← Back
The Comprehensive Aramaic Lexicon
← Return to the Text Browser
click on the file description for more information
62029: P Prov

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


11:01 [ai]ܡܣܐ̈ܬܐ ܕܢܟܠܐ ܡܣܠܐ ܡܪܝܐ܂ ܘܒܡܬ̈ܩܠܐ ܬܪ̈ܝܨܐ ܨܒܐ܂
11:02 [ai]ܐܬܪ ܕܥܐܠܐ ܙܠܝܠܘܬܐ ܥܐܠ ܨܥܪܐ܂ ܘܠܡܟܝ̈ܟܐ ܚܟܡܬܐ܂
11:03 [ai]ܣܒܪܐ ܕܬܪ̈ܝܨܐ ܢܬܒܢܐ܂ ܘܪܡܘܬܐ ܕܥܘ̈ܠܐ ܬܣܬܚܦ܂
11:04 [ai]ܠܐ ܡܗܢܐ ܥܘܬܪܐ ܒܝܘܡܐ ܕܪܘܓܙܐ܂ ܙܕܝܩܘܬܐ ܕܝܢ ܡܦܨܝܐ ܡܢ ܡܘܬܐ܂
11:05 [ai]ܙܕܝܩܘܬܗ ܕܬܡܝܡܐ ܬܬܪܘܨ ܐܘܪܚܗ܂ ܘܒܥܘܼܠܗ ܢܦܠ ܥܿܘܠܐ܂
11:06 [ai]ܙܕܝܩܘܬܗܘܢ ܕܬܪ̈ܝܨܐ ܬܦܨܐ ܐܢܘܢ܂ ܘܥܘ̈ܠܐ ܒܥܘܼܠܗܘܢ ܢܬܬܚܕܘܢ܂
11:07 [ai]ܡܐ ܕܡܝܬ ܓܒܪܐ ܥܘܠܐ ܐܒܕ/ܐܥܒܕ#3#/ ܣܒܪܗ܂ ܘܣܒܪܗܘܢ ܕܒܝܫ̈ܐ ܐܒܕ܂
11:08 [ai]ܙܕܝܩܐ ܡܢ ܐܘܠܨܢܐ ܢܬܦܨܐ܂ ܘܢܥܘܠ ܥܘܠܐ ܚܠܦܘܗܝ܂
11:09 [ai]ܥܘܠܐ ܒܦܘܡܗ ܡܚܒܠ ܚܒܪܗ܂ ܘܙܕܝܩ̈ܐ ܒܝܕܥܬܐ ܢܬܥܫܢܘܢ܂
11:10 [ai]ܒܛܒ̈ܬܗܘܢ ܕܙܕܝܩ̈ܐ ܬܥܫܢ ܡܕܝܢܬܐ܂ ܘܒܐܒܕܢܗܘܢ ܕܥܘ̈ܠܐ ܬܚܕܐ܂
11:11 [ai]ܒܒܘܪ̈ܟܬܗܘܢ ܕܬܪ̈ܝܨܐ ܬܬܪܝܡ ܡܕܝܢܬܐ܂ ܘܒܦܘܡܗܘܢ/ܘܒܐܒܕܢܗܘܢ#3#/ ܕܥܘ̈ܠܐ ܬܣܬܚܦ܂
11:12 [ai]ܕܫܐܛ ܠܚܒܪܗ ܚܣܝܪ ܪܥܝܢܐ ܗܘ܂ ܘܓܒܪܐ ܣܟܘܠܬܢܐ ܒܫܬܩܐ ܥܡܪ܂
11:13 [ai]ܐܟܠܩܪܨܐ ܓܠܐ ܐܪܙܐ܂ ܘܕܡܗܝܡܢ ܒܪܘܚܗ ܟܣܐ ܡܠܬܐ܂
11:14 [ai]ܥܡܐ ܕܡܕܒܪܢܐ ܠܝܬ ܠܗ ܢܦܠ܂ ܘܦܘܪܩܢܗ ܒܡܠܼܟܐ ܣܓܝܐܐ܂
11:15 [ai]ܒܝܫܐ ܡܒܐܫ ܡܐ ܕܐܪܥ ܠܙܕܝܩܐ܂ ܡܛܠ ܕܣܢܐ ܠܕܡܣܟܝܢ ܠܣܒܪܐ܂
