܬ/ܩܢܝܬ#3#/ ܥܪܝܡܘܬܐ܂ ܘܝܕܥܬܐ ܘܬܪܥܝܬܐ ܐܢܐ ܩܢܝܐ܂
08:13 [ai]ܕܚܠܬܗ ܕܡܪܝܐ ܣܢܝܐ ܒܝܫܘܬܐ/ܒܝܫ̈ܬܐ#3#/܂ ܘܓܐܝܘܬܐ ܘܪܡܘܬܐ ܘܐܘܪܚܐ ܒܝܫܬܐ܂ ܘܦܘܡܐ ܗܦܝܟܐ ܣܢܝܐ ܐܢܐ܂
08:14 [ai]ܕܝܠܝ ܗܝ ܬܪܥܝܬܐ ܘܝܘܠܦܢܐ܂ ܕܝܠܝ ܗܘ ܣܘܟܠܐ ܘܕܝܠܝ ܗܝ ܓܢܒܪܘܬܐ܂
08:15 [ai]ܡܛܠܬܝ ܡ̈ܠܟܐ ܡܡܠܟܝܢ܂ ܘܫ̈ܠܝܛܢܐ ܒܕܩܝܢ ܙܕܝܩܘܬܐ܂
08:16 [ai]ܡܛܘܠܬܝ ܫ̈ܠܝܛܢܐ ܡܫܬܠܛܝܢ܂ ܘܪ̈ܘܪܒܢܐ ܘܟܠܗܘܢ ܕܝܿܢ̈ܐ ܕܙܕܝܩܘܬܐ܂
08:17 [ai]ܐܢܐ ܪܚܡܐ ܐܢܐ ܪ̈ܚܡܝ܂ ܘܐܝܠܝܢ ܕܒܥܝܢ ܠܝ ܢܫܟܚܘܢܢܝ܂
08:18 [ai]ܥܘܬܪܐ ܘܐܝܩܪܐ ܕܝܠܝ ܗܘ܂ ܘܩܢܝܢܐ ܥܬܝܩܐ ܘܙܕܝܩܘܬܐ܂
08:19 [ai]ܘܦܐܪ̈ܝ ܛܒܝܢ ܐܢܘܢ ܡܢ ܕܗܒܐ ܣܢܝܢܐ܂ ܘܥ̈ܠܠܬܝ ܡܢ ܣܐܡܐ ܓܒܝܐ܂
08:20 [ai]ܒܐܘܪܚܐ ܕܙܕܝܩܘܬܐ ܡܗܠܟܐ ܐܢܐ܂ ܘܒܓܘ ܫܒܝ̈ܠܐ ܕܕܝܢܐ܂
08:21 [ai]\ܕܐܘܪܬ /ܕܐܘܪܒܬ#2# /ܕܐܘܬܪ#3#/ ܠܪ̈ܚܡܝ ܣܒܪܐ܂ ܘܣܝܡ̈ܬܗܘܢ ܐܡܠܐ܂
08:22 [ai]ܡܪܝܐ ܒܪܢܝ ܒܪܝܫ ܒܪ̈ܝܬܗ܂ ܘܡܢ ܩܕܡ ܥܿܒ̈ܕܘܗܝ ܟܠܗܘܢ܂
08:23 [ai]ܘܡܢ ܩܕܡ ܥ̈ܠܡܐ ܐܬܩܢܢܝ܂ ܘܡܢ ܪܫܝܬܐ ܘܡܢ ܩܕܡ ܕܢܬܩܢ/ܕܢܥܒܕ#3#/ ܐܪܥܐ܂
08:24 [ai]ܥܕܠܐ ܢܗܘܘܢ ܬܗ̈ܘܡܐ ܐܬܝܠܕܬ܂ ܘܥܕܠܐ ܢܗܘܘܢ ܡ̈ܝܐ ܒܡ̈ܒܘܥܐ܂
08:25 [ai]ܘܥܕܠܐ ܢܬܩܢܘܢ ܛܘܪ̈ܐ܂ ܘܩܕܡ ܪ̈ܡܬܐ ܐܬܒܛܢܬ܂
08:26 [ai]ܥܕܠܐ ܢܥܒܕ ܐܪܥܐ ܘܢܚ̈ܠܐ܂ ܘܪܝܫ ܥܦܪܗܿ ܕܬܒܝܠ܂
08:27 [ai]ܟܕ ܡܬܩܢ ܫܡܝܐ ܥܡܗ ܗܘܝܬ܂ ܘܟܕ ܥܒܕ ܚܘܓܬܐ ܥܠ ܐ̈ܦܝ ܬܗ̈ܘܡܐ܂
08:28 [ai]ܘܟܕ ܐܥܫܢ ܥܢ̈ܢܐ ܡܢ ܠܥܠ܂ ܘܟܕ ܐܥܫܢ ܡܒ̈ܘܥܐ ܕܬܗ̈ܘܡܐ܂
08:29 [ai]ܟܕ ܣܡ ܢܡܘܣܐ ܠܝܡܐ܂ ܘܡ̈ܝܐ ܠܐ ܥܒܪܝܢ ܦܘܡܗ܂ ܘܟܕ ܥܒܕ ܫܬܐ̈ܣܝܗܿ ܕܐܪܥܐ܂
08:30 [ai]ܥܡܗ ܡܬܩܢܐ ܗܘܝܬ܂ ܒܝ ܚܕܐ ܗܘܐ ܟܠ ܝܘܡ܂ ܘܒܟܠܙܒܢ ܩܕܡܘܗܝ/ܩܘܕܡܘܗܝ#3#/ ܚܕܝܐ ܗܘܝܬ܂
08:31 [ai]ܚܕܝܐ ܗܘܝܬ ܒܬܒܝܠ ܐܪܥܗ܂ ܘܡܫܬܒܚܐ ܗܘܝܬ ܒܒ̈ܢܝ ܐܢܫܐ܂
08:32 [ai]ܡܟܝܠ ܒܢ̈ܝܐ ܫܘܡܥܘܢܝ/ܫܡܥܘܢܝ#2#/܂ ܛܘܒܘܗܝ ܠܡܿܢ ܕܢܛܪ ܐܘܪ̈ܚܬܝ܂
08:33 [ai]ܫܡܥܘ ܡܪܕܘܬܐ ܘܐܬܚܟܡܘ ܘܠܐ ܬܛܥܘܢ܂
08:34 [ai]ܛܘܒܘܗܝ ܠܒܪܢܫܐ ܕܢܫܡܥܢܝ܂ ܘܢܫܗܪ ܥܠ ܬܪ̈ܥܝ ܒܟܠܝܘܡ܂ ܘܢܛܪ ܐ̈ܣܟܦܬܐ ܕܬܪ̈ܥܝ܂
08:35 [ai]ܡܛܠ ܕܡܦܩ̈ܢܝ ܡܦܩ̈ܢܐ ܐܢܘܢ ܕܚ̈ܝܐ܂ ܘܢܦܩ ܨܒܝܢܐ ܡܢ ܡܪܝܐ܂
08:36 [ai]ܘܐܝܠܝܢ ܕܚܛܝܢ ܥܠܝ ܢܦܫܗܘܢ ܢܟܝܢ܂ ܘܟܠܗܘܢ ܣ̈ܢܐܝ ܪ̈ܚܡܐ ܐܢܘܢ ܕܡܘܬܐ܂

next chapter