← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62029: P Prov

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


12:01 [ai]ܕܪܚܡ ܡܪܕܘܬܐ ܪܚܡ ܝܕܥܬܐ܂ ܘܕܣܢܐ ܡܟܣܢܘܬܐ ܣܟܠܐ ܗܘ܂
12:02 [ai]ܢܛܐܒ ܠܓܒܪܐ ܕܢܛܪ ܨܒܝܢܗ ܕܡܪܝܐ܃ ܘܓܒܪܐ ܥܘܠܐ ܢܬܚܝܒ܂
12:03 [ai]ܠܐ ܢܬܩܢ ܒܪ ܐܢܫܐ ܒܥܘܼܠܗ܂ ܘܥܩܪܐ ܕܙܕܝܩ̈ܐ ܠܐ ܢܙܘܥ܂
12:04 [ai]ܐܢܬܬܐ ܓܒܪܢܝܬܐ ܟܠܝܠܐ ܗܝ ܕܒܥܠܗܿ܂ ܘܐܝܟ ܒܠܛܝܬܐ ܘܬܘܠܥܐ ܒܩܝܣܐ܂ ܗܟܢܐ ܡܘܒܕܐ ܠܓܒܪܐ ܐܢܬܬܐ ܥܒܕܬ ܒܝܫ̈ܬܐ܀
12:05 [ai]ܡܚܫ̈ܒܬܗܘܢ ܕܙܕܝܩ̈ܐ ܕܝܢܐ܂ ܘܗܘܦܟܗܘܢ ܕܥܘ̈ܠܐ ܢܟܠܐ܂
12:06 [ai]ܡ̈ܠܐ ܕܥܘ̈ܠܐ ܟܡ̈ܢܢ ܠܕܡܐ܂ ܘܦܘܡܗܘܢ ܕܬܪ̈ܝܨܐ ܡܦܨܐ ܠܗܘܢ܂
12:07 [ai]ܢܬܗܦܟܘܢ ܥܘ̈ܠܐ ܘܠܐ ܢܫܬܟܚܘܢ܂ ܘܒܝܬܐ ܕܙܕܝܩ̈ܐ ܢܬܩܝܡ܂
12:08 [ai]ܠܦܘܡܐ ܣܟܘܠܬܢܐ ܡܫܒܚܝܢ ܒܢ̈ܝ ܐܢܫܐ܂ ܘܕܚܣܝܪ ܪܥܝܢܗ ܢܬܬܫܝܛ/ܢܬܫܝܛ#2#/܂
12:09 [ai]ܛܒ ܗܘ ܓܒܪܐ ܡܣܟܢܐ ܕܡܫܡܫ ܢܦܫܗ܂ ‍<‍ܛܒ#3#‍>‍ ܡܢ ܗܿܘ ܕܡܫܬܒܗܪ ܘܨܪܝܟ ܠܠܚܡܐ܂
12:10 [ai]ܙܕܝܩܐ ܝܕܥ ܡܢ ܢܦܫܐ ܕܒܥܝܪܗ܂ ܘܥܘ̈ܠܐ ܐܚܝܕܝܢ ܪ̈ܚܡܝܗܘܢ܂
12:11 [ai]ܕܦܠܚ ܒܐܪܥܐ ܢܣܒܥ ܠܚܡܐ܂ ܘܕܪܗܛ ܒܬܪ ܣܪܝܩܘܬܐ܂ ܚܣܝܪ ܪܥܝܢܐ ܗܘ܂
12:12 [ai]ܪܐܓ ܥܘܠܐ ܠܡܥܒܕ ܒܝܫܬܐ܂ ܘܥܩܪܐ ܕܙܕܝܩ̈ܐ ܢܫܘܚ܂
12:13 [ai]ܒܥܘܼܠܐ ܕܣܦ̈ܘܬܗ ܡܬܬܚܕ ܒܝܫܐ܂ ܘܦܠܛ ܙܕܝܩܐ ܡܢ ܐܘܠܨܢܐ܂
