← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62029: P Prov

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


10:01 [ai]ܒܪܐ ܚܟܝܡܐ ܡܚܕܐ ܠܐܒܘܗܝ܂ ܘܒܪܐ ܚܣܝܪ ܪܥܝܢܐ ܡܒܗܬ ܠܐܡܗ܂
10:02 [ai]ܠܝܬ ܝܘܬܪܢ ܒܣ̈ܝܡܬܗ ܕܥܘܠܐ܂ ܙܕܝܩܘܬܐ ܕܝܢ ܡܦܨܝܐ ܡܢ ܡܘܬܐ܂
10:03 [ai]ܠܐ ܓܝܪ ܡܟܦܢ ܡܪܝܐ ܢܦܫܗ ܕܙܕܝܩܐ܂ ܘܩܢܝܢܐ ܕܥܘ̈ܠܐ ܡܣܚܦ܂
10:04 [ai]ܡܣܟܢܘܬܐ ܡܡܟܟܐ ܠܓܒܪܐ܂ ܐ̈ܝܕܝܐ ܕܝܢ ܕܟܫܝܪ̈ܐ ܡܥܬܪ̈ܢ܂
10:05 [ai]ܕܦܠܚ ܒܩܝܛܐ ܒܪܐ ܗܘ ܣܟܘܠܬܢܐ܂ ܘܕܕܡܟ ܒܚܨܕܐ ܒܪܐ ܗܘ ܡܒܗܬܢܐ܂
10:06 [ai]ܒܘܪܟܬܐ ܬܗܘܐ/ܕܡܪܝܐ#3#/ ܥܠ ܪܝܫܗ ܕܙܕܝܩܐ܂ ܘܠܦܘܡܐ ܕܥܿܘ̈ܠܐ ܢܟܣܐ ܥܘܼܠܐ܂
10:07 [ai]ܥܘܗܕܢܗ ܕܙܕܝܩܐ ܠܒܘܪܟܬܐ܂ ܘܫܡܐ/ܘܫܪܓܐ#3#/ ܕܥܘ̈ܠܐ ܢܕܥܟ܂
10:08 [ai]ܕܚܟܝܡ ܠܒܗ ܢܩܒܠ ܦܘܩܕܢܐ܂ ܘܕܫ̈ܛܝܢ ܣ̈ܦܘܬܗ ܡܬܬܚܕ܂
10:09 [ai]ܕܡܗܠܟ ܒܬܡܝܡܘܬܐ ܢܐܙܠ/ܐܙܿܠ#3#/ ܒܣܒܪܐ܂ ܘܕܡܥܩܡ̈ܢ ܐܘܪ̈ܚܬܗ ܢܬܝܕܥ܂
10:10 [ai]ܕܪܡܙ ܒܥܝ̈ܢܘܗܝ ܒܢܟܠܐ ܝܗܒ ܟܐܒܐ܂ ܘܕܡܟܣ ܓܠܝܐܝܬ ܥܒܕ ܫܠܡܐ܂
10:11 [ai]ܡܒܘܥܐ/ܡܦܩܢܐ#3#/ ܕܚܝ̈ܐ ܦܘܡܗ ܕܙܕܝܩܐ܂ ܘܠܦܘܡܗܘܢ ܕܥܿܘ̈ܠܐ ܢܟܣܐ ܥܘܼܠܐ܂
10:12 [ai]ܣܢܐܬܐ ܬܓܪܓ ܕܝܢܐ܂ ܘܠܟܠܗܘܢ ܥܘ̈ܠܐ ܬܟܣܐ ܒܗܬܬܐ܂
10:13 [ai]ܡܿܢ ܕܡܢ ܣ̈ܦܘܬܗ ܡܦܩ ܚܟܡܬܐ܂ ܒܫܒܛܐ ܫܩܦ ܠܓܒܪܐ ܚܣܝܪ ܠܒܐ܂
10:14 [ai]ܚ̈ܟܝܡܐ ܢܛܫܘܢ ܝܕܥܬܐ܂ ܘܦܘܡܐ ܡܣܪܗܒܐ ܩܪܝܒ ܗܘ ܠܬܒܪܐ܂
10:15 [ai]ܩܢܝܢܐ ܕܥܬܝܪ̈ܐ ܟܪ̈ܟܐ ܥܫܝ̈ܢܐ܂ ܘܬܒܪܐ ܕܡܣ̈ܟܢܐ ܡܣܟܢܘܬܗܘܢ܂
