← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62029: P Prov

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


14:01 [ai]ܐܢܬܬܐ ܚܟܝܡܬܐ ܒܢܬ ܒܝܬܐ܂ ܘܣܟܠܬܐ ܒܐ̈ܝܕܝܗܿ ܣܚܦܬܗ܂
14:02 [ai]ܕܡܗܠܟ ܒܬܪܝܨܘܬܐ ܕܚܠ ܡܢ ܡܪܝܐ܂ ܘܕܥܫܝܩ ܒܐܘܪܚܗ ܫܐܛ ܠܗ܂
14:03 [ai]ܒܦܘܡܗ ܕܣܟܠܐ ܙܩܬܐ ܘܨܥܪܐ܂ ܘܣ̈ܦܘܬܗܘܢ ܕܚ̈ܟܝܡܐ ܢܢܛܪ̈ܢ ܐܢܘܢ܂
14:04 [ai]ܐܬܪ ܕܠܝܬ ܬܘܪ̈ܐ ܕܟܝܢ ܐܘܪ̈ܘܬܐ܂ ܘܣܘܓܐܐ ܕܥ̈ܠܠܬܐ ܒܚܝܠܗ ܕܬܘܪܐ܂
14:05 [ai]ܣܗܕܐ ܡܗܝܡܢܐ ܠܐ ܡܬܟܕܒ/ܡܟܕܒ#3#/܂ ܘܕܡܡܠܠ ܟܕܒܘܬܐ ܣܗܕܐ ܗܘ ܕܓܠܐ܂
14:06 [ai]ܒܝܫܐ ܒܥܐ ܚܟܡܬܐ ܘܠܐ ܢܫܟܚܝܗܿ܂ ܘܝܕܥܬܐ ܠܣܟܘܠܬܢܐ ܫܟܝܚܐ ‍<‍ܗܝ#3#‍>‍܂
14:07 [ai]ܠܓܒܪܐ ܣܟܠܐ ܟܠ ܡܕܡ ܣܩܘܒܠܐ ܗܘ ܠܗ܂ ܘܙܝܢܐ ܕܝܕܥܬܐ ܣܦܘ̈ܬܐ ܕܚܟܝ̈ܡܐ܂
14:08 [ai]ܥܪܝܡܐ ܒܚܟܡܬܗ ܡܣܬܟܠ ܐܘܪܚܗ܂ ܘܐܘܪܚܐ ܕܣ̈ܟܠܐ ܒܛܥܝܘܬܐ܂
14:09 [ai]ܒܬ̈ܝܗܘܢ ܕܥܘ̈ܠܐ ܬܪܝܨܐܝܬ ܒܥܝܢ ܕܘܟܝܐ܂ ܘܒܬ̈ܝܗܘܢ ܕܙܕܝܩ̈ܐ ܡܩܒܠܝܢ܂ ܣ̈ܟܠܐ ܥܒܕܝܢ ܚ̈ܛܗܐ܂ ܘܒܢ̈ܝ ܬܪ̈ܝܨܐ ܨܒܝܢܐ܂
14:10 [ai]ܠܒܐ ܝܕܘܥܬܢܐ/ܝܕܘܥܬܢܐ ܒܟܠܙܒܢ#2#/ ܟܪܝܘܬܐ ܗܘ ܠܢܦܫܗ܂ ܘܒܚܕܘܬܗ ܠܐ ܢܬܚܠܛ ܢܘܟܪܝܐ܂
14:11 [ai]ܒܝܬܐ ܕܥܘ̈ܠܐ ܢܐܒܕ܂ ܘܡܫܟܢܐ ܕܬܪ̈ܝܨܐ ܢܪܘܙ܂
