The Comprehensive Aramaic Lexicon

22:01 [ai]	ܡܝܬܪ ܗܘ ܫܡܐ ܡܢ ܥܘܬܪܐ ܣܓܝܐܐ܂ ܘܛܒܐ ܡܪܚܡܢܘܬܐ ܡܢ ܕܗܒܐ ܘܡܢ ܣܐܡܐ܀܀
22:02 [ai]	ܥܬܝܪܐ ܘܡܣܟܢܐ ܦܓܥܘ ܚܕ ܒܚܕ܂ ܘܠܬܪ̈ܝܗܘܢ ܡܪܝܐ ܥܒܼܕ ‍<‍ܐܢܘܢ#2#‍>‍܂
22:03 [ai]	ܥܪܝܡܐ ܚܙܐ ܒܝܫܐ ܕܡܬܢܓܕ ܘܥܫܝܢܐܝܬ ܐܬܪܕܝ܂ ܣ̈ܟܠܐ ܕܝܢ ܥܒܪܘ ܥܠܘܗܝ ܘܚܣܪܘ܂
22:04 [ai]	ܥܩܒ̈ܝܗܿ ܕܡܟܝܟܘܬܐ ܕܚܠܬܗ ܕܡܪܝܐ܂ ܘܥܘܬܪܐ ܘܐܝܩܪܐ ܘܚ̈ܝܐ܂
22:05 [ai]	ܢܫ̈ܒܐ ܘܦܚ̈ܐ ܒܐܘܪܚܐ ܥܣܩܬܐ܂ ܘܡܿܢ ܕܢܛܪ ܢܦܫܗ ܢܬܪܚܩ ܡܢܗܘܢ܂
22:06 [ai]	ܕܡܟܣ ܠܛܠܝܐ ܥܠ ܦܘܡܗܿ ܕܐܘܪܚܗ܂ ܐܦܢ ܢܩܫ ܠܐ ܢܣܛܐ ܡܢܗܿ܀܂
22:07 [ai]	ܥܬܝܪܐ ܢܫܬܠܛ \ܒܗ ܡܣܟܢܐ /ܒܡܣܟܢܐ#3#/܂ ܘܥܒܼܕܐ ܢܘܙܦ ܠܡܿܢ ܕܡܘܙܦ ܗܘܐ ܠܗ܂
22:08 [ai]	ܕܙܪܥ ܥܘܼܠܐ ܢܚܨܘܕ ܥܬܐ܂ ܘܫܒܛܐ ܕܐܟܬܗ ܢܓܡܘܪ܂
22:09 [ai]	ܡܿܢ ܕܛܒܐ ܥܝܢܗ ܗܘ ܢܬܒܪܟ܂ ܡܛܠ ܕܝܗܒ ܡܢ ܠܚܡܗ ܠܡܣܟܢܐ܂
22:10 [ai]	ܐܘܒܕ ܠܒܝܫܐ ܘܐܦܩ ܠܚܪܝܝܐ/ܠܚܪܝܢܐ#3#/܂ ܘܒܛܠ ܕܝܢܐ ܘܨܥܪܐ܂ ܕܠܐ ܐܢ ܢܬܒ ܒܟܢܘܫܬܐ ܠܟܠܟܘܢ ܢܨܥܪ܂
22:11 [ai]	ܪܚܡ ܐܠܗܐ ܠܐܝܢܐ ܕܕܟܐ ܒܠܒܗ܂ ܘܡܪܚܡ ܥܠ ܣ̈ܦܘܬܐ ܕܪ̈ܚܡܘܗܝ ܕܡܠܟܐ܂
22:12 [ai]	ܥܝܢ̈ܘܗܝ ܕܡܪܝܐ ܢܛܪ̈ܢ ܝܕܥܬܐ܂ ܘܡܘܒ̈ܕܢ ܡ̈ܠܐ ܕܓ̈ܠܬܐ܂
22:13 [ai]	ܐܡܪ ܚܒܢܢܐ ܡܐ ܕܡܫܬܕܪ܂ ܐܪܝܐ ܒܐܘܪܚܐ ܘܗܐ ܩܛܠܐ ܒܫ̈ܘܩܐ/ܒܝܬ ܫ̈ܘܩܐ#3#/܂
22:14 [ai]	ܓܘܡܨܐ ܥܡܝܩܐ ܦܘܡܗܿ ܕܢܘܟܪܝܬܐ܂ ܘܐܝܢܐ ܕܪܓܙ ܥܠܘܗܝ ܡܪܝܐ ܢܦܠ ܬܡܢ܂
