← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62029: P Prov

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


18:01 [ai]ܘܒܫܬܝܩܘܬܗ ܪܢܐ ܒܪܓܬܐ܂ ܘܡܡܝܩ ܒܝܘܠܦܢܐ ܛܒܐ
18:02 [ai]ܣܟܠܐ ܠܐ ܨܿܒܼܐ ܒܚܟܡܬܐ܂ ܡܛܠ ܕܪܢܐ ܠܒܗ ܒܫܛܝܘܬܐ܂
18:03 [ai]ܘܡܐ ܕܐܬܐ ܥܘܠܐ ܠܥܘܡܩܐ ܕܒܝܫ̈ܬܐ܂ ܐܬܝܐ ܥܠܘܗܝ ܫܛܝܘܬܐ ܘܨܥܪܐ ܘܚܣܕܐ܂
18:04 [ai]ܡ̈ܝܐ ܥܡ̈ܝܩܐ ܡ̈ܠܝ ܦܘܡܗ ܕܓܒܪܐ܂ ܘܢܚܠܐ ܕܢܒܥ ܡܒܘܥܐ ܕܚܟܡܬܐ܂
18:05 [ai]ܠܡܣܒ ܒܐ̈ܦܐ ܕܥܘܠܐ ܠܐ ܫܦܝܪ܂ ܐܦ ܠܐ ܠܡܨܠܐ ܕܝܢܐ ܥܠ ܙܕܝܩܐ܂
18:06 [ai]ܣ̈ܦܘܬܗ ܕܣܟܠܐ ܥܐ̈ܠܢ ܒܕܝܢܐ܂ ܘܦܘܡܗ ܡܡܛܐ ܠܗ ܠܡܘܬܐ܂
18:07 [ai]ܦܘܡܗ ܕܣܟܠܐ ܬܒܪܐ ܗܘ ܠܢܦܫܗ܂ ܘܒܣ̈ܦܘܬܗ ܨܐܕ ܢܦܫܗ܂
18:08 [ai]ܡ̈ܠܘܗܝ ܕܚܒܢܢܐ ܪ̈ܡܝܢ ܠܗ ܒܒܝܫܬܐ܂ ܘܗ̈ܢܝܢ ܡܚ̈ܬܢ/ܡܝ̈ܬܢ#3#/ ܠܗ ܠܬܘ̈ܢܐ ܕܫܝܘܠ܂
18:09 [ai]ܘܐܝܢܐ ܕܡܪܦܐ ܐ̈ܝܕܘܗܝ ܒܥܿܒܕܗ܂ ܐܚܘܗܝ ܗܘ ܕܓܒܪܐ ܡܚܒܠܢܐ܀
18:10 [ai]ܡܓܕܠܐ ܗܘ ܥܫܝܢܐ ܫܡܗ ܕܡܪܝܐ܂ ܘܠܗ ܢܪܗܛ ܙܕܝܩܐ ܘܥܫܝܢܐ܂
18:11 [ai]ܐܝܩܪܐ ܘܥܘܬܪܐ ܡܕܝܢܬܐ ܕܥܘܫܢܗ܂ ܘܒܫܘܪܐ ܥܫܝܢܐ ܡܫܪܝܗ܂
18:12 [ai]ܩܕܡ ܬܒܪܐ ܢܬܬܪܝܡ ܠܒܗ ܕܓܒܪܐ܂ ܘܩܕܡ ܐܝܩܪܐ ܡܘܟܟܐ ‍<‍ܘܩܕܡ ܟܘܪܗܢܐ ܪܡܘܬ ܪܘܚܐ#3#‍>‍܂
18:13 [ai]ܕܝܗܒ ܦܬܓܡܐ ܥܕܠܐ ܢܫܡܥ܂ ܣܟܠܐ ܗܘ ܘܡܚܣܕܐ/ܘܡܚܣܕܢܐ#3#/܂
18:14 [ai]ܪܘܚܗ ܕܓܒܪܐ ܡܣܝܒܪܐ ܚܫܗ܂ ܘܪܘܚܐ ܡܟܐܒܬܐ ܡܿܢ/ܡܢܘ#1##2#/ ܢܣܝܒܪܝܗܿ܂
18:15 [ai]ܠܒܐ ܬܩܢܐ ܩܢܐ ܚܟܡܬܐ܂ ܘܐܕܢܐ ܚܟܝܡܬܐ ܨܝܬܐ ܝܕܥܬܐ܂
18:16 [ai]ܡܘܗ̈ܒܬܐ ܕܒܪܢܫܐ ܡܪ̈ܘܚܢ/ܡܪܚܡܢ#3#/ ܠܗ܂ ܘܩܕܡ ܪ̈ܘܪܒܢܐ ܡܩܝ̈ܡܢ/ܡܩܝܡܝܢ#2#/ ܠܗ܂
18:17 [ai]ܙܟܝ ܗܘ ܒܪܢܫܐ ܒܕܝܢܗ܂ ܘܡܐ ܕܐܬܐ ܚܒܪܗ ܒܕܩ ܠܗ܂
18:18 [ai]ܦܨܬܐ ܫܪܝܐ ܚܪܝܢܐ܂ ܘܒܝ̈ܢܬ ܥ̈ܫܝܢܐ ܦܪܫܐ܂
18:19 [ai]ܐܚܐ ܕܡܬܥܕܪ ܡܢ ܐܚܘܗܝ܂ ܐܝܟ ܡܕܝܢܬܐ ܡܢ ܚܣܢܗܿ܂ ܘܐ̈ܚܕܝܗܿ/ܘܐܿܚܕܗ#1##2#/ ܐܝܟ ܣܘܟܪܐ ܕܚܣܢܐ܂
18:20 [ai]ܡܢ ܦܐܪ̈ܝ ܦܘܡܗ ܕܓܒܪܐ ܬܣܒܥ ܟܪܣܗ܂ ܘܥ̈ܠܠܬܐ/ܘܡܢ ܥ̈ܠܠܬܐ#1##2#/ ܕܣ̈ܦܘܬܗ ܢܣܒܥ܂
18:21 [ai]ܡܘܬܐ ܘܚ̈ܝܐ ܒܝܕ ܠܫܢܐ ܗܘ܂ ܘܕܪܚܡ ܠܗ ܢܐܟܘܠ ܡܢ ܦܐܪ̈ܘܗܝ܂
18:22 [ai]ܕܡܫܟܚ ܐܢܬܬܐ ܛܒܬܐ ܡܫܟܚ ܛܒܬܐ܂ ܘܡܩܒܠ ܨܒܝܢܐ ܡܢ ܡܪܝܐ܂ ܘܕܡܦܩ ܐܢܬܬܐ ܛܒܬܐ ܡܦܩ ܛܒܬܐ ܡܢ ܒܝܬܗ܀
18:23 [ai]ܡܣܟܢܐ ܡܡܠܠ ܪ̈ܟܝܟܬܐ܂ ܘܥܬܝܪܐ ܡܡܠܠ ܥܫܝ̈ܢܬܐ܂
18:24 [ai]ܐܝܬ ܪ̈ܚܡܐ ܕܪ̈ܚܡܐ ܐܢܘܢ܂ ܘܐܝܬ ܪܚܡܐ ܕܢܩܦ ܝܬܝܪ ܡܢ ܐܚܐ܂

next chapter