14:12 [ai]ܐܝܬ ܐܘܪܚܐ ܕܣܒܪܝܢ ܒܢܝ ܐܢܫܐ ܕܬܪܝܨܐ ܗܝ܂ ܘܐܘܪ̈ܚܬܗܿ ܐܘܪ̈ܚܬܐ ܐ̈ܢܝܢ ܕܡܘܬܐ܂
14:13 [ai]ܐܦ ܒܓܘܚܟܐ ܢܟܐܒ ܠܒܐ܂ ܘܚܪܬܐ ܕܚܕܘܬܗ ܐܘܢܬܐ܂
14:14 [ai]ܡܢ ܐܘܪ̈ܚܬܗ ܢܣܒܥ ܡܿܢ ܕܡܪܚ ܒܠܒܗ܂ ܘܓܒܪܐ ܛܒܐ ܢܣܒܥ ܡܢ ܕܚܠܬܐ ܕܢܦܫܗ܂
14:15 [ai]ܫܒܪܐ ܡܗܝܡܢ ܠܟܠ ܡܠܐ܂ ܘܥܪܝܡܐ ܦܪܫ ܛܒ ܡܢ ܒܝܫ܂
14:16 [ai]ܚܟܝܡܐ ܕܚܠ ܘܣܛܐ ܡܢ ܒܝܫܬܐ܂ ܘܣܟܠܐ ܡܬܚܠܛ ܒܗܿ ܬܟܝܠܐܝܬ܂
14:17 [ai]ܩܠܝܠܐ ܟܘܠ ܕܥܒܕ ܠܐ ܡܬܡܠܟ܂ ܘܓܒܪܐ ܚܟܝܡܐ ܪܡܝܣ܂
14:18 [ai]ܝܪ̈ܬܝܢ ܣ̈ܟܠܐ ܫܛܝܘܬܐ܂ ܘܥܪ̈ܝܡܐ ܡܦܠܓܝܢ ܝܕܥܬܐ܂
14:19 [ai]ܢܦܠܘܢ ܒܝܫ̈ܐ ܩܕܡ ܛܒ̈ܐ܂ ܘܥܘ̈ܠܐ ܢܐܬܘܢ ܠܬܪܥܗ ܕܙܕܝܩܐ܂
14:20 [ai]ܐܦ ܠܚܒܪ̈ܘܗܝ ܣܢܐ ܡܣܟܢܐ܂ ܘܪ̈ܚܡܘܗܝ ܕܥܬܝܪܐ ܣ̈ܓܝܐܝܢ܂
14:21 [ai]ܕܫܐܛ ܠܚܒܪܗ ܚܛܐ܂ ܘܕܡܪܚܡ ܥܠ ܡܣܟܢܐ ܛܘܒܘܗܝ܂
14:22 [ai]ܥܘ̈ܠܐ ܛܥܝܢ ܕܥܒܕܝܢ ܒܝܫ̈ܬܐ܂ ܘܡܪ̈ܚܡܢܐ ܘܙܕܝܩ̈ܐ ܥܒܕܝܢ ܟܠܗܝܢ ܛܒ̈ܬܐ܂ ܥܒ̈ܕܝ ܒܝܫ̈ܬܐ ܪ̈ܚܡܼܐ ܘܗܝܡܢܘܬܐ ܠܐ ܢܣܬܟܠܘܢ܂ ܡܪܚܡܢܘܬܐ ܕܝܢ ܘܗܝܡܢܘܬܐ ܥܡ ܥܒ̈ܕܝ ܛܒ̈ܬܐ ܗܝ܂
14:23 [ai]ܒܟܠ ܕܝܨܦ ܐܢܬ ܚܕܐ ܗܝ ܕܡܘܬܪܐ܂ ܘܐܝܢܐ ܕܒܨܝܪ ܒܥܘܡܪܗ܂ ܢܝܚܐ ܘܒܣܝܡܐ ܢܗܘܐ܀ ܟܠ ܟܐܒ ܡܪܝܐ ܡܐܣܐ܂ ܘܡܡܠܠܐ/ܘܡܡܠܠܢܐ#3#/ ܕܣ̈ܦܘܬܗܘܢ ܕܥܘ̈ܠܐ ܡܚܣܪ ܠܗܘܢ܂
