The Comprehensive Aramaic Lexicon

17:01 [ai]	ܛܒ ܗܘ ܠܚܡܐ ܝܒܝܫܐ ܒܫܠܝܐ܂ ܛܒ ܡܢ ܒܝܬܐ ܕܡܠܐ ܕܒܚ̈ܐ ܕܕܝܢܐ܂
17:02 [ai]	ܥܒܼܕܐ ܣܟܘܠܬܢܐ ܢܫܬܠܛ ܒܒܪܐ ܡܒܗܬܢܐ܂ ܘܒܝ̈ܢܬ ܐ̈ܚܐ ܢܦܠܓ/ܦܠܓ#3#/ ܝܘܪܬܢܐ/ܝܘܬܪܢܐ#1##2#/܂
17:03 [ai]	ܨܪܦܐ ܒܩܐ ܠܣܐܡܐ܂ ܘܟܘܪܐ ܠܕܗܒܐ܂ ܘܡܪܝܐ ܒܚܪ ܠܒܐ܂
17:04 [ai]	ܓܒܪܐ ܒܝܫܐ ܨܐܬ ܠܣ̈ܦܘܬܐ ܕܥܢ̈ܬܐ܂ ܘܙܕܝܩܐ ܠܐ ܫܡܥ ܠܠܫܢܐ ܕܥܢ̈ܬܐ܂
17:05 [ai]	ܕܓܚܟ ܥܠ ܡܣܟܢܐ ܡܪܓܙ ܠܒܪܝܗ܂ ܘܕܚܕܐ ܠܬܒܪܐ ܠܐ ܢܬܚܣܐ܀
17:06 [ai]	ܟܠܝܠܐ ܕܣ̈ܒܐ ܒܢ̈ܝ ܒܢ̈ܝܐ ܐܢܘܢ܂ ܘܬܫܒܘܚܬܐ ܕܒܢ̈ܝܐ ܐ̈ܒܗܝܗܘܢ܂
17:07 [ai]	ܠܐ ܝܐܝܐ ܠܣܟܠܐ ܣܦܬܐ ܡܗܝܡܢܬܐ܂ ܐܦ ܠܐ ܠܙܕܝܩܐ ܣܦܬܐ ܕܓܠܬܐ܂
17:08 [ai]	ܟܐܦܐ ܕܪ̈ܚܡܼܐ/ܕܪ̈ܚܿܡܐ#3#/ ܫܦܝܪܐ ܗܝ ܒܥܝܢ̈ܝ ܡܿܢ ܕܕܝܠܗ ܗܝ܂ ܘܠܐܬܪ ܕܡܬܦܢܝܐ ܣܘܟܠܐ ܗܝ܂
17:09 [ai]	ܕܡܟܣܐ ܥܘܼܠܐ ܒܥܐ ܪܚܡܘܬܐ܀ ܘܕܣܢܐ ܠܡܟܣܘ܂ ܡܢ ܪܚܡܐ ܘܥܡܘܪܐ ܦܪܫ܂
17:10 [ai]	ܠܘܚܡܐ ܫܚܩ ܠܒܗ ܕܚܟܝܡܐ܂ ܘܚܠܦ ܟܐܬܐ ܡܬܢܓܕ ܣܟܠܐ ܘܠܐ ܪܓܫ/ܪܓܝܫ#2#/܂
17:11 [ai]	ܓܒܪܐ ܚܪܝܝܐ ܒܥܐ ܒܝܫܬܐ܂ ܘܡܫܬܕܪ ܥܠܘܗܝ ܡܠܐܟܐ ܕܪ̈ܚܡܼܝܢ ܠܝܬ ܠܗ܂
17:12 [ai]	ܢܦܠ ܪܢܝܐ ܘܕܚܠܬܐ ܠܓܒܪܐ ܚܟܝܡܐ܂ ܘܠܣܟܠܐ ܒܫܛܝܘܬܗ܂
17:13 [ai]	ܕܦܪܥ ܒܝܫܬܐ ܚܠܦ ܛܒܬܐ܂ ܠܐ ܬܥܢܕ ܒܝܫܬܐ ܡܢ ܒܝܬܗ܂