22:15 [ai]	ܫܛܝܘܬܐ ܡܦܪܕܐ ܠܒܗ ܕܛܠܝܐ܂ ܘܫܒܛܐ ܕܡܪܕܘܬܐ ܡܪܚܩ ܡܢܗ܂
22:16 [ai]	ܕܬܐܟ ܠܡܣܟܢܐ ܡܣܓܐ ܒܝܫܬܗ܂ ܘܕܝܗܒ ܠܥܬܝܪܐ ܚܘܣܪܢܐ ܗܘ ܠܢܦܫܗ܂
22:17 [ai]	ܐܪܟܢ ܐܕܢܟ ܘܫܡܥ ܡ̈ܠܐ ܕܚ̈ܟܝܡܐ܂ ܘܣܝܡ ܠܒܟ ܠܝܕܥܬܝ܂
22:18 [ai]	ܡܛܘܠ ܕܒܣܝ̈ܡܢ ܐܢܝ̈ܢ܂ ܛܪ ܐ̈ܢܝܢ ܒܟܪܣܟ܂ ܘܢ̈ܬܩܢܢ ܐܝܟ ܚܕܐ ܥܠ ܣ̈ܦܘܬܟ܂
22:19 [ai]	ܕܢܗܘܐ ܬܘܟܠܢܟ ܥܠ ܡܪܝܐ ܐܘܕܥܬܟ ܝܘܡܢܐ܂
22:20 [ai]	ܘܗܐ ܟܬܒܬ ܐ̈ܢܝܢ ܠܟ ܥܠ ܬܠܬ ܙܒ̈ܢܝܢ܂
22:21 [ai]	ܕܐܘܕܥܟ ܡܠܼܟܐ ܘܝܕܥܬܐ܂ ܘܫܠܝܐ ܘܡ̈ܠܐ ܕܩܘܫܬܐ܂ ܕܬܗܦܟ ܡܠܬܐ ܕܩܘܫܬܐ ܠܡܿܢ ܕܫܕܪܟ܂
22:22 [ai]	ܠܐ ܬܬܘܟ ܠܡܣܟܢܐ ܡܛܠ ܕܡܣܟܝܢ ܗܘ܂ ܘܠܐ ܬܡܟܟ ܠܒܝܿܫܐ ܒܬܪܥܐ܂
22:23 [ai]	ܡܛܠ ܕܡܪܝܐ ܕܐܿܢ ܕܝܢܗܘܢ܂ ܘܡܬܦܪܥ ܥܘܠܒ‍<‍ܢ‍>‍ܐ ܕܢܦܫܗܘܢ܂
22:24 [ai]	ܠܐ ܬܗܘܐ ܪܚܡܐ ܠܓܒܪܐ ܚܡܬܢܐ܂ ܘܥܡ ܓܒܪܐ ܕܡܠܐ ܪܘܓܙܐ ܠܐ ܬܥܘܠ܂
22:25 [ai]	ܕܠܐ ܬܐܠܦ ‍<‍ܡܢ#3#‍>‍ ܢܡ̈ܘܣܘܗܝ܂ ܘܬܫܟܚ ܬܘܩܠܬܐ ܠܢܦܫܟ܂
22:26 [ai]	ܠܐ ܬܬܠ ܢܦܫܟ ܠܥܪܒܘܬܐ܂ ܒܕܒܗܿܬ ܐܢܬ ܡܢ ܦܪ̈ܨܘܦܐ܂
22:27 [ai]	ܐܢ ܠܝܬ ܠܟ ܓܝܪ ܡܢ ܐܬܪ ܕܬܦܪܘܥ܂ ܢܣܒܝܢ ܬܫܘܝܬܐ ܡܢ ܬܚܘܬܝܟ܂
22:28 [ai]	ܠܐ ܬܫܢܐ ܬܚܘܡܐ ܕܡܢ ܥܠܡ ܕܥܒܕܘ ܐ̈ܒܗܝܟ܂
22:29 [ai]	ܐܢ ܚܙܝܬ ܓܒܪܐ ܕܡܗܝܪ ܒܥܿܒܕܗ܂ ܩܕܡ ܡ̈ܠܟܐ ܢܩܘܡ ܘܠܐ ܢܩܘܡ ܩܕܡ ܚܫܝ̈ܟܐ܂

next chapter