← Back
The Comprehensive Aramaic Lexicon
← Return to the Text Browser
click on the file description for more information
62029: P Prov

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


15:01 [ai]ܡܠܬܐ ܪܟܝܟܬܐ ܡܗܦܟܐ ܚܡܬܐ܂ ܘܡܠܬܐ ܩܫܝܬܐ ܡܥܝܪܐ ܪܘܓܙܐ܂
15:02 [ai]ܠܫܢܐ ‍<‍ܕܝܢ#2#‍>‍ ܕܚ̈ܟܝܡܐ ܡܫܦܪ ܝܕܥܬܐ܂ ܘܦܘܡܐ ܕܣܟ̈ܠܐ ܓܣܐ ܠܘܛܬܐ܂
15:03 [ai]ܒܟܠ ܐܬܪ ܥܝ̈ܢܘܗܝ ܕܡܪܝܐ ܚܝܪ̈ܢ܂ ܒ̈ܛܒܐ ܘܒܒܝ̈ܫܐ܂
15:04 [ai]ܐܣܝܘܬܐ ܕܠܫܢܐ ܐܝܠܢܐ ܗܝ ܕܚ̈ܝܐ܂ ܘܕܐܟܠ/ܘܟܠ ܕܐܟܠ#3#/ ܡܢ ܦܐܪ̈ܘܗܝ ܢܣܒܥ ܡܢܗ܂
15:05 [ai]ܣܟܠܐ ܡܡܝܩ ܒܡܪܕܘܬܐ ܕܐܒܘܗܝ܂ ܘܕܥܪܝܡ ܢܛܪ ܡܟܣܢܘܬܐ܂
15:06 [ai]ܒܒܝܬܗ ܕܙܕܝܩܐ ܣܓܐ ܚܝܠܐ܂ ܘܥ̈ܠܠܬܗܘܢ ܕܥܘ̈ܠܐ ܢܐ̈ܒܕܢ܂
15:07 [ai]ܣ̈ܦܘܬܐ ܕܚ̈ܟܝܡܐ ܡܡ̈ܠܠܢ ܝܕܥܬܐ܂ ܘܠܒ̈ܘܬܐ ܕܣ̈ܟܠܐ ܠܐ ܟܐ̈ܢܝܢ܂
15:08 [ai]ܕܒ̈ܚܐ ܕܥܘ̈ܠܐ ܡܣܠܐ ܡܪܝܐ܂ ܘܒܨܠܘܬܐ ܕܬܪ̈ܝܨܐ ܨܒܝܢܗ܂
15:09 [ai]ܐܘܪܚܐ/ܐܘܪ̈ܚܬܐ#2#/ ܕܥܘ̈ܠܐ ܡܣܠܐ ܡܪܝܐ܂ ܘܪܚܡ ܠܐܝܢܐ ܕܥܒܕ ܙܕܝܩܘܬܐ/ܗܝܡܢܘܬܐ#3#/܀܀܂
15:10 [ai]ܡܪܕܘܬܐ ܕܐܝܠܝܢ ܕܠܐ ܝܕܥܝܢ ܒܝܫܬܐ ܓܠܝܐ ܗܝ܂ ܘܐܝܠܝܢ ܕܣܢܝܢ ܡܟܣܢܘܬܐ ܢܡܘܬܘܢ܂
15:11 [ai]ܫܝܘܠ ܘܐܒܕܢܐ ܩܕܡ ܡܪܝܐ ܐܢܘܢ܂ ܘܐܦ ܠܒܘ̈ܬܐ ܕܒܢ̈ܝ ܐܢܫܐ܂
15:12 [ai]ܠܐ ܪܚܡ ܒܝܫܐ ܠܡܿܢ ܕܡܟܣ ܠܗ܂ ܘܥܡ ܚ̈ܟܝܡܐ ܠܐ ܡܗܠܟ܀܂
15:13 [ai]ܠܒܐ ܚܕܝܐ ܡܫܦܪ ܓܘܫܡܐ܂ ܘܠܒܐ ܟܝܒܐ ܡܟܐܒ ܪܘܚܐ܂
15:14 [ai]ܠܒܐ ܕܟܐ̈ܢܐ ܒܥܐ ܝܕܥܬܐ܂ ܘܦܘܡܐ ܕܥܘ̈ܠܐ ܡܡܠܠ ܒܝܫ̈ܬܐ܂
15:15 [ai]ܟܠܗܘܢ ܝܘܡ̈ܬܗ ܕܡܣܟܢܐ ܒܝܫ̈ܝܢ܂ ܘܒܣܝ̈ܡܐ ܫܠܝܢ ܒܟܠܙܒܢ܂
