← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62029: P Prov

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


13:01 [ai]ܒܪܐ ܚܟܝܡܐ ܡܫܬܡܥ ܠܐܒܘܗܝ܂ ܘܒܪܐ ܒܝܫܐ ܕܠܐ ܡܩܒܠ ܟܐܬܐ ܢܐܒܕ܂
13:02 [ai]ܓܒܪܐ ܛܒܐ ܡܢ ܦܐܪ̈ܝ ܦܘܡܗ ܢܣܒܥ܂ ܘܢܦܫ̈ܬܗܘܢ ܕܥܘ̈ܠܐ ܢܐ̈ܒܕܢ܂
13:03 [ai]ܕܢܛܪ ܦܘܡܗ ܡܙܕܗܪ ܒܢܦܫܗ܂ ܘܕܦܬܚ ܣܦ̈ܘܬܗ ܥܒܕ ܬܒܪܐ ܠܢܦܫܗ܂
13:04 [ai]ܒܟܠܙܒܢ ܒܪ̈ܓܝܓܬܐ ܪܡܐ/ܐܪܡܐ#2#/ ܒܪܢܫܐ ܕܥܿܒܕܐ ܠܐ ܥܒܕ܂ ܘܢܦܫܐ ܕܥܫܝ̈ܢܐ ܬܕܗܢ܀
13:05 [ai]ܙܕܝܩܐ ܣܢܐ ܡܠܬܐ ܕܫܘܩܪܐ܂ ܘܥܘܠܐ ܢܒܗܬ ܘܢܚܦܪ܂
13:06 [ai]ܙܕܝܩܘܬܐ ܬܢܛܪ ܠܐܝܢܐ ܕܬܡܝܡ ܒܐܘܪܚܗ܂ ܘܠܚܛܝܐ ܬܘܒܕܝܘܗܝ ܚܛܝܬܗ܂
13:07 [ai]ܐܝܬ ܕܡܥܬܪ̈ܝܢ ܢܦܫܗܘܢ܂ ܘܡܕܡ ܠܝܬ ܠܗܘܢ܂ ܘܐܝܬ ܕܡܡܣܟܢ ܢܦܫܗ ܘܩܢܐ ܣܘܓܐܐ܂
13:08 [ai]ܦܘܪܩܢܐ ܕܢܦܫܗ ܕܓܒܪܐ ܥܘܬܪܗ܂ ܘܡܣܟܢܐ ܠܐ ܡܩܒܠ ܟܐܬܐ܂
13:09 [ai]ܢܘܗܪܐ ܕܙܕܝܩ̈ܐ ܢܪܘܙ܂ ܘܫܪܓܐ/ܘܫܡܐ#3#/ ܕܥܘ̈ܠܐ ܢܕܥܟ܂
13:10 [ai]ܒܪܢܫܐ ܒܝܫܐ ܒܨܥܪܐ ܥܒܕ ܒܝܫܬܐ܂ ܘܐܝܠܝܢ ܕܡܬܡܠܟܝܢ ܚ̈ܟܝܡܐ ܐܢܘܢ܂
13:11 [ai]ܩܢܝܢܐ ܕܡܢ ܥܘܼܠܐ ܢܙܥܪ܂ ܘܕܡܬܟܢܫ/ܘܕܡܟܢܫ#3#/ ܒܙܕܝܩܘܬܐ ܢܣܓܐ܂
13:12 [ai]ܛܒ ܗܘ ܒܪ ܐܢܫܐ ܕܡܫܪܐ/ܕܡܫܕܐ#3#/ ܠܡܥܕܪܘ܂ ܛܒ ܡܢ ܗܿܘ ܕܬܠܐ ܒܣܒܪܐ܂ ܘܐܝܠܢܐ ܕܚ̈ܝܐ ܡܝܬܐ ܣܒܪܐ܂