10:16 [ai]ܥܿܒܕܗ ܕܙܕܝܩܐ ܠܚ̈ܝܐ܂ ܘܥ̈ܠܠܬܗ ܕܥܘܠܐ ܠܚܛܝܬܐ܂
10:17 [ai]ܐܘܪܚܐ ܕܚ̈ܝܐ ܢܛܪܐ ܡܪܕܘܬܐ܂ ܘܕܣܢܐ ܡܟܣܢܘܬܐ ܛܥܐ/ܣܟܠܐ ܗܘ#3#/܂
10:18 [ai]ܡ̈ܟܡܢܢ ܒܥܠܕܒܒܘܬܐ ܣ̈ܦܘܬܐ ܕܥܘ̈ܠܐ܂ ܘܕܡܦܩ/ܘܕܣܦܩ#3#/ ܠܘܛܬܐ ܚܣܝܪ ܪܥܝܢܐ ܗܘ܀
10:19 [ai]ܒܣܘܓܐܐ ܕܡ̈ܠܐ ܠܐ ܡܬܦܨܐ ܥܘܠܐ܂ ܘܕܚܣܟ ܣ̈ܦܘܬܗ ܣܟܘܠܬܢ܂
10:20 [ai]ܣܐܡܐ ܓܒܝܐ ܠܫܢܗ/ܣܦܘ̈ܬܗ#3#/ ܕܙܕܝܩܐ܂ ܘܠܒܐ ܕܥܘ̈ܠܐ ܡܪܬܐ/ܡܪܝܪܬܐ#3#/ ܗܘ܂
10:21 [ai]ܣ̈ܦܘܬܗ ܕܙܕܝܩܐ ܣܓܝ ܡܪ̈ܚܡܢܝܢ܂ ܘܫ̈ܛܝܐ ܒܚܣܝܪܘܬ ܪܥܝܢܗܘܢ ܢܡܘܬܘܢ܂
10:22 [ai]ܒܘܪܟܬܗ ܕܡܪܝܐ ܡܥܬܪܐ܂ ܘܟܐܒܐ ܠܐ ܢܗܘܐ ܥܡܗܿ܂
10:23 [ai]ܣܟܠܐ ܟܕ ܓܚܟ ܥܒܕ ܒܝܫܬܐ܂ ܘܚܟܡܬܐ ܠܓܒܪܐ ܣܘܟܠܗ܂
10:24 [ai]ܥܘܠܐ ܠܐܒܕܢܐ ܡܬܢܥܓ܂ ܘܣܒܪܐ ܡܬܝܗܒ ܠܙܕܝܩ̈ܐ܂
10:25 [ai]ܐܝܟ ܕܡܢ ܫܠܝܐ ܥܒܪܐ ܥܠܥܠܐ܂ ܗܟܢܐ ܢܐܒܕ ܥܘܠܐ ܘܠܐ ܢܫܬܟܚ܂ ܙܕܝܩܐ ܕܝܢ ܢܬܬܣ̈ܝܡܢ ܫܬܐ̈ܣܘܗܝ ܠܥܠܡ܂
10:26 [ai]ܐܝܟܢܐ ܕܒܣܪ̈ܐ ܠܫ̈ܢܐ ܢܟ̈ܝܢ ܘܬܢܢܐ ܠܥܝ̈ܢܐ܂ ܗܟܢܐ ܢܟܐ ܥܘܼܠܐ ܠܥܒ̈ܘܕܘܗܝ܂
10:27 [ai]ܕܚܠܬܗ ܕܡܪܝܐ ܬܘܣܦ ܝܘܡ̈ܬܐ܂ ܘܫ̈ܢܝܗܘܢ ܕܥܘ̈ܠܐ ܢܬܒܨܪ̈ܢ܂
10:28 [ai]ܣܒܪܗܘܢ ܕܙܕܝ̈ܩܐ ܒܚܕܘܬܐ܂ ܘܣܒܪܐ ܕܥܘ̈ܠܐ ܢܐܒܕ܂
10:29 [ai]ܡܥܫܢܐ ܐܘܪܚܗ ܕܡܪܝܐ ܠܬܡ̈ܝܡܐ܂ ܘܬܒܪܐ ܠܥܒ̈ܕܝ ܥܘܼܠܐ܂
10:30 [ai]ܙܕܝܩܐ ܠܥܠܡ ܠܐ ܢܙܘܥ܂ ܘܥܘ̈ܠܐ ܠܐ ܢܥܡܪܘܢ ܒܐܪܥܐ܂
10:31 [ai]ܦܘܡܗ ܕܙܕܝܩܐ ܡܡܠܠ ܚܟܡܬܐ܂ ܘܠܫܢܐ ܗܦܝܟܐ/ܗܦܟܝܐ#3#/ ܢܬܦܣܩ܂
10:32 [ai]ܣ̈ܦܘܬܗ ܕܙܕܝܩܐ ܝܕܥ̈ܢ ܛܝܒܘܬܐ܂ ܘܦܘܡܗܘܢ ܕܥܘ̈ܠܐ ܗ̈ܦܝܟܬܐ܂

next chapter