17:14 [ai]	ܕܐܫܕ ܕܡܐ ܕܝܢܐ ܡܓܪܓ ܩܕܡ ܫܠܝܛܐ܂
17:15 [ai]	ܕܡܙܟܐ ܠܥܘܠܐ ܘܡܚܝܒ ܠܙܕܝܩܐ܂ ܛܡܐ ܗܘ ܩܕܡ ܡܪܝܐ܂
17:16 [ai]	ܠܡܢܐ ܐܙܠ ܠܗ ܩܢܝܢܐ ܠܣܟܠܐ܂ ܕܠܝܬ ܠܗ ܠܒܐ ܠܡܩܢܐ ܚܟܡܬܐ܂
17:17 [ai]	ܒܟܠ ܙܒܢ ܪܚܡܐ ܪܚܝܡ ܗܘ܂ ܘܐܚܐ ܠܐܘܠܨܢܐ ܡܬܝܠܕ܂
17:18 [ai]	ܒܪ ܐܢܫܐ ܣܟܠܐ ܡܫܠܡ ܐܝܕܗ܂ ܕܥܪܒ ܠܚܒܪܗ ܥܪܒܘܬܐ܂
17:19 [ai]	ܕܪܚܡ ܥܘܼܠܐ ܪܚܡ ܥܬܐ ܘܗܪܬܐ܂ ܘܕܡܪܝܡ ܬܪܥܗ ܒܥܐ ܬܒܪܐ ܠܢܦܫܗ܂
17:20 [ai]	ܕܥܫܝܩ ܠܒܗ ܠܐ ܡܫܟܚ/ܢܫܟܚ#1##2#/ ܛܒܬܐ܂ ܘܕܗܦܟ ܠܫܢܗ ܢܦܠ ܒܒܝܫܬܐ܂
17:21 [ai]	ܕܡܘܠܕ ܣܟܠܐ ܠܒܗܬܬܐ ܕܢܦܫܗ܂ ܘܠܐ ܢܚܕܐ ܒܗ ܐܒܘܗܝ܂
17:22 [ai]	ܠܒܐ ܚܕܝܐ ܡܫܦܪ ܓܘܫܡܐ܂ ܘܪܘܚܐ ܕܟܝܒܐ ܡܿܝܒܫܐ ܓܪ̈ܡܐ܂
17:23 [ai]	ܡܿܢ ܕܢܣܒ ܫܘܚܕܐ ܥܘܠܐ ܗܘ܂ ܨܠܐ ܓܝܪ ܐܘܪܚܐ ܕܕܝܢܐ܂
17:24 [ai]	ܐ̈ܦܘܗܝ ܕܣܟܘܠܬܢܐ ܚܝܪ̈ܢ ܒܚܟܡܬܐ܂ ܘܥܝܢ̈ܘܗܝ ܕܣܟܠܐ ܒ̈ܥܘܡܩܝܗܿ ܕܐܪܥܐ܀
17:25 [ai]	ܡܪܓܙ ܠܐܒܘܗܝ ܒܪܐ ܣܟܠܐ܂ \ܘܡܡܪ /ܘܡܪܡܪ#3# /ܘܡܡܪܡܪ#3#/ ܠܝܠܕܬܗ܂
17:26 [ai]	ܠܡܬܟ ܠܙܕܝܩܐ ܠܐ ܫܦܝܪ܂ ܐܦ ܠܐ ܠܡܡܚܐ ܠܙܕܝܩ̈ܐ ܕܐܡܪ̈ܝܢ ܬܪ̈ܝܨܬܐ܂
17:27 [ai]	ܕܚܣܟ ܡ̈ܠܘܗܝ ܝܕܥ ܝܕܥܬܐ܂ ܘܕܢܓܝܪܐ ܪܘܚܗ ܓܒܪܐ ܗܘ ܚܟܝܡܐ܂
17:28 [ai]	ܫܛܝܐ ܕܫܬܝܩ ܐܝܟ ܚܟܝܡܐ ܡܬܚܫܒ/ܡܣܬܒܪ#3#/܂ ܘܕܫ̈ܠܝܢ ܣܦܘ̈ܬܗ ܣܟܘܠܬܢܐ ܡܬܚܫܒ܂

next chapter