13:13 [ai]ܕܒܣܐ ܥܠ ܡܠܬܐ ܢܬܚܒܠ/ܡܬܚܒܠ#3#/ ܡܢܗܿ܂ ܘܕܕܚܠ ܡܢ ܦܘܩܕܢܐ ܢܫܬܘܙܒ܂ ܠܓܒܪܐ ܢܟܘܠܬܢܐ ܠܐ ܬܗܘܐ ܠܗ ܛܝܒܘ܂ ܘܓܒܪܐ ܚܟܝܡܐ ܕܬܪ̈ܝܨܢ/ܕܬܕ̈ܝܨܢ#2#/ ܥܒܝ̈ܕܬܗ܂ ܐܦ ܐܘܪܚܗ ܬܣܩ ܠܪܝܫ܀
13:14 [ai]ܢܡܘܣܐ ܕܚܟܡܬܐ ܡܒܘܥܐ ܗܘ ܕܚ̈ܝܐ܂ ܠܐܝܠܝܢ ܕܣܛܝܢ ܡܢ ܦܚ̈ܐ ܕܡܘܬܐ܂
13:15 [ai]ܣܘܟܠܐ ܛܒܐ ܝܗܒ ܪ̈ܚܡܼܐ/ܪ̈ܚܡܿܐ#3#/܂ ܘܐܘܪܚܐ ܕܥܘ̈ܠܐ ܠܐܒܕܢܐ܂
13:16 [ai]ܟܠ ܕܥܒܕ ܥܪܝܡܐ ܒܝܕܥܬܐ܂ ܘܣܟܠܐ ܡܡܠܠ ܣܪ̈ܝܩܬܐ/ܣܪܝܩܐܝܬ#1##2#/܂
13:17 [ai]ܐܝܙܓܕܐ ܥܘܠܐ ܢܦܠ ܒܒܝܫܬܐ܂ ܘܐܝܙܓܕܐ ܡܗܝܡܢܐ ܐܣܝܐ ܗܘ܂
13:18 [ai]ܡܣܟܢܘܬܐ ܘܨܥܪܐ ܡܒܛܠܝܢ ܡܪܕܘܬܐ܂ ܘܕܢܛܪ ܡܟܣܢܘܬܐ ܢܫܬܒܚ܂
13:19 [ai]ܪܓܬܐ ܝܐܝܬܐ ܬܒܣܡ ܢܦܫܐ܂ ܘܛܡܐܘܬܐ ܕܥܘ̈ܠܐ ܦܪܝܩܐ ܗܝ ܡܢ ܝܕܥܬܐ܂
13:20 [ai]ܕܡܗܠܟ ܥܡ ܚܟܝܡܐ ܢܗܘܐ ܚܟܝܡ܂ ܘܕܡܗܠܟ ܥܡ ܣܟܠܐ ܢܒܐܫ ܠܗ܂
13:21 [ai]ܠܚ̈ܛܝܐ ܬܪܕܘܦ ܒܝܫܬܐ܂ ܘܙܕܝ̈ܩܐ ܢܫܬܠܡܘܢ ܠܛܒ̈ܬܐ܂
13:22 [ai]ܓܒܪܐ ܛܒܐ ܡܘܪܬ ܠܒܢܝ ܒܢ̈ܘܗܝ܂ ܘܡܬܢܛܪ ܠܙܕܝܩܐ ܥܘܬܪܗ ܕܚܛܝܐ܂ ܐܝܠܝܢ ܕܠܐ ܚܙܐ ܠܗܘܢ ܥܘܡܪܐ܂ ܫ̈ܢܝܐ ܣܓܝܐܬ̈ܐ ܐܘܒܕܘ ܥܘܬܪܐ܂ ܘܐܢܫ̈ܝܢ ܐܒܕܘ ܓܡܝܪܐܝܬ܂
13:24 [ai]ܟܠ ܕܚܐܣ ܥܠ ܫܒܛܗ ܣܢܐ ܠܒܪܗ܂ ܘܕܪܚܡ ܠܒܪܗ ܚܦܝܛܐܝܬ ܪܕܐ ܠܗ܂
13:25 [ai]ܙܕܝܩܐ ܐܟܠ ܘܣܒܥܐ ܢܦܫܗ܂ ܘܟܪܣܐ ܕܥܘ̈ܠܐ ܬܚܣܪ܂

next chapter