12:14 [ai]ܓܒܪܐ ܛܒܐ ܡܢ ܦܐܪ̈ܝ ܦܘܡܗ ܢܣܒܥ܂ ܘܟܠ ܒܪ ܐܢܫ ܐܝܟ ܥܒܿܕ/ܥܒܼܕ#2#/ ܐ̈ܝܕܘܗܝ ܡܬܦܪܥ܂
12:15 [ai]ܐܘܪܚܗ ܕܣܟܠܐ ܫܦܝܪܐ ܗܝ ܒܥܝܢ̈ܘܗܝ܂ ܘܕܡܫܬܡܥ ܠܡܠܼܟܐ ܚܟܝܡܐ ܗܘ܂
12:16 [ai]ܣܟܠܐ ܒܪ ܝܘܡܗ ܡܘܕܥ ܪܘܓܙܗ܂ ܘܥܪܝܡܐ ܡܛܫܐ ܨܥܪܗ܂
12:17 [ai]ܗܝܡܢܘܬܐ ܕܡܬܚܙܝܐ ܡܡܠܠ ܙܕܝܩܐ܂ ܘܣܗܕܐ ܕܥܘܼܠܐ ܢܟܘܠܬܢܐ ܗܘ܂
12:18 [ai]ܐܝܬ ܕܐܡܪܝܢ ܣܦܣܪܐ ܕܓܫܐ܂ ܠܫܢܐ ܕܝܢ ܕܚܟ̈ܝܡܐ ܡܐܣܐ܂
12:19 [ai]ܣܦܘܬ̈ܐ ܕܩܘܫܬܐ ܬܪ̈ܝܨܢ܂ ܘܣܗܕܐ ܡܣܪܗܒܐ ܥܘܠ ܗܘ ܠܫܢܗ܂
12:20 [ai]ܢܟܠܐ ܒܠܒܗ ܕܒܝܫܐ ܚܫܠ ܒܝܫܬܐ܂ ܘܐܝܠܝܢ ܕܡܬܡܠܟܝܢ ܫܠܡܐ ܬܗܘܐ ܠܗܘܢ ܚܕܘܬܐ܂
12:21 [ai]ܠܐ ܫܦܝܪ ܠܓܒܪܐ ܙܕܝܩܐ ܡܕܡ ܕܥܬܐ܂ ܘܥܘ̈ܠܐ ܡܠܝܢ ܒܝܫ̈ܬܐ܂
12:22 [ai]ܣ̈ܦܘܬܐ ܕܓ̈ܠܬܐ ܡܣܠܐ ܡܪܝܐ܂ ܘܨܒܐ ܒܐܝܠܝܢ ܕܥܒܕܝܢ ܗܝܡܢܘܬܐ܂
12:23 [ai]ܒܪ ܐܢܫܐ ܥܪܝܡܐ ܟܘܪܣܝܐ ܗܘ ܕܝܕܥܬܐ܂ ܘܠܒܐ ܕܣ̈ܟܠܐ ܩܪܐ ܠܒܝܫܬܐ܂
12:24 [ai]ܐܝܕܐ ܕܥܫܝ̈ܢܐ ܬܫܬܠܛ܂ ܘܢܟܝ̈ܠܐ ܢܗܘܘܢ ܠܡܕܐܬܐ܂
12:25 [ai]ܡܠܬܐ ܕܚܝܠܬܐ ܠܒܗ ܕܓܒܪܐ ܕܠܚܐ܂ ܘܡܠܬܐ ܛܒܬܐ ܡܚܕܝܐ ܠܗ܂
12:26 [ai]ܙܕܝܩܐ ܡܠܟ ܡܠܼܟܐ ܛܒܐ ܠܪܚܡܗ܂ ܘܐܘܪܚܗܘܢ ܕܥܘ̈ܠܐ ܬܛܥܐ ܐܢܘܢ܂
12:27 [ai]ܠܐ ܢܣܬܩܒܠ ܨܝܕܐ ܠܓܒܪܐ ܢܟܝܠܐ܂ ܘܩܢܝܢܐ ܝܩܝܪܐ ܒܪ ܐܢܫܐ ܓܒܝܐ܂
12:28 [ai]ܒܐܘܪܚܐ ܕܙܕܝܩܘܬܐ ܚܝ̈ܐ܂ ܘܐܘܪܚܐ ܕܐ̈ܟܬܢܐ ܠܡܘܬܐ܂

next chapter