← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62029: P Prov

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


16:01 [ai]ܡܢ ܒܪܢܫܐ ܬܪܥܝܬܐ ܕܠܒܐ܂ ܘܡܢ ܡܪܝܐ ܡܡܠܠܐ ܕܠܫܢܐ܂
16:02 [ai]ܟܠܗܝܢ ܐܘܪ̈ܚܬܗ ܕܓܒܪܐ ܕܟܝ̈ܢ ܐ̈ܢܝܢ ܒܥܝܢ̈ܝ ܢܦܫܗ܂ ܘܡܪܝܐ ܡܬܩܢ ܐܘܪܚܗ܀
16:03 [ai]ܓܠܝ ܠܡܪܝܐ ܥܿܒ̈ܕܝܟ܂ ܘܢܬܩܢ ܡܚܫܒ̈ܬܟ܂
16:04 [ai]ܟܘܠܗܘܢ ܥܿܒ̈ܕܘܗܝ ܕܡܪܝܐ ܠܐܝܠܝܢ ܕܡܫܬܡܥܝܢ ܠܗ܂ ܘܥܘܠܐ ܢܛܝܪ ܠܝܘܡܐ ܒܝܫܐ܂
16:05 [ai]ܛܡܐ ܗܘ ܩܕܡ ܡܪܝܐ ܟܠ ܕܪܡ ܒܠܒܗ܂ ܘܕܡܘܫܛ ܐܝܕܗ ܥܠ ܚܒܪܗ ܠܐ ܢܬܚܣܐ ܡܢ ܒܝܫܬܐ܀
16:06 [ai]ܒܛܝܒܘܬܐ ܘܒܩܘܫܬܐ ܡܫܬܒܩ ܥܘܼܠܐ܂ ܘܕܚܠܬܗ ܕܡܪܝܐ ܡܣܛܝܐ ܡܢ ܒܝܫܬܐ܂
16:07 [ai]ܒܨܒܝܢܗ ܕܡܪܝܐ ܐܘܪ̈ܚܬܗ ܕܓܒܪܐ܂ ܐܦ ܠܒ̈ܥܠܕܒܒܘܗܝ ܢܦܪܘܥ ‍<‍ܦܘܪܥܢܐ#1##2#‍>‍܂
16:08 [ai]ܛܒ ܗܘ ܩܠܝܠ ܒܙܕܝܩܘܬܐ܂ ܡܢ ܣܘܓܐܐ ܕܥ̈ܠܠܬܐ ܕܠܐ ܒܕܝܢܐ܂
16:09 [ai]ܠܒܗ ܕܒܪ ܐܢܫܐ ܡܬܚܫܒ ܐܘܪ̈ܚܬܗ܂ ܘܡܪܝܐ ܡܬܩܢ ܗ̈ܠܟܬܗ܂
16:10 [ai]ܩܨܡܐ ܥܠ ܣܦܘ̈ܬܗ ܕܡܠܟܐ܂ ܘܒܕܝܢܐ ܠܐ ܢܛܥܐ ܦܘܡܗ܂
16:11 [ai]ܡܬܩܠܐ ܕܡܣܐܬܐ ܕܝܢܗ ܕܡܪܝܐ ܘܥܿܒ̈ܕܘܗܝ ܟܠܗܘܢ ܡܬܩ̈ܠܐ ܕܩܘܫܬܐ܂
16:12 [ai]ܛܡܐܝܢ ܐܢܘܢ ܡ̈ܠܟܐ ܕܥܒܕܝܢ ܥܘܼܠܐ܂ ܡܛܘܠ ܕܒܙܕܝܩܘܬܐ ‍<‍ܗܼܘ#3#/ܗܿܘ ܗܼܘ#3#/‍>‍ ܡܬܩܢ ܟܘܪܣܝܐ܂
16:13 [ai]ܨܒܝܢܗ ܕܡܠܟܐ ܣ̈ܦܘܬܗ ܕܙܕܝܩܐ܂ ܘܡܠܬܐ ܕܬܪ̈ܝܨܐ ܪܚܡ܂
16:14 [ai]ܚܡܬܗ ܕܡܠܟܐ ܡܠܐ̈ܟܐ ܐܢܘܢ ܕܡܘܬܐ܂ ܘܓܒܪܐ ܚܟܝܡܐ ܢܕܥܟܝܗܿ܂
16:15 [ai]ܒܢܘܗܪܐ ܕܦܪܨܘܦܗ ܕܡܠܟܐ ܚ̈ܝܐ܂ ܘܨܒܝܢܗ ܐܝܟ ܥܢܢܐ ܒܟܝܪܝܬܐ܂
16:16 [ai]ܕܩܢܐ ܚܟܡܬܐ ܛܒܐ ܗܝ ܠܗ ܡܢ ܕܗܒܐ܂ ܘܕܩܢܐ ܣܘܟܠܐ ܡܝܬܪ ܗܘ ܠܗ ܡܢ ܣܐܡܐ܂