14:24 [ai]ܟܠܝܠܐ ܕܚ̈ܟܝܡܐ ܥܘܬܪܗܘܢ܂ ܘܗܘܦܟܐ ܕܣܟ̈ܠܐ ܫܛܝܘܬܗܘܢ܂
14:25 [ai]ܡܦܨܐ ܢܦܫ̈ܬܐ ܣܗܕܐ ܕܩܘܫܬܐ܂ ܘܡܡܠܠ ܢܟܠܐ ܣܗܕܐ ‍<‍ܗܘ#3#‍>‍ ܕܓܠܐ܂
14:26 [ai]ܕܚܠܬܗ ܕܡܪܝܐ ܒܣܒܪܐ ܥܫܝܢܐ܂ ܘܠܒܢ̈ܘܗܝ ܢܗܘܐ ܡܣܬܪܢܐ܂
14:27 [ai]ܕܚܠܬܗ ܕܡܪܝܐ ܡܒܘܥܐ ܗܝ ܕܚ̈ܝܐ܂ ܠܐܝܠܝܢ ܕܣܛܝܢ ܡܢ ܦܚ̈ܐ ܕܡܘܬܐ܂
14:28 [ai]ܒܥܡܐ ܣܓܝܐܐ ܗܕܝܪ ܡܠܟܐ܂ ܘܒܣܘܦܗ ܕܥܡܐ ܡܬܬܒܪ ܡܠܟܐ܂
14:29 [ai]ܕܢܓܝܪܐ ܪܘܚܗ ܣܓܝ ܚܟܝܡ܂ ܘܕܟܪܝܐ ܪܘܚܗ ܛܒ ܣܟܠ܂
14:30 [ai]ܕܡܦܝܓ ܚܡܬܗ ܐܣܝܐ ܗܘ ܕܢܦܫܗ/ܕܠܒܗ#3#/܂ ܘܣܣܐ ܕܓܪ̈ܡܐ ܛܢܢܐ ܗܘ܂
14:31 [ai]ܕܕܒܪ ܠܡܣܟܢܐ ܒܝܫ ܒܝܫ܂ ܡܪܓܙ ܠܡܿܢ ܕܥܒܕܗ܂ ܘܕܡܝܩܪ ܠܡܪܝܐ ܡܪܚܡ/ܡܬܪܚܡ#3#/ ܥܠ ܡܣ̈ܟܢܐ/ܒܝܿܫܐ#3#/܂
14:32 [ai]ܒܒܝܫܘܬܗ/ܒܒܝܫܬܗ#3#/ ܡܣܬܚܦ ܥܘܠܐ܂ ܘܕܬܟܝܠ ܕܠܝܬ ܠܗ ܚ̈ܛܗܐ ܙܕܝܩܐ ܗܘ܂
14:33 [ai]ܒܠܒܐ ܕܟܐ̈ܢܐ ܬܫܪܐ ܚܟܡܬܐ܂ ܘܒܠܒܐ ܕܣ̈ܟܠܐ ܠܐ ܬܬܝܕܥ܂
14:34 [ai]ܙܕܝܩܘܬܐ ܬܪܡܪܡ ܠܥܡܐ܂ ܘܡܙܥܪܝܢ ܐܡ̈ܘܬܐ ܚ̈ܛܗܐ܂
14:35 [ai]ܨܒܝܢܗ ܕܡܠܟܐ ܒܥܒܼܕܐ ܣܟܘܠܬܢܐ܂ ܘܒܚܟܡܬ ܢܦܫܗ ܡܣܬܚܦ ܥܘܠܐ܂ ܕܬܟܝܠ ܕܠܝܬ ܠܗ ܚ̈ܛܗܐ ܙܕܝܩܐ ܗܘ܂ ܪܘܓܙܐ ܕܝܢ ܐܦ ܠܚ̈ܟܝܡܐ ܡܘܒܕ܂

next chapter