11:16 [ai]ܐܢܬܬܐ ܡܪܚܡܢܝܬܐ ܡܣܡܟܐ ܬܫܒܘܚܬܐ ܠܓܒܪܐ܂ ܟܘܪܣܝܐ ܕܝܢ ܕܨܥܪܐ ܐܢܬܬܐ ܣܢܝܬ ܫܪܪܐ܂ ܚܒ̈ܢܢܐ ܐܦ ܒܥܘܬܪܗܘܢ/ܒܥܘܠܘܬܗܘܢ#3#/ ܗܘܝܢ ܨܪ̈ܝܟܝܢ܂ ܘܥܫ̈ܝܢܐ ܡܣܡܟܝܢ ܝܕܥܬܐ܂
11:17 [ai]ܓܒܪܐ ܚܣܝܐ ܪܡܐ ܠܢܦܫܗ ܚ̈ܘܒܠܐ ܛܒ̈ܐ܂ ܘܡܘܒܕ ܦܓܪܗ ܓܒܪܐ ܕܠܐ ܡܪܚܡ܂
11:18 [ai]ܪܫܝܥܐ ܥܒܕ ܥܿܒ̈ܕܐ ܕܥܬܐ܂ ܘܕܙܪܥ ܙܕܝܩܘܬܐ ܩܘܫܬܐ ܗܘ ܐܓܪܗ܂
11:19 [ai]ܒܪܐ ܕܙܕܝܩܘܬܐ ܠܚܝ̈ܐ܂ ܘܕܥܒܕ ܒܝܫܬܐ ܠܡܘܬܐ܂
11:20 [ai]ܡܣܠܐ ܡܪܝܐ ܠܥܩ̈ܝܡܝ/ܠܥܡܝ̈ܩܝ#3#/ ܠܒܐ܂ ܘܨܒܐ ܒܐܝܠܝܢ ܕܕܠܐ ܡܘܡ ܐܢܘܢ ܒܐܘܪܚܐ܂
11:21 [ai]ܕܡܘܫܛ ܐܝܕܗ ܥܠ ܚܒܪܗ ܠܐ ܢܙܟܐ ܡܢ ܒܝܫܬܐ܂ ܘܙܪܥܐ ܕܙܕܝܩ̈ܐ ܢܬܦܨܐ܂
11:22 [ai]ܐܝܟ ܩܕܫܐ ܕܕܗܒܐ ܒܢܚܝܪܗܿ ܕܚܙܝܪܬܐ܂ ܗܟܢܐ ܗܝ ܐܢܬܬܐ ܫܦܝܪܬܐ ܣܪܝܬ/ܕܠܝܬ ܠܗܿ#3#/ ܛܥܡܐ܂
11:23 [ai]ܪܓܬܐ ܕܙܕܝܩ̈ܐ ܒܛܒ̈ܬܐ܂ ܘܣܒܪܗܘܢ ܕܥܘ̈ܠܐ ܒܪܘܓܙܐ܂
11:24 [ai]ܐܝܬ ܕܕܝܠܗ ܙܪܥ ܘܣܓܝ ܡܥܠ܂ ܘܐܝܬ ܕܕܠܐ ܕܝܠܗ ܡܟܢܫ ܘܙܥܘܪ ܗܘ ܠܗ܂
11:25 [ai]ܢܦܫܐ ܒܪܝܟܬܐ ܬܕܗܢ܂ ܘܠܝܛܐ ܬܘܒ ܢܬܬܠܝܛ܂
11:26 [ai]ܕܟܠܐ ܥܒܘܪܐ ܒܐܘܠܨܢܐ܂ ܢܫܒܩܝܘܗܝ ܠܒ̈ܥܠܕܒܒܘܗܝ܂ ܘܒܘܪܟܬܐ ܬܗܘܐ ܥܠ ܪܫܗ ܕܐܝܢܐ ܕܡܙܒܢ܂
11:27 [ai]ܕܒܥܐ ܛܒܬܐ ܒܥܐ ܨܒܝܢܐ܂ ܘܕܒܥܐ ܒܝܫܬܐ ܬܐܬܐ ܥܠܘܗܝ܂
11:28 [ai]ܕܬܟܝܠ ܥܠ ܥܘܬܪܗ ܢܦܠ܂ ܘܙܕܝܩ̈ܐ ܐܝܟ ܛܪ̈ܦܐ ܢܦܪܥܘܢ܂
11:29 [ai]ܕܒܢܐ ܒܝܬܗ ܒܥܬܐ܂ ܢܫܒܘܩ ܠܒ̈ܢܘܗܝ ܬܢܚ̈ܬܐ܂ ܕܠܐ ܟܐܫ ܒܒܝܬܗ܂ ܢܦܠܓ ܠܒ̈ܢܘܗܝ ܪ̈ܘܚܐ܂ ܘܣܟܠܐ ܢܗܘܐ ܥܒܼܕܐ ܠܚܟܝܡܐ܂
11:30 [ai]ܦܐܪ̈ܘܗܝ ܕܙܕܝܩܐ ܐܝܠܢܐ ܕܚ̈ܝܐ܂ ܘܡܬܒܕܪ̈ܢ ܢܦܫܬ̈ܐ ܕܥܘ̈ܠܐ܂
11:31 [ai]ܐܢ ܙܕܝܩܐ ܠܡܚܣܢ ܚܝܐ܃ ܪܫܝܥܐ ܘܚܛܝܐ ܐܝܟܐ ܡܫܬܟܚ܂

next chapter