16:17 [ai]ܫܒܝܠܐ ܕܬܪ̈ܝܨܐ ܡܣܛܐ ܡܢ ܒܝܫܬܐ܂ ܘܕܙܗܝܪ ܒܢܦܫܗ ܢܛܪ ܐܘܪܚܗ܂
16:18 [ai]ܩܕܡ ܬܒܪܐ ܨܥܪܐ܂ ܘܩܕܡ ܟܘܪܗܢܐ ܪܡܘܬ ܪܘܚܐ܂
16:19 [ai]ܛܒ ܗܘ ܡܟܝܟ ܪܘܚܐ ܘܡܟܝܟ ܥܝ̈ܢܐ܂ ܡܢ ܗܿܘ ܕܡܦܠܓ ܒܙܬܐ ܥܡ ܥܫܝ̈ܢܐ܂
16:20 [ai]ܕܡܣܬܟܠ/ܕܡܫܬܘܕܥ#3#/ ܡܠܬܐ ܡܫܟܚ ܛܒܬܐ܂ ܘܕܬܟܝܠ ܥܠ ܡܪܝܐ ܛܘܒܘܗܝ܂
16:21 [ai]ܚܟܝܡ ܠܒܐ ܝܕܥ ܣܘܟܠܐ܂ ܘܕܚ̈ܠܝܢ ܣ̈ܦܘܬܗ ܡܘܣܦ/ܢܘܣܦ#1##2#/ ܝܘܠܦܢܐ܂
16:22 [ai]ܡܒܘܥܐ ܕܚ̈ܝܐ ܣܘܟܠܐ ܗܘ ܠܐܝܠܝܢ ܕܝܕܥܝܢ ܠܗ܂ ܘܡܪܕܘܬܐ ܕܣ̈ܟܠܐ \ܫܝܛܘܬܐ /ܫܛܝܐ#3# /ܫܛܝܘܬܐ#3#/ ܗܝ܂
16:23 [ai]ܠܒܐ ܚܟܝܡܐ ܝܕܥ ܡܐܡܪܐ ܕܦܘܡܗ܂ ܘܥܠ ܣ̈ܦܘܬܗ ܡܘܣܦ ܝܘܠܦܢܐ܂
16:24 [ai]ܟܟܪܝܬܐ ܕܕܒܫܐ ܡܐܡܪܗ ܕܚܟܝܡܐ܂ ܘܚܠܝܘܬܐ/ܘܚܠܝܐ#3#/ ܗܝ ܠܢܦܫܗ ܘܐܣܝܘܬܐ ܗܝ ܠܓܪ̈ܡܘܗܝ܂
16:25 [ai]ܐܝܬ ܐܘܪܚܐ ܕܡܬܚܙܝܐ ܒܥܝܢ̈ܝ ܒܢ̈ܝ ܐܢܫܐ ܕܬܪܝܨܐ ܗܝ܂ ‍<‍ܘܐܘܪ̈ܚܬܗܿ ܐܘܪ̈ܚܬܐ ܐ̈ܢܝܢ ܕܡܘܬܐ#3#‍>‍ ܘܫܒ̈ܝܠܝܗܿ ܫܒ̈ܝܠܐ ܐܢܘܢ ܕܡܘܬܐ܂
16:26 [ai]ܢܦܫܐ ܡܟܐܒܬܐ ܟܐ̈ܒܝܗܿ ܠܗܿ܂ ܘܡܢ ܦܘܡܐ ܕܢܦܫܗܿ ܐܬܐ ܠܗܿ ܐܒܕܢܐ܂
16:27 [ai]ܓܒܪܐ ܥܘܠܐ ܚܫܠ ܒܝܫܬܐ܂ ܘܡܢ ܦܘܡܗ ܝܿܩܕܐ ܢܘܪܐ܂
16:28 [ai]ܓܒܪܐ ܥܘܠܐ ܡܓܪܓ ܕܝܢܐ܂ ܘܣܪܝܩܐ ܪܕܦ ܪ̈ܚܿܡܘܗܝ܂
16:29 [ai]ܓܒܪܐ ܥܘܠܐ ܡܫܕܠ ܚܒܪܗ܂ ܘܡܘܒܠ ܠܗ ܒܐܘܪܚܐ ܕܠܐ ܫܦܝܪܐ܂
16:30 [ai]ܘܡܪܡܙ/ܘܪܡܙ#3#/ ܒ̈ܥܝܢܘܗܝ ܘܡܬܚܫܒ ܗܦܝ̈ܟܬܐ/ܗܦܟ̈ܝܬܐ#3#/܂ ܘܡܬܪܥܐ ܒܣ̈ܦܘܬܗ ܘܓܡܪ ܒܝܫܬܐ܂
16:31 [ai]ܟܠܝܠܐ ܕܬܫܒܘܚܬܐ ܣܝܒܘܬܐ܂ ܘܒܐܘܪܚܐ ܕܙܕܝܩܘܬܐ ܡܫܬܒܚܐ܂
16:32 [ai]ܛܒ ܗܘ ܢܓܝܪ ܪܘܚܐ ܡܢ ܓܢܒܪܐ܂ ܘܕܡܟܒܫ ܢܦܫܗ ܡܢ ܗܿܘ ܕܐܚܝܕ ܡܕܝܢܬܐ܂
16:33 [ai]ܒܥܘܒܗ ܕܥܢܬܐ ܢܦܠܐ ܦܨܬܗ܂ ܘܡܢ ܩܕܡ ܡܪܝܐ ܢܦܩ ܕܝܢܗ܂

next chapter