15:16 [ai]ܛܒ ܠܡܕܚܠ ܠܡܪܝܐ ܩܠܝܠ܂ ܛܒ ܡܢ ܣܝ̈ܡܬܐ ܪ̈ܘܪܒܬܐ ܕܥܘ̈ܠܐ܂
15:17 [ai]ܛܒܐ ܗܝ ܫܪܘܬܐ ܕܝܪܩܐ ܘܚܘܒܐ ܕܫܡܐ܂ ܛܒ ܡܢ ܬܘܪ̈ܐ ܡ̈ܦܛܡܐ ܒܣܢܐܬܐ܂
15:18 [ai]ܓܒܪܐ ܚܡܬܢܐ ܡܓܪܓ ܗܪܬܐ܂ ܘܓܒܪܐ ܢܓܝܪ ܪܘܚܐ܂ ܥܕܠܐ/ܥܬܐ#3#/ ܗܘܝܐ ܡܕܥܟ ܠܗܿ܂
15:19 [ai]ܐܘܪ̈ܚܬܗܘܢ ܕܚ̈ܒܢܢܐ ܡ̈ܠܝܢ ܟܘ̈ܒܐ܂ ܘܐܘܪ̈ܚܬܗܘܢ ܕܬܪ̈ܝܨܐ ܫ̈ܦܝܢ܀܀
15:20 [ai]ܒܪܐ ܚܟܝܡܐ ܡܚܕܐ ܠܐܒܘܗܝ܂ ܘܒܪܐ ܣܟܠܐ ܒܗܬܬܐ ܗܘ ܕܐܡܗ܂
15:21 [ai]ܓܒܪܐ ܕܣܟܠ ܚܣܝܪ ܠܒܐ ܗܘ܂ ܘܓܒܪܐ ܣܟܘܠܬܢܐ ܬܪܝܨܐܝܬ ܡܗܠܟ܂
15:22 [ai]ܡܥܒܪܝܢ ܡܚܫ̈ܒܬܐ ܐܝܠܝܢ ܕܡܝܩܪ̈ܝܢ ܟܢܘܫܬܐ܂ ܘܒܣܘܓܐܐ ܕܡ̈ܠܟܝ ܡܠܼܟܐ ‍<‍ܠܐ#3#‍>‍ ܬܬܩܝܡ܂
15:23 [ai]ܚܕܘܬܐ ܠܓܒܪܐ ܡܠܬܐ ܕܦܘܡܗ܂ ܘܕܡܡܠܠ ܒܙܒܢܗ ܫܦܝܪ ܠܗ܂
15:24 [ai]ܐܘܪܚܐ ܕܚ̈ܝܐ ܡܣܩܢܐ ܗܝ ܠܣܟܘܠܬܢܐ܂ ܕܢܣܛܐ ܡܢ ܫܝܘܠ ܬܚܬܝܬܐ܂
15:25 [ai]ܒܝܬܐ ܕܫܒܗܪ̈ܢܐ ܥܩܪ ܡܪܝܐ܂ ܘܬܚܘܡܐ ܕܐܪ̈ܡܠܬܐ ܡܫܪܪ܂
15:26 [ai]ܡܣ̈ܠܝܢ ܐܢܝ̈ܢ ܩܕܡ ܡܪܝܐ ܡܚ̈ܫܒܬܐ ܒܝܫ̈ܬܐ܂ ܘܕܟܝ̈ܢ ܡ̈ܠܐ ܒܣ̈ܝܡܬܐ܂
15:27 [ai]ܡܘܒܕ ܢܦܫܗ ܐܝܢܐ ܕܡܩܒܠ ܫܘܚܕܐ܂ ܘܕܣܢܐ ܠܡܣܒ ܫܘܚܕܐ ܚܝܐ/ܢܚܐ#3#/܂
15:28 [ai]ܠܒܗ ܕܙܕܝܩܐ ܪܢܐ ܒܗܝܡܢܘܬܐ܂ ܘܦܘܡܐ ܕܥܘ̈ܠܐ ܡܡܠܠ ܒܝܫ̈ܬܐ܂
15:29 [ai]ܪܚܝܩ ܗܘ ܡܪܝܐ ܡܢ ܥܘ̈ܠܐ܂ ܘܒܨܠܘܬܐ ܕܙܕܝ̈ܩܐ ܫܡܥ܂
15:30 [ai]ܢܘܗܪܐ ܕܥܝ̈ܢܐ ܡܒܣܡ ܠܒܐ܂ ܘܠܒܐ ܛܒܐ ܡܫܡܢ ܓܪ̈ܡܐ܂
15:31 [ai]ܐܕܢܐ ܕܫܡܥܐ ܡܟܣܢܘܬܐ ܕܚ̈ܝܐ܂ ܒܝ̈ܢܬ ܚ̈ܟܝܡܐ ܬܒܘܬ܂
15:32 [ai]ܕܡܣܠܐ ܡܪܕܘܬܐ ܣܢܐ ܢܦܫܗ܂ ܘܕܫܡܥ ܡܟܣܢܘܬܐ ܩܢܐ ܚܟܡܬܐ܀
15:33 [ai]ܕܚܠܬܗ ܕܡܪܝܐ ܝܘܠܦܢܐ/ܡܒܘܥܐ#1##2#/ ܗܝ ܕܚ̈ܝܐ܂ ܘܬܫܒܘܚܬܗ ܕܡܟܝܟܐ ܐܙܠܐ ܩܕܡܘܗܝ܂

next chapter